Marc 14:72 - NYANMIƐN NDƐ'N 1998

⁷² I osu kunngba'n nun yɛ akɔ nyinman'n boli i kpɛ nnyɔn su liɛ nin-ɔn, yɛ Piɛr wla kpɛnnin ndɛ nga Jésus kan kleli su-ɔ. Ɔ kan kleli i kɛ ɔ wa se kɛ ɔ si-mɛn i sɔ kpɛ nsan nan akɔ'n ɔ'a bo'n. Yɛ ɔ tɔli sunlɛ su-ɔ.

Nyanmien nde Ufle

⁷² I ôsu kunngba'n nun ye ako nyinman'n bôli i kpe nnyon su lie nion, ye Pierre wla kpeen nde nga Jésus kan klélii ke, o wa sé ke o simen so kpe nsan, nan ako'n wa bô'n, i suo. Ye o too sunle suo.

Marc 14:72 ပူးပေါင်းရင်းမြစ်များ

2 Samiɛl 24:10

Kɛ be kali sran mun wieli'n, srɛ kunnin David, yɛ ɔ seli Anannganman kɛ: «Sa nga n yoli'n, sa tɛ dan yɛ n yoli-ɔ. Anannganman, yaci mín wun sa'n cɛ min. N yoli sinnzin.»

Ezekiɛl 16:63

Yɛ ɔ́ wla wa kpɛn laa ndɛ su, nyannzuɛn ´kun wɔ yɛ a su kwla ijɔ-man bɔbɔ, sanngɛ min liɛ'n, i kwlaa nga a yoli'n, n ´yaci cɛ wɔ. Anannganman Nyanmiɛn yɛ n kan sɔ-ɔ.»

Ezekiɛl 36:31

Yɛ amún wla wa kpɛn amun nzuɛn tɛtɛ nin amún sa tɛtɛ nga amun yoli'n be su. Amun su kwla-man amun ti su man amún sa tɛ nin amun tete sa'm be ti.

Ezekiɛl 7:16

Be nga be ´ka lɛ bɔ be ´nyan bé ti'n, be ´ko tran oka'm be su kɛ auble mun bɔ be o kongo'm be nun'n sa. Be kwlaa be ´kplin, sran kun ´kplin i bɔbɔ i sa tɛ liɛ b'ɔ yoli'n ti.

Matthieu 26:34

Jésus seli i kɛ: «Nanwlɛ, ndɛ kɔnguɛ nga bɔbɔ, a wa se kɛ a si-man min sɔ kpɛ nsan nan akɔ nyinman'n ɔ'a bo.»

Marc 14:30

Yɛ Jésus seli i kɛ: «Nanwlɛ, ndɛ kɔnguɛ nga bɔbɔ, a wa se kɛ a si-man min sɔ kpɛ nsan nan akɔ nyinman'n ɔ'a bo kpɛ nnyɔn.»

Marc 14:68

Ɔ seli kɛ: «Sran nga a kɛn i ndɛ'n, n si-mɛn i, ndɛ kpa nga a kan'n, n wun-mɛn i wlɛ.» I sin ɔ fite ɔli ala'n bo lɔ.

Marc 14:71

Yɛ ɔ fa Nyanmiɛn wuɛwuɛli i wun-ɔn, ɔ seli kɛ: «Sɛ m bua ato'n, man Nyanmiɛn wun min. Bian nga an kɛn i ndɛ'n, n si-mɛn i.»

JÉSUS-CHRIST I DYASIN FE'N BO LUC KLELI'N 22:60

Yɛ Piɛr seli i kɛ: «Ɔ liɛ'n, ndɛ kpa nga a kan'n, n wun-mɛn i wlɛ.» I nuan nian tɔ-man kpɛkuun akɔ nyinman'n ɔ'a bo.

JÉSUS-CHRIST I DYASIN FE'N BO LUC KLELI'N 22:62

Ɔ fiteli guasu lɔ, i ya bɔ yo i'n ti, nan ɔ'a sun dan kpa.

2 Korɛntfuɛ Mun 7:10

Afin kokolɛ nga Nyanmiɛn man sran koko'n, i agualiɛ yɛlɛ nzuɛn kacilɛ b'ɔ man sran nyɛn i ti'n, i sɔ liɛ'n yo-man ya, sanngɛ klɔ sran kokolɛ liɛ'n i agualiɛ yɛlɛ wie.