Marc 12:36 - NYANMIƐN NDƐ'N 1998

³⁶ Nyanmiɛn Wawɛ'n man David bɔbɔ seli kɛ: ‹E Min Nyanmiɛn'n seli min Min liɛ'n kɛ: Tran ase min fama su wa lele man n yi ɔ kpɔfuɛ'm be ase ɔ bo nan n fa be n yo ɔ ja siesiewlɛ .›

Nyanmien nde Ufle

³⁶ Nyanmien Wawe'n man David bobo séé ke: «É Min Nyanmien'n séli min Min lie'n ke: Tran asé n fama su Lélé m man ah tioh o kpofue'm bé su.»

Marc 12:36 ပူးပေါင်းရင်းမြစ်များ

2 Samiɛl 23:2

«Anannganman i Wawɛ'n su mín bo kɛ n `kan ndɛ. Ɔ fɛ i ndɛ'n wla mín nuan.

Neemi 9:30

A dili bé wun amlin afuɛ kpanngban. Ɔ Wawɛ'n suli ɔ́ nuan ijɔfuɛ'm be bo kɛ be `kpɛn bé wla, sanngɛ b'a sie-man bé su be nuan bo. A fali be wlali aofuɛ'm bé sa nun.

Jue Mun 110:1

Jue nga ti David liɛ. I waan: Anannganman i nuan su ndɛ ng'ɔ kan kleli min Min'n yɛ. Ɔ seli i kɛ yo: «Tran ase mín fama su wa lele man n yi ɔ kpɔfuɛ'm be ase ɔ́ bo nan n `fa be yo ɔ́ ja siesiewlɛ .»

Matthieu 5:35

Yɛ nán an flɛ asiɛ'n be di, afin ɔ ti Nyanmiɛn i ja takatakawlɛ, nán an flɛ Zerizalɛm asiɛ'n be di, afin Zerizalɛm'n ti Famiɛn Dan'n i klɔ .

Sa nga bé yôli'n 1:16

«Nja mun, Nyanmiɛn Ndɛ nga i Wawɛ'n fa wlɛli i David nuan bɔ be klɛli i kɛ Zidas ɔ wa yo be nga be tra Jésus'n be nyrun dunfuɛ'n, san ɔ ´kpɛn su.

Sa nga bé yôli'n 28:25

Kɛ bé nuan a sɛ-man bɔ be wa sanndi'n, ɔ man Pɔl kan ndɛ kpɔlɛ kun ekun kleli be, ɔ seli kɛ: «Ndɛ nga Nyanmiɛn Wawɛ'n man Nyanmiɛn nuan ijɔfuɛ Ezai kan kleli amun nannan mun'n, ɔ ti nanwlɛ,

1 Korɛntfuɛ Mun 15:25

Afin ɔ ´sie lele san Nyanmiɛn man ɔ ´tiɛ i kpɔfuɛ'm be kwlaa be su ,

2 Timote 3:16

Nyanmiɛn Ndɛ nga be klɛli'n, i bɔbɔ yɛ ɔ fɛ i kwlaa mannin sran mun yɛ be klɛli-ɔ. Be fa kle like, be fa kle sran mun lele be wun nanwlɛ'n, be fa tu be fɔ, be fa kle be sa nga be yo-ɔ ɔ ti kpa'n

Hébreu 1:13

?Yɛ anz'm be nun onin yɛ ɔ seli i kɛ: «Tran ase n fama su, lele m man n yi ɔ kpɔfuɛ'm be ase ɔ bo nan n fa be yo ɔ ja siesiewlɛ-ɔ ?»

Hébreu 4:7

I sɔ'n ti yɛ Nyanmiɛn sie cɛn uflɛ kun ekun kɛ: «Ndɛkɛn» nin-ɔn. Kɛ ɔ sieli cɛn sɔ'n b'ɔ cɛ lele'n, ɔ man David kɛnnin i ndɛ bɔ e kɛnnin i ndɛ icra'n kɛ: «Sɛ ndɛkɛn an ti ndɛ nga Nyanmiɛn kan'n, nán an yo nyin kekle i su .»

1 Piɛr 1:11

Krist Wawɛ'n wo Nyanmiɛn nuan ijɔfuɛ sɔ'm bé su. Krist i nyrɛnnɛn wafa ng'ɔ wa wun i'n, ɔ nin i manmanlɛ nga kɛ ɔ ko wun nyrɛnnɛn'n be ´fa mɛnmɛn i'n, ɔ kan i ndɛ kleli be. Be miannin bé nyin kɛ be ´si sa sɔ'n i blɛ'n ɔ nin i wafa ng'ɔ ´yo su'n.

2 Piɛr 1:21

Afin Nyanmiɛn ndɛ nga sran'm be kannin'n, b'a kpɛ-man wie fi bé ti nun yɛ be kannin-ɔn, i Wawɛ'n yɛ ɔ fa wla bé nuan yɛ be kannin-ɔn.