Marc 15:19 - NYANMIƐN NDƐ'N 1998

¹⁹ Wuun be ´fa ndɛma fin i ti'n su, be ´guɛ i wun ngɔsrɛ, wuun be ´koto i bo .

Nyanmien nde Ufle

¹⁹ Wuun béh fah ndema fin i ti'n su, béh gueh i wun ngosre, wuun béh kôtôh i bô.

Marc 15:19 ပူးပေါင်းရင်းမြစ်များ

Bo Bolɛ 24:52

Kɛ Abraam i sufuɛ'n tili bé nuan ndɛ'n, ɔ kotoli nan ɔ'a la Anannganman'n i ase.

Bo Bolɛ 43:28

Be tɛli i su kɛ: «E si'n wo lɛ, ɔ ti juejue.» Kpɛkuun be kotoli i bo ekun.

1 Famiɛn Mun 19:18

sanngɛ n ´yaci sran akpi nso (7.000) Izraɛl mɛn'n nun. Sran sɔ'm be liɛ'n b'a koto-man Baal nyrun, yɛ b'a tafi-mɛn i wun.»

Zɔb I Nyrɛnnɛn Wunlɛ 13:9

?Sɛ ɔ nian amun anwlɛn'n nun siin'n, ɔ ´wun sa kpa lɔ? ?Amun waan amun ´lɛkɛ i kɛ be laka klɔ sran'n sa?

Jue Mun 69:12

N waan man n wla bajɛ tralɛ, sanngɛ ɔ nin i sɔ ngba'n be ´fa min kpɛ flɛn.

Ezai 45:23

M bɔbɔ n ta mín wun nda, ndɛ ng'ɔ ti su'n yɛ ɔ fin mín nuan fite-ɔ, ndɛ sɔ'n n su kaci-mɛn i, sran'm be kwlaa be ´koto ḿ bo yɛ be kwlaa be ´ta nda min dunman nun .

Ezai 49:7

Anannganman b'ɔ kpɔ i nvle'n nunfuɛ'm bé ti'n, b'ɔ ti Izraɛl Nyanmiɛn'n, ɔ kan ndɛ kle amun bɔ be yo amun finfin'n, bɔ be kpɔ amun'n, bɔ be nga be sie sran mun kekle su'n be fa amun yo be kanga'n. I waan: «Min Anannganman bɔ n ti nanwlɛfuɛ'n, bɔ n ti Izraɛl Nyanmiɛn'n, min bɔ n kpali amun'n, min dunman nun ti sɛ famiɛn'm be wun amun'n, be ´jaso be famiɛn bia'm be su, sɛ famiɛn i awlo lɔ sran dandan'm be wun amun'n, be ´koto amun bo.»

Ezai 50:6

N tikeli min sin'n su m mannin be nga be boli min'n, n yacili min nyrun'n lɛ m mannin be nga be tutuli min akanza'n kɛ be ´kpɛ min nzowa'n, kɛ be ´ti be nuan nzue ´ta mín wun'n, m'an kata-man min nyrun .

Ezai 52:14

Kɛ sran sunman be wunnin i'n, srɛ kunnin be dan. Afin kɛ a wun i nyrun'n sa'n, a wun-mɛn i sran wlɛ kun, i wafa'n ti-man kɛ sran'm be liɛ'n sa kun.

Mise 5:1

Anannganman kan ndɛ kleli Bɛtleɛm-Efrata, ɔ seli kɛ: «Bɛtleɛm-Efrata, wɔ bɔ a ti Zida akpasua'n be nun kaan kpa'n, ɔ su lɔ yɛ sran ng'ɔ ko sie Izraɛl'n ɔ ´fin fite-ɔ. Sran sɔ'n i afiliɛ'n fin lalafuɛ nun, ɔ ti adudua .»

Matthieu 27:30

Be guɛli i wun ngɔsrɛ, be fali ndɛma'n b'ɔ o i sa nun'n finnin i ti'n su.

Marc 10:34

be ´yo n finfin, be ´gua min wun ngɔsrɛ, be ´bo min nin ngble, yɛ be ´kun min, kɛ n di le nsan'n, n ´cɛn.»

Marc 14:65

Be wie'm be guɛli i wun ngɔsrɛ, be boli i zaga, be usɛli i kɛ: «?Wan yɛ ɔ boli wɔ-ɔ?» Yɛ sua sunianfuɛ'm be sɔli i bolɛ su-ɔ.

Marc 15:18

Kpɛkuun be yoli i like, be se kɛ: «Zuif'm be famiɛn, Nyanmiɛn man a cɛ o!»

Marc 15:20

Kɛ be yoli i finfin sɔ wieli'n, be yili i wun tralɛ bɔ i nyin'n ti ɔkwlɛ kankankan'n, nan b'a fɛ i bɔbɔ liɛ'n b'a wlɛ i wun ekun, yɛ be fɛ i ɔli i waka'n su bobolɛ-ɔ.

Marc 9:12

Ɔ tɛli be su kɛ: «Eli ´dun mmua ɔ wa yo ninnge'n kwlaa be uflɛ ekun. ?Yɛ ɔ yo sɛ ti yɛ be klɛ m bɔ n kacili Sran'n mín wun ndɛ kɛ m wa wun nyrɛnnɛn dan kpa nan be ´yo n finfin nin-ɔn ?

JÉSUS-CHRIST I DYASIN FE'N BO LUC KLELI'N 22:63

Be nga be nian Jésus su'n be yoli i finfin, be boli i,

JÉSUS-CHRIST I DYASIN FE'N BO LUC KLELI'N 23:11

Erɔd nin i sonja mun be yoli i finfin, be srili i, be wlɛli i wun tralɛ klanman kpa nan b'a fɛ i a ko man Pilat .

JÉSUS-CHRIST I DYASIN FE'N BO LUC KLELI'N 23:36

Sonja'm be kusu be wunngeli i wun lɛ be yoli i finfin, be fali vinɛgri wie fa tinngɛli i nyrun , yɛ be seli kɛ:

Rɔmfuɛ Mun 11:4

?Sanngɛ Nyanmiɛn seli i sɛ? Ɔ seli i kɛ: «N lɛ sran akpi nso (7.000) bɔ b'a koto-man Baal bo .»

Filipfuɛ Mun 2:10

nan kɛ like nga be o nyanmiɛn su lɔ'n, nin asiɛ'n su wa'n, nin asiɛ'n i bo lɔ'n, be kwlaa be ti i dunman Jésus'n, be `koto i bo,

Hébreu 13:13

I sɔ'n ti, man e fite e wɔ i wun klɔ'n i tiwa lɔ nan be gua e nin i é nyin ase .