Marc 3:27 - NYANMIƐN NDƐ'N 1998

²⁷ Sran fi kwla wlu-man sran wunmiɛnfuɛ kun i awlo lɔ kɛ ɔ ´fɛn i bo ninnge'n sɛ ɔ'a dun-man mmua ɔ'a ci-man sran wunmiɛnfuɛ sɔ'n, sanngɛ sɛ ɔ dun mmua ci i'n, ɔ kwla fɛn .

Nyanmien nde Ufle

²⁷ Swran fi kwla wlu'a swran wunmienfue kun i awlô lo ke oh fenh i bô ninngé'n se wa du'an mmua tyi'a swran wunmienfue so'n, sannge se o dun mmua tyii'n, o kwla fen.

Marc 3:27 ပူးပေါင်းရင်းမြစ်များ

Bo Bolɛ 3:15

N ´fa kpɔlɛ n wla a nin bla'n be afiɛn, n ´fa wla ɔ osu'n nin bla'n i osu liɛ'n be afiɛn. Bla'n i osufuɛ'm be kpɔtɔ ɔ́ ti'n, yɛ ɔ kusu a ´ka bé ja sin .»

Ezai 27:1

I cɛn sɔ nun'n, Anannganman ´fɛ i tokofi dan b'ɔ yo sro'n, b'ɔ ti kekleke'n, ɔ ´fa kun wuo dan bɔ be kwla trɛ-mɛn i'n, b'ɔ blibli nɔnngɔnnɔnngɔn'n. Ɔ ´kun like sroesroe sɔ'n b'ɔ o jenvie nun'n.

Ezai 53:12

Ɔ man n fɛ i n wlali sran dandan'm be nun. Ɔ nin be bɔ be kwla'n be yɛ be ´cɛ alɛ ninnge'n nun-ɔn, yɛlɛ kɛ i bɔbɔ kplinnin su kɛ ɔ ´wu, ɔ man be fɛli i wlali sa tɛ yofuɛ'm be nun, ɔ jrannin sran kpanngban bé sa tɛ'n i nuan, yɛ ɔ kpatali sa tɛ yofuɛ'm be ti .

Ezai 61:1

Anannganman Nyanmiɛn i Wawɛ'n wo mín su, afin Anannganman guali n su ngo kɛ m `bo jasin fɛ'n n kle yalɛfuɛ mun. Ɔ sunmannin min kɛ n wa cici be nga be anwlɛn'n ɔ'a kpɔtɔ be klun'n be wla, nan n `kan kle be bɔ be trali be lomuɛn'n kɛ be ´nyan be ti, yɛ n `se be nga be ti bisuafuɛ'm be kɛ be ´nyan alaje .

Matthieu 12:29

?Yɛ kusu, sɛ sran kun dun-man mmua ci-man sran wunmiɛnfuɛ'n, ɔ ´yo sɛ yɛ ɔ ´kwla wlu i awlo'n nun fɛn i bo ninnge mun-ɔn? San ɔ ´ci sran sɔ'n, nan ɔ'a kwla fɛn i bo ninnge'n.

Jean 12:31

Siɛn'n, ɔ'a ju mɛn nga nunfuɛ'm be jɔlɛ difuɛ'n i ja su fa kɔlɛ, siɛn'n, be wa kan sran ng'ɔ sie mɛn nga'n i bo.

Rɔmfuɛ Mun 16:20

Ɔ cɛ kaan Nyanmiɛn b'ɔ man sran di alaje'n, ɔ man amun ´tia Satan su yɛ amun ´nunkun i. Man e Min Jésus yo amun ye tititi!

Kolɔsfuɛ Mun 2:15

Krist i waka sɔ'n ti, Nyanmiɛn buli mmusu mun nin kpɛnngbɛn'm be kwlalɛ'n i bue, kɛ ɔ fa be yili i kwlalɛ'n nglo'n, ɔ man be wun be wafa nga be ti'n.

Hébreu 2:14

Kɛ bɔ ba sɔ'm be ti klɔ sran'n ti'n, Jésus kusu kacili i wun klɔ sran kɛ be sa. Ɔ yoli i sɔ nan sɛ ɔ wu'n ɔ ´kwla mmusu'm bé si Satan'n b'ɔ man wie'n kwla sran mun'n.

1 Jean 3:8

Sran ng'ɔ yo sa tɛ'n, ɔ ti mmusu'm bé si Satan'n i liɛ, afin kɛ ɔ fin i bo bolɛ nun'n, mmusu'm bé si Satan'n ti sa tɛ yofuɛ. Nyanmiɛn Wa'n bali sa nga mmusu'm bé si Satan yo'n i nuan nnya bulɛ.

1 Jean 4:4

M mma mun, amun liɛ'n, an ti Nyanmiɛn liɛ, ɔ man an kwlali be, afin Nyanmiɛn Wawɛ ng'ɔ o amun nun'n ɔ lɛ kwlalɛ tra Krist i kpɔfuɛ'n b'ɔ o mɛn'n nunfuɛ'm bé sin'n.