Marc 16:17 - NYANMIƐN NDƐ'N 1998

¹⁷ An `nian atrɛ nga be nga be lafi su'n be wa yi-ɔ: N dunman nun be ´fuan asiɛ usu mun, be ´ijɔ aniɛn uflɛ mun,

Nyanmien nde Ufle

¹⁷ Anh nian atre nga bé nga bé lafi su'n bé wa yio: N dunman nun béh fuanh asie usu mun, béh idyoh anien ufle mun,

Marc 16:17 ပူးပေါင်းရင်းမြစ်များ

Marc 9:38

Zan seli Jésus kɛ: «Baba, e wunnin sran kun b'ɔ nun-man e nun wie, kpɛkuun ɔ fa ɔ dunman'n fuan asiɛ usu. I sɔ'n ti e seli i kɛ nán man ɔ fuan be kun yɛlɛ kɛ ɔ nun-man e nun wie.»

JÉSUS-CHRIST I DYASIN FE'N BO LUC KLELI'N 10:17

Kɛ sran ableso-nin-nnyɔn'm be ɔli be bali'n, be klun jɔli, yɛ be seli kɛ: «Nannan, kɛ e bo ɔ dunman'n, asiɛ usu'm be sro ye.»

Jean 14:12

Nanwlɛ, sran ng'ɔ lafi n su'n, like nga n yo be'n, ɔ ´yo wie, i liɛ'n ´tra n liɛ'n bɔbɔ, afin n su kɔ e Si'n sin.

Sa nga bé yôli'n 10:46

Afin be wunnin kɛ sran sɔ'm be su kan aniɛn wie mun yɛ be manman Nyanmiɛn.

Sa nga bé yôli'n 16:18

Ɔ yo i sɔ tititi ɔ man ɔ flannin Pɔl, le kun liɛ'n, ɔ kpɛ i nyin seli bla sɔ'n i like'n b'ɔ su i su'n kɛ: «Jésus-Krist dunman nun, nán su bla nga su kun.» Nan ɔ'a tu i wun bé ja osu kunngba'n nun.

Sa nga bé yôli'n 19:6

Pɔl fɛ i sa fuali be su, Nyanmiɛn Wawɛ'n wluli be nun, kpɛkuun be su kan aniɛn wie mun, yɛ be kan ndɛ nga Nyanmiɛn fa wlali bé nuan'n.

Sa nga bé yôli'n 2:33

Kɛ i si Nyanmiɛn mɛn i su sieli i fama su'n, ɔ fɛli i Wawɛ'n b'ɔ seli kɛ ɔ ´fa man'n ɔ fa mɛnnin i, yɛ ɔ fali like nga amun wun i bɔ an ti ngan yɛ'n mannin sran mun-ɔn.

Sa nga bé yôli'n 5:16

Sran kpanngban kpa kusu be fin klɔ nga be mantan Zerizalɛm lɛ'n be su be bali. Kɛ be ´ba'n, be nin tukpacɛfuɛ mun nin be nga asiɛ usu a saci be mun be bali, nan be kwlaa b'a yo juejue

Sa nga bé yôli'n 8:7

Afin asiɛ usu bɔ be saci sran'n be kpan kekle kpa, be jao sran kpanngban be su, yɛ bubuwafuɛ nin cɛcɛwafuɛ kpanngban be yo juejue.

1 Korɛntfuɛ Mun 12:10

Ɔ man wie yo sa kekleekle, ɔ man wie ijɔ Nyanmiɛn nuan, ɔ man wie si like nga be ti Nyanmiɛn liɛ'n nin nga be ti-mɛn i liɛ'n be ngbaciɛ, ɔ man wie kan aniɛn wafa-wafa, yɛ ɔ man wie kaci aniɛn b'ɔ ti-man'n.

1 Korɛntfuɛ Mun 12:28

Kɛ Nyanmiɛn sieli sran'm be sɔ asɔnun'n nun-ɔn. Be nun klikli'n yɛlɛ be b'ɔ sunman be'n, i nnyɔn su'n yɛlɛ be nga be ijɔ i nuan'n, i nsan su'n yɛlɛ be nga be kle ninnge'n. Bé sin liɛ'n yɛlɛ be nga be yo sa kekleekle'n, nin be nga be yo tukpacɛfuɛ'm be juejue'n, nin be nga be yo sran ye'n, nin be nga be di kpɛn'n, ɔ nin be nga be kan aniɛn wafa-wafa'n.

1 Korɛntfuɛ Mun 12:30

?Be ngba be yo sa kekleekle? ?Be ngba yɛ be yo sran juejue-ɔ? ?Be ngba be kan aniɛn wie mun? ?Be ngba be si aniɛn bɔ be ti-man'n i kaci?

1 Korɛntfuɛ Mun 13:1

Kannzɛ man n kan aniɛn wafa-wafa nin anz'm be liɛ'n bɔbɔ'n, sɛ n klo-man sran'n, wuun n ti kɛ aaba b'ɔ tɛ gleinglein'n sa, nin aaba ndɛ b'ɔ tɛ gblaungblaun'n sa.

1 Korɛntfuɛ Mun 14:2

Afin sran ng'ɔ ijɔ aniɛn wie'n ɔ kan kle-man sran, Nyanmiɛn yɛ ɔ kan kle i-ɔ yɛlɛ kɛ sran ti-man. Yɛ Nyanmiɛn Wawɛ'n yɛ man ɔ kan sa nga sran'm be wun-mɛn i wlɛ'n i ndɛ-ɔ.