Marc 13:27 - NYANMIƐN NDƐ'N 1998

²⁷ N ´sunman min anz mun, be wa yia be bɔ Nyanmiɛn fali be bɔ be o mɛn wunmuan nun'n kɛ ɔ fin asiɛ'n i awieliɛ lɔ lele fa ju nyanmiɛn'n i awieliɛ'n lɔ.»

Nyanmien nde Ufle

²⁷ Nh sunmanh min ange mun, bé wa yia bé bo Nyanmien faa bé bo bé ô men wunmuan'n nun'n ke o fin asie'n i awiélie lo lélé fa dyu nyanmien'n i awiélie lo.

Marc 13:27 ပူးပေါင်းရင်းမြစ်များ

Bo Bolɛ 49:10

Famiɛn kpɔnman'n ɔ ti Zida awlo'n i liɛ mlɔnmlɔn, kpɛnngbɛn kpɔnman'n ɔ ti i osu'n i liɛ titi lele san sran ng'ɔ lɛ i bo'n ɔ'a ba, nan nvle'm be kwlaa b'a su i .

Ezai 65:9

N ´yo man Zakɔb ɔ ´nyan osufuɛ mun, yɛ n ´yo man min oka'm be yo Zida osu nunfuɛ'm be liɛ, oka sɔ'm be ´yo min sran nga n kpali be'n be liɛ, yɛ min sufuɛ'm be ´tran oka lika sɔ'm be nun.

Zakari 2:6

Yɛ n usɛli i kɛ: «?A ´ko nin?» I waan: «N ´ko sunnzun Zerizalɛm, n ´nian kɛ i tɛtrɛ nun nin i tɛnndɛn nun be fa ti'n.»

Matthieu 12:42

Jɔlɛ dilɛ cɛn nun'n, famiɛn bla'n b'ɔ fin Zerizalɛm papla nun mmua lɔ'n, ɔ wa jao bu ajulisufuɛ nga'm be fɔ, afin bla sɔ'n fin asiɛ'n i awieliɛ lɔ kɛ ɔ wa tie Salomɔn i ngwlɛlɛ ndɛ'n, yɛ amun nian, sran kun o wa bɔ i dan tra Salomɔn .»

Matthieu 13:41

M bɔ n kacili Sran'n, n ´sunman min anz mun kɛ be wa yi be kwlaa nga be saci sran'm be ti nun'n nin be bɔ be bo tete'n min mɛn'n nun

Matthieu 13:49

Kɛ mɛn'n i awieliɛ'n ɔ wa yo sɔ-ɔ: anz'm be ´ba, be wa yi sran klunwifuɛ mun nanwlɛfuɛ'm be nun,

Matthieu 24:22

Sɛ Nyanmiɛn a kpɛ-man cɛn sɔ'n su'n, sran fi su fite-man nun, sanngɛ be b'ɔ fali be'n be ti, ɔ ´kpɛ cɛn sɔ'n su.

Matthieu 24:24

Afin be bɔ be tɔn bé wun suɛn kɛ be ti Krist'n, ɔ nin be bɔ be tɔn bé wun suɛn kɛ be ti Nyanmiɛn nuan ijɔfuɛ'n, be wa jao yɛ be ´yi atrɛ, yɛ be ´yo abonuan sa mun lele kɛ be nga Nyanmiɛn fali be'n sɛ be laka be-ɔ ɔ yo ye'n, be waan wuun be ´laka be.

Matthieu 24:31

Kɛ awɛ'n ko tɛ'n, n ´sunman min anz mun, be wa yia be bɔ Nyanmiɛn fali be bɔ be o mɛn wunmuan'n nun'n, kɛ ɔ fin nyanmiɛn b'ɔ la nglo lɔ plaii'n i bue kun su lele fa ju i bue kun ekun su lɔ'n yɛ ɔ ´yo i sɔ nin-ɔn .»

Marc 13:20

Sɛ e Min Nyanmiɛn'n ɔ'a kpɛ-man cɛn sɔ'n su ɔ'a yo-mɛn i tika'n, sran fi su fite-man nun, sanngɛ ɔ ´yo i tika be b'ɔ fali be'n be ti.

Marc 13:22

Afin be bɔ be tɔn bé wun suɛn kɛ be ti Krist'n, ɔ nin be bɔ be tɔn bé wun suɛn kɛ be ti Nyanmiɛn nuan ijɔfuɛ'n, be wa jao, be ´yi atrɛ, yɛ be ´yo abonuan sa mun lele kɛ be nga Nyanmiɛn fali be'n sɛ be laka be-ɔ ɔ yo ye'n, be waan wuun be ´laka be.

Marc 13:28

«An `fa sunnzun figie'n be `nian. Kɛ ɔ ´nyrɛn bɔ i nnya'n ´trɛ'n, an si kɛ munngun'n ɔ'a mantan.

JÉSUS-CHRIST I DYASIN FE'N BO LUC KLELI'N 16:22

Le kun yalɛfuɛ sɔ'n wuli, anz'm be wa fɛ i ɔli Abraam wun lɔ. Anyanbeunfuɛ'n kusu ɔ wa wuli nan b'a sie i.

JÉSUS-CHRIST I DYASIN FE'N BO LUC KLELI'N 18:7

?Yɛ be nga Nyanmiɛn kpali be bɔ be sun flɛ i kɔnguɛ nin wia nun'n, ɔ su jran-man bé sin di-man be ndɛ'n? ?Ɔ ´sisi i bo nan ɔ'a di be jɔlɛ'n?

Jean 10:16

M bua'm be wie be o lɛ bɔ be nun-man tuin nga nun. San n ´fa be sɔfuɛ mun ba, be ´ti min nɛn, be akpasua'n ´yo kun yɛ be tafuɛ'n ´yo kunngba .

Jean 11:52

Nán kɛ nvle sɔ'n ngunmin ti-ɔ, sanngɛ ɔ ´yo sɔ nan Nyanmiɛn `kɛn i mma'm bɔ be sanndili'n be kwlaa bo nun.

Rɔmfuɛ Mun 8:33

?Wan yɛ ɔ kwla saci be bɔ Nyanmiɛn fali be'n be dunman-an? Nyanmiɛn yɛ ɔ bu be sran kpa-a.

Mmla'n 30:4

Sɛ bɔ be trali amun ɔli mɛn'n i tiwa lɔ'n, Anannganman Nyanmiɛn'n ɔ ko yia amun lɔ, amun ´ba.

Kolɔsfuɛ Mun 3:12

An ti Nyanmiɛn i sran, ɔ klo amun, yɛ ɔ fali amun. I sɔ'n ti'n, man sran'm be yo amun annvɔ, an `yo be kpa, an `yo amun wun aenvuɛ, an `yo wɛtɛɛfuɛ, yɛ an `blu sa'm be su. An `fa like sɔ mun ´cici amún ti.

2 Tɛsalonikfuɛ Mun 2:1

Aniaan mun, e Min Jésus-Krist i balɛ'n nin yialɛ nga e ´ko yiɛ i wun lɔ'n i ndɛ liɛ'n, e ´srɛ amun ,

2 Timote 2:10

I sɔ'n ti yɛ sa sɔ'n kwlaa nun be nga Nyanmiɛn kpali be'n be ti n tra min anwlɛn nin-ɔn. N tra min anwlɛn kɛ ɔ ´yo nan Krist-Jésus ti be kusu be nyan bé ti yɛ be nyan nyrun b'ɔ wie-man'n.

1 Piɛr 1:2

E Si Nyanmiɛn fali amun, afin ɔ dun mmua buli i akunndan sɔ nan i Wawɛ'n ti, an `kaci i liɛ nan amún nyin `yi Jésus-Krist, yɛ i mmoja'n ti amún wun sa'n `wie. Nyanmiɛn man an nyan ye titi, yɛ man amún wun jɔ amun fɔuun!