Marc 15:32 - NYANMIƐN NDƐ'N 1998

³² Man Krist b'ɔ ti Izraɛlfuɛ'm be famiɛn'n ɔ fin waka'n su jra siɛn'n, man e wun i nan e lafi i su.» Be nga be boboli be nin i'n, be kusu be kpɛli i nzowa wie.

Nyanmien nde Ufle

³² Man Christ (*f1*), Israël'm bé famien'n o fin waka'n su dyra sien'n, man é wuin nan é lafi i su. Bé nga bé bôbôô bé nin i'n, bé kusu bé kpee i nzôwa wié.

Marc 15:32 ပူးပေါင်းရင်းမြစ်များ

Ezai 44:6

Anannganman b'ɔ ti Izraɛl famiɛn'n, b'ɔ kpɔli Izraɛlfuɛ'm bé ti'n, b'ɔ sie mɛn wunmuan'n, i waan: «Min yɛ n ti ninnge'm be kwlaa be klikli'n nin be kasiɛn nin-ɔn. Nyanmiɛn fi nun-man mín sin kun .

Sofoni 3:15

afin amun wun ya nga Anannganman fali'n ɔ'a guɛ i ase, ɔ'a fuan amun kpɔfuɛ mun. Anannganman b'ɔ ti Izraɛl famiɛn'n, ɔ nin amun wo nun, nán srɛ kun amun, sayalɛ su nyan-man amun kun.

Zakari 9:9

Siɔnfuɛ mun, man amun wun blibli amun, amun `tu kpɛn! Zerizalɛmfuɛ mun, amun `bo sro. Amun `nian, amun famiɛn'n su ba amun wun. Ɔ ti sran kpa, ɔ kwla, ɔ ti wɛtɛfuɛ. Ɔ'a fu aflunmun bɔ ɔ'a kpɛ cro kun su. Aflunmun sɔ'n ɔ ti aflunmun bla kun wa .

Matthieu 1:17

Kɛ ɔ fin Abraam blɛ su lele b'ɔ ´fa ju David blɛ su'n, be osu'm be akpasua'n ti blu-nin-nnan. Kɛ ɔ fin David blɛ su lele b'ɔ ´fa ju blɛ nga be ´fa be kɔ Babilɔni'n, be osu'm be akpasua'n ti blu-nin-nnan. Kɛ be fa be ɔli Babilɔni lele b'ɔ ´fa ju Krist blɛ su'n, be akpasua'n ti blu-nin-nnan.

Matthieu 27:42

«Ɔ deli sran wie mun, sanngɛ ɔ kwla de-mɛn i bɔbɔ wun. Ɔ ti Zuif'm be famiɛn! Man ɔ fin waka'n su jra, sɛ ɔ yo i sɔ'n yɛ e ´lafi i su-ɔ.

Matthieu 27:44

Kodiawiefuɛ bɔ be boboli be nin i'n be kusu be dili i tɛ wie.

Marc 15:26

Be klɛli sa ti bɔ be boboli i'n kɛ: «Zuif'm be famiɛn.»

Marc 15:27

Be boboli i nin kodiawiefuɛ nnyɔn, kun wo i fama su, kun wo i bɛ su. [

Jean 1:49

Yɛ Natanaɛl seli i kɛ: «Baba, wɔ yɛ a ti Nyanmiɛn Wa nin-ɔn, yɛ a ti Izraɛlfuɛ'm be famiɛn.»

Jean 12:13

Be fali mme nnya trali nun. Be fite ɔli i atin kpalɛ, be kpan seli kɛ: «Ozanna! Sran ng'ɔ ba e Min Nyanmiɛn dunman nun'n, Nyanmiɛn man ɔ nyan nguan. Nyanmiɛn man Izraɛl famiɛn'n nyan nguan .»

Rɔmfuɛ Mun 3:3

?Ɔ man e ´se sɛ? ?Sɛ sran wie'm be lafi-man Nyanmiɛn su'n, i su bɔ be lafi-man'n ti'n, ɔ man i nanwlɛfuɛ b'ɔ ti'n ɔ ´kaci?

2 Timote 2:18

bɔ b'a yaci ndɛ nanwlɛ'n. Be se sran'm be kɛ be nga be wuli'n b'a cɛn, ɔ man be wie'm be lafi-man Nyanmiɛn su kpa kun.