Marc 16:15 - NYANMIƐN NDƐ'N 1998

¹⁵ Yɛ ɔ seli be kɛ: «An `wɔ mɛn wunmuan'n nun, an `kan jasin fɛ'n kle sran'm be kwlaa bɔ Nyanmiɛn yili be'n .

Nyanmien nde Ufle

¹⁵ Ye o séé bé ke: Anh wo men wunmuan'n nun, anh kan dyasin fe'n klé swran'n kwlaa bo Nyanmien yii bé'n.

Marc 16:15 ပူးပေါင်းရင်းမြစ်များ

Jue Mun 22:27

Yalɛfuɛ'm be ´di aliɛ be ku ´yi. Be nga be fa bé wun mantan Anannganman'n, be´mɛnmɛn i yɛ be ´nyan nguan tɛnndɛn.

Jue Mun 96:3

Amun `kɛn i nyrun b'ɔ lɛ i'n i ndɛ sin nvle-nvle'm be kwlaa nun. Amun `kɛn i abonuan sa mun kle sran'm be kwlaa.

Jue Mun 98:3

Izraɛlfuɛ'm be ye b'ɔ yo i cɛn kwlaa nin be nanwlɛ b'ɔ di i tititi'n, i wla a fi-man su le. Kɛ ɔ ´fɛ i asiɛ'n i bue kun su lele b'ɔ ´fa ju i bue kun su lɔ'n, sran'm be kwlaa be wunnin delɛ nga e Nyanmiɛn'n deli ye'n .

Ezai 45:22

Amun nga amun wo asiɛ'n i mmua lɔ'n, amun `kpɛ amún nyin mín wun wa, yɛ amun ´fite nun! Afin Nyanmiɛn'n yɛlɛ min, uflɛ fi nun-man lɛ kun.

Ezai 49:6

Ɔ seli min kɛ: «Kɛ a ti min sufuɛ'n, bɔ min waan a man Zakɔb osu'n nunfuɛ'm be su'n, nan Izraɛlfuɛ nga bé nyin o su'n a `fa be sa bé sin'n, i sɔ'n ɔ ju-man. N ´yo man a ´kpaja nvle-nvle'm be nyrun, ɔ ti sran'm be ´nyan be ti lele ju asiɛ'n i awieliɛ'n, be ´wun delɛ bɔ n de sran'n .»

Ezai 52:10

Anannganman ɔ'a kle nvle-nvle'm be nunfuɛ'm be kwlaa kɛ ɔ ti kpli. Yɛ kɛ ɔ fɛ i lele ´ju mɛn'n i awieliɛ lɔ'n, sran'm be ´wun delɛ nga Nyanmiɛn de sran'n .

Matthieu 28:19

I sɔ'n ti, an `wɔ ko kle nvle-nvle'n kwlaa be like man be kaci n sɔnnzɔnfuɛ, yɛ an `yo be batɛm e Si Nyanmiɛn, nin i Wa'n, ɔ nin i Wawɛ'n be dunman nun .

Marc 13:10

San be ´dun mmua bo jasin fɛ'n kle nvle-nvle'm be kwlaa i sin nan sa sɔ'm b'a yo.

Jean 15:16

Nán amun yɛ an fali min-ɔn, sanngɛ min yɛ n fali amun-ɔn. N fali amun kɛ an wɔ nan an ko yo kɛ waka sama b'ɔ su'n sa. N waan mma nga an su i sɔ'n ɔ ´ka lɛ titi nan like kwlaa nga an fa n dunman srɛ e Si'n, ɔ `man amun.

Jean 20:21

Yɛ ɔ seli be ekun kɛ: «Man amun wun jɔ amun fɔuun! Kɛ n Si fa sunmannin min'n, n kusu n ´fa sunman amun sɔ.»

Sa nga bé yôli'n 1:2

lele fa juli cɛn nga Nyanmiɛn mɛnnin i su fa ɔli Nyanmiɛn su lɔ'n. Jésus yoli man Nyanmiɛn Wawɛ'n dun mmua kleli be b'ɔ fali be b'ɔ sunmannin be'n, like ng'ɔ fata kɛ be yo'n, i sin nan ɔ'a wɔ.

Sa nga bé yôli'n 1:8

Sanngɛ kɛ Nyanmiɛn Wawɛ'n ko ba amun wun'n, ɔ ´tin amun, an wa kan min ndɛ Zerizalɛm wa, nin Zide mɛn wunmuan'n nun, ɔ nin Samari lɔ lele fa ju asiɛ'n i awieliɛ .»

Rɔmfuɛ Mun 10:18

N se kɛ yoo: ?B'a ti-man? Be tili i kpa, afin be klɛli i kɛ: «Be kannin ndɛ lika'n kwlaa, yɛ be tili be ndɛ'n mɛn wunmuan'n nun .»

Rɔmfuɛ Mun 16:26

Sanngɛ siɛn'n, fluwa nga i nuan ijɔfuɛ'm be klɛli'n man y'a wun i wlɛ weiin. Anannganman Nyanmiɛn'n sieli i sɔ nan be kwlaa nga be ti-man Zuif'n be lafi i su yɛ bé nyin yi i.

Efɛzfuɛ Mun 2:17

Ɔ wa kan jasin fɛ'n kleli amun bɔ amun nin Nyanmiɛn di-man'n, nin be nga be nin i di'n, ɔ seli kɛ amun nin i amún nuan a sɛ ,

Kolɔsfuɛ Mun 1:23

Sɛ an jran kekle bɔ an lafi Krist su kpa'n, bɔ an yaci-man like nga kɛ an tili jasin fɛ'n an fali amún wla guali su'n yɛ amun ´yo sɔ-ɔ. Jasin fɛ sɔ'n yɛ be kan kleli asiɛ'n sufuɛ'm be kwlaa nin-ɔn. I yɛ m Pɔl m'an fa kaci n junman n di nin-ɔn.

Kolɔsfuɛ Mun 1:6

Jasin fɛ'n ɔ tru, ɔ yo sran'm be kpa mɛn wunmuan'n nun. Amun kusu, kɛ ɔ fin cɛn nga an tili ye nga Nyanmiɛn yo sran mun'n bɔ an wunnin i wafa ng'ɔ ti'n i wlɛ sakpa'n, kɛ ɔ yoli amun sɔ-ɔ.

1 Jean 4:14

E wun kɛ e Si sunmɛnnin i Wa'n mɛn'n nun kɛ ɔ wa de sran mun yɛ man e kan-an.

Sa nglô yile 14:6

N wunnin anz kun ekun ɔ tu sin nyanmiɛn ble kpa nun lɔ, ɔ lɛ jasin fɛ kun b'ɔ ti anannganman, b'ɔ ´kan kle sran nga be o asiɛ'n su bɔ be fin mɛnmɛn nin nvle-nvle'n kwlaa nun'n, ɔ nin be kwlaa nga be aniɛn'n ti fanunfanun'n, ɔ nin sran wafa-wafa'n kwlaa.