Marc 16:19 - NYANMIƐN NDƐ'N 1998

¹⁹ Kɛ e Min'n kannin ndɛ sɔ'n kleli be'n, Nyanmiɛn mɛnnin i su ɔli nyanmiɛn su lɔ, ɔ trannin ase i fama su .

Nyanmien nde Ufle

¹⁹ Ke é Min'n kan nde so'n kléé bé'n, Nyanmien meen i su oo nyanmien su lo, o traan asé i fama su.

Marc 16:19 ပူးပေါင်းရင်းမြစ်များ

Jue Mun 110:1

Jue nga ti David liɛ. I waan: Anannganman i nuan su ndɛ ng'ɔ kan kleli min Min'n yɛ. Ɔ seli i kɛ yo: «Tran ase mín fama su wa lele man n yi ɔ kpɔfuɛ'm be ase ɔ́ bo nan n `fa be yo ɔ́ ja siesiewlɛ .»

Marc 16:20

Yɛ be ko kannin ndɛ'n lika'n kwlaa nun. E Min Nyanmiɛn nin be dili junman, ɔ man be yili atrɛ b'ɔ kle kɛ be ndɛ'n ti nanwlɛ.]

JÉSUS-CHRIST I DYASIN FE'N BO LUC KLELI'N 22:69

Sanngɛ kɛ ɔ fin ndɛ'n, «M bɔ n kacili Sran'n n wa tran Nyanmiɛn i fama su .»

JÉSUS-CHRIST I DYASIN FE'N BO LUC KLELI'N 9:51

Kɛ cɛn nga Nyanmiɛn wa fa Jésus kɔ nyanmiɛn su'n mantannin'n, i waan, san ɔ ´kɔ Zerizalɛm, nan ɔ'a sunman sran i nyrun lɔ.

Jean 13:1

Jésus sili kɛ i mɛn'n nun wa tulɛ'n nin i Si sin kɔlɛ'n ɔ'a ju, i sin nan b'a bo Delɛ-cɛn'n dilɛ'n bo. Kɛ ɔ fin i bo bolɛ nun'n, Jésus klo i fuɛ nga be o mɛn'n nun'n, ɔ klo be lele guɛ i ti nin i bo.

Jean 16:28

N fin e Si'n wun lɔ yɛ m bali-ɔ. Siɛn'n, n su jao mɛn nga nun n ´kɔ i wun lɔ ekun.»

Jean 17:13

Siɛn'n, n su kɔ ɔ́ sin. N kannin ndɛ sɔ'n mɛn'n nun nan be klun jɔ kɛ n liɛ'n sa lelele.

Jean 20:17

Yɛ Jésus seli i kɛ: «Nán kan min, afin n nian fu-man min Si wun lɔ ka. Sanngɛ kɔ min niaan'm be sin ko se be kɛ n ´fu kɔ min nin amun e Si'n b'ɔ ti min nin amun e Nyanmiɛn'n i wun lɔ.»

Jean 21:15

Kɛ be wieli like di'n, Jésus usali Simɔn Piɛr kɛ: «?Zan wa Simɔn, a klo min tra be nga mun?» Ɔ tɛli i su kɛ: «Ɛɛn! Nannan, a si kɛ n klo wɔ.» Yɛ Jésus seli i kɛ: «Nian m bua mma'm be lika!»

Jean 21:22

Yɛ Jésus tɛli i su kɛ: «?Sɛ n klo kɛ ɔ tran lɛ lele man ɔ fa ju m balɛ'n, ɔ ndɛ o nun? Ɔ li, su n su.»

Jean 6:62

?Sɛ an wun kɛ m bɔ n kacili Sran'n n su fu kan n wo lɔ laa'n, amun ´yo amun wun sɛ?

Sa nga bé yôli'n 1:22

kɛ Zan yoli e Min Jésus batɛm bɔ e wlan-wlan-an be ko sunman e titi lele fa juli cɛn nga Nyanmiɛn fɛli i e afiɛn'n, man ɔ yo be nun kun.»

Sa nga bé yôli'n 2:33

Kɛ i si Nyanmiɛn mɛn i su sieli i fama su'n, ɔ fɛli i Wawɛ'n b'ɔ seli kɛ ɔ ´fa man'n ɔ fa mɛnnin i, yɛ ɔ fali like nga amun wun i bɔ an ti ngan yɛ'n mannin sran mun-ɔn.

Sa nga bé yôli'n 3:21

Kɛ e o yɛ liɛ'n, ɔ fata kɛ ɔ tran nyanmiɛn su lɔ lele san ɔ ´ju blɛ nga Nyanmiɛn ´yo ninnge'n kwlaa be uflɛ ekun'n. Ɔ man i nuan ijɔfuɛ'm be dun mmua kɛnnin i sɔ laa.

Rɔmfuɛ Mun 8:34

?Wan yɛ ɔ kwla se kɛ b'a di fɔ-ɔ? Krist-Jésus yɛ ɔ wuli-ɔ, kusu ɔ cɛnnin, ɔ o Nyanmiɛn i fama su, ɔ kpɛtɛ i man ye.

Kolɔsfuɛ Mun 3:1

I sɔ'n ti'n, sɛ amun nin Krist yɛ an cɛnnin'n, an `kunndɛ nyanmiɛn su lɔ ninnge mun, Krist ti Nyanmiɛn i fama su lɔ .

1 Timote 3:16

Nanwlɛ, e kwlaa e si kɛ kɛ ɔ yoli bɔ e yoli Nyanmiɛn liɛ'n, ɔ ti abonuan dan, sran wun-mɛn i wlɛ. Ɔ yoli i wun sran'n, ɔ yili i wun nglo, Nyanmiɛn Wawɛ'n kle kɛ ɔ ti sran kpa, anz'm be wunnin i. Be kɛnnin i ndɛ nvle'm be nun. Be lafili i su mɛn wunmuan'n nun. Be mɛnnin i su ɔli nyanmiɛn su lɔ, ɔ nyannin nyrun dan.

Hébreu 1:3

I yɛ ɔ man e wun Nyanmiɛn b'ɔ yi i wun nglo nyannyannyan nin-ɔn, ɔ fa Nyanmiɛn i wafa kwlaa ng'ɔ ti'n, i nuan nun ndɛ'n yɛ man ninnge'n kwlaa be o lɛ-ɔ. Kɛ ɔ yoli bɔ sran'm bé wun sa'n wieli'n, ɔ ko trannin Nyanmiɛn b'ɔ ti Wlengbi'n i fama su nyanmiɛn su lɔ.

Hébreu 12:2

Man e kpɛ é nyin nian Jésus, e Nyanmiɛn sulafilɛ'n fin i, i yɛ man e ´lafi i su lele ´guɛ i ti nin i bo-ɔ. Kɛ ɔ bu i klun b'ɔ wa jɔ'n i akunndan'n, ɔ kplinnin su man be kunnin i waka'n su, ɔ'a bu-mɛn i nyin ase gualɛ'n i like fi, kɛ e ´se yɛ'n ɔ'a ko tran Nyanmiɛn i bia'n i fama su .

Hébreu 4:14

E lɛ Nyanmiɛn nyrun jranfuɛ'm be su kpɛn kpa kun, ɔ ɔli lele juli Nyanmiɛn bɔbɔ nyrun lɔ: yɛlɛ Jésus Nyanmiɛn Wa'n. I sɔ'n ti'n, like nga e lafi su'n, man e lafi su kpa.

Hébreu 6:20

Lɔ yɛ é ti Jésus b'ɔ ti e nyrun dunfuɛ'n ɔ wluli nin-ɔn. Ɔ kacili Nyanmiɛn nyrun jranfuɛ b'ɔ ´ka lɛ titi kɛ Mɛlkizedɛk liɛ'n sa .

Hébreu 7:26

Nanwlɛ, Nyanmiɛn nyrun jranfuɛ'm be su kpɛn nga y'a nyɛn i yɛ'n, yɛ e kunndɛ nin-ɔn. Ɔ ti Nyanmiɛn liɛ klonglonglo sa tɛ kaan sa nun-mɛn i wun, ɔ nin sa tɛ yofuɛ'm be sanman nun, yɛ Nyanmiɛn mɛnnin i tranwlɛ kpa nglo mmua-mmua lɔ.

Hébreu 8:1

An `nian ndɛ nga e kan'n i nun nanndoliɛ'n yɛ: e lɛ Nyanmiɛn nyrun jranfuɛ'm be su kpɛn kun b'ɔ ti Nyanmiɛn Kpli b'ɔ ti Wlengbi'n i bia'n i fama su nyanmiɛn su lɔ .

Hébreu 9:24

Afin nán Nyanmiɛn lika b'ɔ ti sran sa nuan b'ɔ ti i kpafuɛ'n i nzɔliɛ i nun yɛ Krist wluli-ɔ, sanngɛ ɔ ɔli nyanmiɛn bɔbɔ'n su lɔ Nyanmiɛn wun lɔ, ɔ man kɛ e ´se yɛ'n, ɔ jran é nuan.

1 Piɛr 3:22

Ɔ ɔli nyanmiɛn su lɔ, ɔ o Nyanmiɛn i sa fama su, ɔ sie anz mun, nin lɔ kpɛnngbɛn mun, ɔ nin be ngblewa-ngblewa mun.