Marc 14:58 - NYANMIƐN NDƐ'N 1998

⁵⁸ «E tili kɛ ɔ seli kɛ ɔ ´bubu Nyanmiɛn i sua nga sran yɛ ɔ kplannin'n, nan i le nsan su'n ɔ ´kplan uflɛ bɔ sran sa su wlu-man nun.»

Nyanmien nde Ufle

⁵⁸ É tii ke o séé ke, oh bubuh Nyanmien sua dan nga swran ye o kplannin'n, nan i lé nsan su'n oh kplanh ufle bo swran sa su wlu'a nun.

Marc 14:58 ပူးပေါင်းရင်းမြစ်များ

Daniɛl 2:34

A o lɛ a ´niɛn i siin kpɛkuun yɛbuɛ kun, bɔ nán sran yɛ ɔ toli'n, ɔ fɛ i oka su lɔ vii ɔ wa finnin i ja ngbabua bɔ be ti blalɛ nin wufa'n, nan b'a fufu.

Daniɛl 2:45

I nyanndra yɛlɛ yɛbuɛ nga bɔ nán sran yɛ ɔ toli-ɔ, b'ɔ fɛ i oka'n su lɔ vii ɔ wa fufuli blalɛ, nin aaba, nin wufa, nin jɛtɛ ufue, ɔ nin sika ɔkwlɛ'n be nun bɔ be kacili sanmlɛn'n. Nannan, Nyanmiɛn Kpli'n fali sa nga be wa ju'n kleli wɔ. Ɔ laliɛ'n ɔ ti sa nga be wa ju'n be nglo yilɛ sakpa, yɛ i bo nga n ´tu kle wɔ yɛ'n kusu, bu i nanwlɛ, yɛ lafi su.»

Matthieu 26:61

I sin i suɛn tɔnfuɛ nnyɔn ekun be bali, be seli kɛ: «Bian nga waan ɔ kwla bubu Nyanmiɛn i sua'n yɛ ɔ ´kplɛn i uflɛ le nsan.»

Marc 14:57

Be wie'm be jaoli be tɔnnin i suɛn be seli kɛ:

Marc 14:59

Ɔ nin i sɔ'n ngba'n, be ndɛ nga be fa tɔn i suɛn'n, be ti ngunmin ngunmin.

Marc 15:29

Be nga be ´sin lɛ'n, be kpɛ i nzowa, be keje bé ti'n be se kɛ: «Ɛn-ɛɛn! Wɔ bɔ ɔ waan a ´bubu Nyanmiɛn i sua'n nan a ´kplɛn i le nsan'n ,

Jean 2:19

Yɛ Jésus seli be kɛ: «Sɛ an saci Nyanmiɛn i sua nga'n, i le nsan su'n n ´kplɛn i ekun.»

Sa nga bé yôli'n 7:48

Sanngɛ Nyanmiɛn bɔ like fi nun-mɛn i sin'n, ɔ tran-man sua bɔ sran sa yo'n nun, afin be klɛli Nyanmiɛn nuan ijɔfuɛ'n i fluwa'n nun kɛ e Min Nyanmiɛn'n seli kɛ:

2 Korɛntfuɛ Mun 5:1

Afin e si kɛ e wunnɛn ng'ɔ o yɛ'n ɔ ti kɛ kpata sa. Sɛ ɔ saci'n, Nyanmiɛn ´man e tranwlɛ uflɛ nyanmiɛn su lɔ b'ɔ ti-man sran sa nuan yɛ ɔ su saci-man le.

Hébreu 9:11

Sanngɛ Krist bali, ɔ wa yoli Nyanmiɛn nyrun jranfuɛ'm be su kpɛn ninnge kpakpa bɔ be wa ba'n be ti. Tannin sua ng'ɔ di i junman nun'n ti dan, ɔ ti kpa tra laa liɛ'n. Nán sran yɛ ɔ kplannin-ɔn, ɔ man ɔ ti-man mɛn nga Nyanmiɛn yili i yɛ'n i nun like'm be wie.

Hébreu 9:24

Afin nán Nyanmiɛn lika b'ɔ ti sran sa nuan b'ɔ ti i kpafuɛ'n i nzɔliɛ i nun yɛ Krist wluli-ɔ, sanngɛ ɔ ɔli nyanmiɛn bɔbɔ'n su lɔ Nyanmiɛn wun lɔ, ɔ man kɛ e ´se yɛ'n, ɔ jran é nuan.