Marc 3:35 - NYANMIƐN NDƐ'N 1998

³⁵ Sran ng'ɔ yo Nyanmiɛn klun sa'n, i yɛ ɔ ti min niaan bian, nin min niaan bla, nin min nin nin-ɔn.»

Nyanmien nde Ufle

³⁵ Swran ng'o yô Nyanmien klun sa'n, i ye o ti min niaan bian, nin min niaan bla, nin min nin nion.

Marc 3:35 ပူးပေါင်းရင်းမြစ်များ

Matthieu 7:21

«Nán sran'm be kwlaa bɔ be flɛ min be Min'n be ngba yɛ Nyanmiɛn ´sie be sakpa-a, san sran ng'ɔ yo min Si b'ɔ o nyanmiɛn su lɔ'n i klun sa'n, i yɛ ɔ ´sie be sakpa-a.

Jean 7:17

Sran ng'ɔ klo kɛ ɔ ´yo Nyanmiɛn klun sa'n, ɔ ´si kɛ like nga n kle'n ɔ fin i annzɛ m bɔbɔ n kpɛ n klun yɛ n kle-ɔ.

Efɛzfuɛ Mun 6:6

Nán kɛ kɛ be o lɛ'n i ngunmin yɛ an yo i sɔ nan be klun jɔ amun wun-ɔn, sanngɛ kɛ an ti Krist i kanga'n ti'n, an `tu amun klun yo sa ng'ɔ ti Nyanmiɛn klun su'n.

Hébreu 10:36

An `tra amun anwlɛn nan amu'an yo Nyanmiɛn klun sa nan amu'an nyan like nga i waan ɔ ´fa man amun'n.

Jacques 1:25

Sanngɛ Nyanmiɛn mmla'n b'ɔ ti niannun kpa'n, b'ɔ man sran'm be nyan bé ti'n, sran ng'ɔ nian nun'n, b'ɔ nian nun tititi'n, bɔ kɛ ɔ ti mmla'n i wla fi-man sanngɛ ɔ fa su'n, Nyanmiɛn man like ng'ɔ yo'n ɔ ´yo ye.

1 Piɛr 4:2

Afin Kristfuɛ ng'ɔ wun nyrɛnnɛn'n, wuun ɔ nin sa tɛ'n b'a bu. Ɔ man cɛn nga an tɛ di i asiɛ'n su wa'n, an `fa yo Nyanmiɛn klun sa, nán an yo klɔ sran klun sa kun.

1 Jean 2:17

Mɛn'n nin i nun ninnge kwlaa bɔ sran nyin blo su'n, be ´wie, sanngɛ sran ng'ɔ yo Nyanmiɛn klun sa'n, ɔ ´ka lɛ tititi.