Marc 14:24 - NYANMIƐN NDƐ'N 1998

²⁴ Yɛ ɔ seli be kɛ: «Nzan ng'ɔ o yɛ'n ɔ ti min mmoja b'ɔ man amun nin Nyanmiɛn amun ´tra aenguɛ. Sran kpanngban be ti yɛ be ´guɛ i ase-ɔ .

Nyanmien nde Ufle

²⁴ Ye o sé bé ke: Du vin ng'o ô ye'n o ti min mmôdya b'o man amun nin Nyanmien amunh dih anuanse. Swran kpanngban bé ti ye béh gueh i aséo.

Marc 14:24 ပူးပေါင်းရင်းမြစ်များ

Ezipt Lɔ Tulɛ'n 24:8

Moiz fali mmoja'n kpɛntɛn-kpɛntɛnnin Izraɛlfuɛ'm bé su, kpɛkuun i waan: «Mmoja ng'ɔ o yɛ'n, o ti aenguɛ nga Anannganman nin amun trali'n blɛ b'ɔ ´man amun mmla nga'm be kwlaa'n, i nzɔliɛ .»

Zeremi 31:31

Anannganman'n waan: «Cɛn wie lele'n, e nin Izraɛl nvle'n nin Zida nvle'n e wa tra aenguɛ uflɛ .

Zakari 9:11

Anannganman wan yoo: «Aenguɛ nga e nin amun e trali bɔ e guali i ti nnɛn mmoja ase'n, i dunman nun ti n ´yi amun nun sran nga be ti bisuafuɛ bɔ be gua be gbo bɔ nzue nun-man nun'n i nun n ´fite .

Marc 10:45

Afin m bɔ n kacili Sran'n m'an ba-man kɛ be su min, sanngɛ sran'm be sulɛ ti yɛ m bali-ɔ nan n ´fa min wun n kpɔ sran sunman bé ti.»

Marc 14:23

I sin ɔ fali klowa kun, kɛ ɔ lali Nyanmiɛn ase'n, ɔ fa mannin be, nan be kwlaa b'a nɔn.

Marc 14:25

Nanwlɛ, n su nɔn-man vinyi nzue kun lele san cɛn nga min nin amun e ´nɔn uflɛ Nyanmiɛn i mɛn'n nun lɔ'n.»

JÉSUS-CHRIST I DYASIN FE'N BO LUC KLELI'N 22:20

Kɛ be wieli like'n di'n, ɔ fali klowa'n mannin be nan ɔ'a se kɛ: «Like ng'ɔ o klowa nga nun'n, ɔ ti min mmoja, ti kle aenguɛ uflɛ nga Nyanmiɛn waan ɔ nin amun tra'n i nzɔliɛ, amun ti yɛ be su wa guɛ i ase-ɔ.]

Jean 6:53

Jésus seli be kɛ: «Nanwlɛ, sɛ amu'an di-man m bɔ n kacili Sran'n min nnɛn'n, yɛ sɛ amu'an nɔn-man min mmoja'n, an su nyan-man nguan.

1 Korɛntfuɛ Mun 10:16

?Kɛ e ´nɔn kɔminiɔn nzan'n bɔ e la Nyanmiɛn ase'n, Krist mmoja'n ti-man e kwlaa e liɛ? ?Kɛ e ´bubu kɔminiɔn kpaun'n nun bɔ e ´di'n, Krist wunnɛn'n ti-man e kwlaa e liɛ ?

1 Korɛntfuɛ Mun 11:25

Kɛ be wieli like di'n, ɔ fali klowa'n, yɛ ɔ seli kɛ: «Like ng'ɔ o klowa nga nun'n ɔ ti min mmoja b'ɔ ti aenguɛ uflɛ nga Nyanmiɛn waan ɔ nin amun tra i nzɔliɛ. Cɛn kwlaa nga amun ´nɔn nun'n, an `yo i kɛ nga n yo i yɛ'n sa, man amún wla kpɛn n su .»