Marc 14:65 - NYANMIƐN NDƐ'N 1998

⁶⁵ Be wie'm be guɛli i wun ngɔsrɛ, be boli i zaga, be usɛli i kɛ: «?Wan yɛ ɔ boli wɔ-ɔ?» Yɛ sua sunianfuɛ'm be sɔli i bolɛ su-ɔ.

Nyanmien nde Ufle

⁶⁵ Bé wié'm bé gue i wun ngosre, bé bô i zaga, bé use i ke: ?Wan ye o bô woo? Ye sua sunianfue'm bé soe bôle suo.

Marc 14:65 ပူးပေါင်းရင်းမြစ်များ

2 Be Nyoliɛ 18:23

Kɛ e ´ijɔwa-a, Kɛnana wa Sedesias ɔ'a wunnge Mise wun lɔ, kpɛkuun ɔ kpacili i nyrun kpaun. Ɔ usɛli i kɛ: «?Anannganman i wawɛ b'ɔ o min nun'n, ɔ sinnin atin onin su yɛ ɔ ko kannin ndɛ'n kleli wɔ-ɔ?»

Ɛstɛr 7:8

Kɛ famiɛn'n ´fin waka'm bé bo lɔ ´ba cɛn diwlɛ lɛ'n, ɔ ´nian-an, Aman yɛ ɔ o bia tɛnndɛn bɔ Ɛstɛr ti su'n su yɛ. Yɛ i waan: «?Nan min bɔbɔ mín nyin bo wa nin min sua nun wa yɛ a wa tɔ min yi'n gblu ekun-ɔn?» Kɛ famiɛn'n ´se sa'n, wuun i sran'm b'a kata Aman i ti lalaa.

Zɔb I Nyrɛnnɛn Wunlɛ 30:10

Be fian min crulu, kpɛkuun be yɛ be ´kɔ lɛ-ɔ. Be ´ti be nuan nzue ta min nyrun'n nun-ɔn, be sisi-man bé bo.

Ezai 50:6

N tikeli min sin'n su m mannin be nga be boli min'n, n yacili min nyrun'n lɛ m mannin be nga be tutuli min akanza'n kɛ be ´kpɛ min nzowa'n, kɛ be ´ti be nuan nzue ´ta mín wun'n, m'an kata-man min nyrun .

Ezai 52:14

Kɛ sran sunman be wunnin i'n, srɛ kunnin be dan. Afin kɛ a wun i nyrun'n sa'n, a wun-mɛn i sran wlɛ kun, i wafa'n ti-man kɛ sran'm be liɛ'n sa kun.

Ezai 53:3

Sran'm be yoli i finfin, be kacili bé sin sili i, ɔ ti afɛfuɛ, nyrɛnnɛn'n yɛ ɔ wun i sa tititi-ɔ. Ɔ yoli kɛ sran bɔ be wun i-ɔ be to bé nyin blo'n sa, e yoli i finfin, y'a bu-mɛn i like fi.

Mise 5:1

Anannganman kan ndɛ kleli Bɛtleɛm-Efrata, ɔ seli kɛ: «Bɛtleɛm-Efrata, wɔ bɔ a ti Zida akpasua'n be nun kaan kpa'n, ɔ su lɔ yɛ sran ng'ɔ ko sie Izraɛl'n ɔ ´fin fite-ɔ. Sran sɔ'n i afiliɛ'n fin lalafuɛ nun, ɔ ti adudua .»

Kalɛ 12:14

Anannganman tɛli i su kɛ: «?Sɛ i si guɛli i nyrun'n nun ngɔsrɛ bɔbɔ'n, nán cɛn ba nso yɛ ɔ tran nyannzuɛn nun-ɔn? I sɔ'n ti, man be kɛn i bo ngblaliɛ'n nun nan ɔ ko di cɛn ba nso nan ɔ'a sɛ i sin i wiengu'm be afiɛn wa ekun.»

Matthieu 27:30

Be guɛli i wun ngɔsrɛ, be fali ndɛma'n b'ɔ o i sa nun'n finnin i ti'n su.

Marc 10:34

be ´yo n finfin, be ´gua min wun ngɔsrɛ, be ´bo min nin ngble, yɛ be ´kun min, kɛ n di le nsan'n, n ´cɛn.»

Marc 15:19

Wuun be ´fa ndɛma fin i ti'n su, be ´guɛ i wun ngɔsrɛ, wuun be ´koto i bo .

Jean 18:22

Kɛ Jésus ´se sɔ'n, wuun sonja kun mɛntɛn i lɛ. Ɔ kpacili i nyin nun, yɛ ɔ seli i kɛ: «?Ndɛ nga a kan kle Nyanmiɛn nyrun jranfuɛ'm be su kpɛn'n yɛ?»

Jean 19:3

I sin be wunngeli i wun lɛ be seli kɛ: «Zuif'm be famiɛn, Nyanmiɛn man a cɛ o!» Yɛ be kpacili i nyin nun-ɔn .

Sa nga bé yôli'n 23:2

Ananias b'ɔ ti Nyanmiɛn nyrun jranfuɛ'm be su kpɛn'n, ɔ seli be nga be mɛntɛn i lɛ'm be kɛ be fin i nuan'n su.

Hébreu 12:2

Man e kpɛ é nyin nian Jésus, e Nyanmiɛn sulafilɛ'n fin i, i yɛ man e ´lafi i su lele ´guɛ i ti nin i bo-ɔ. Kɛ ɔ bu i klun b'ɔ wa jɔ'n i akunndan'n, ɔ kplinnin su man be kunnin i waka'n su, ɔ'a bu-mɛn i nyin ase gualɛ'n i like fi, kɛ e ´se yɛ'n ɔ'a ko tran Nyanmiɛn i bia'n i fama su .