Marc 12:32 - NYANMIƐN NDƐ'N 1998

³² Mmla klefuɛ'n seli i kɛ: «Nja, ɔ ti kpa, kɛ a se kɛ Nyanmiɛn ti kunngba yɛ uflɛ nun-mɛn i sin'n, ɔ ti nanwlɛ.

Nyanmien nde Ufle

³² Mmla kléfue'n sé i ke: Ndya, o ti kpa, ke a sé ke Nyanmien ti kunngba ye ufle nu'en i sin'n, o ti nanwle.

Marc 12:32 ပူးပေါင်းရင်းမြစ်များ

Ezai 44:8

Nán srɛ kun amun, yɛ nán amun usu. ?M'an kan-man sa sɔ mun m'an kle-man amun laa? ?M'an bo-man bé su m'an kle-man amun? ?Nyanmiɛn uflɛ o mín sin ekun? Amun ti min lalofuɛ: Yɛbuɛ uflɛ fi nun-man lɛ kun, n si-man wie fi kun.»

Ezai 45:14

Izraɛlfuɛ mun, Anannganman wan yoo: «Eziptfuɛ'm be junman'n i su mmlusuɛ'n, yɛ Etiopifuɛ'm be ninnge nga be nyannin be'n be su mmlusuɛ'n, ɔ nin Sebafuɛ bɔ be ti sran jajraajra'n be kusu be ninnge'm be su mmlusuɛ'n, i kwlaa sɔ'n ɔ ´sin amun ja su, yɛ i kwlaa sɔ'n ɔ ´yo amun liɛ. Sran sɔ'm be ´su amun su, be ´ci be, be ´koto amún bo, yɛ ndɛ nga be ´kan kle amun'n, ɔ ´yo kɛ srɛlɛ bɔ be srɛ'n sa. Be ´se kɛ: ‹Amun kunngba cɛ amún wun lɔ yɛ Nyanmiɛn'n wo-ɔ. Uflɛ fi nun-mɛn i sin .› »

Ezai 45:18

Anannganman yili nglo'n. Ɔ siesieli asiɛ'n i wafa'n, kpɛkuun yɛ ɔ yili-ɔ, yɛ ɔ man ɔ yoli cinnjinnjin-ɔn. Ɔ'a yi-mɛn i ngbɛn, ɔ yili kɛ be tran su. Ndɛ ng'ɔ kan'n yɛ: «Min yɛ n ti Anannganman nin-ɔn, uflɛ fi nun-man n sin.

Ezai 46:9

Man amún wla kpɛn sa nga be juli laa'n be su. Afin Nyanmiɛn'n yɛlɛ min, uflɛ fi nun-man lɛ kun. Nyanmiɛn'n yɛlɛ min, sran fi nin min sɛ-man.

Marc 12:29

Jésus seli i kɛ: «Nian, i nun dan'n yɛ: Izraɛlfuɛ mun, an `tie, e Min Nyanmiɛn'n i kunngba cɛ yɛ ɔ ti e Min nin-ɔn.

Marc 12:33

Yɛ kɛ be klo i kpa'n, bɔ be fa bé wla'n kwlaa guɛ i su'n, bɔ be akunndan'n kwlaa trɛn i su'n, bɔ be fa be wunmiɛn'n kwlaa yo like ng'ɔ kle kɛ be klo i'n, bɔ be klo be wiengu kɛ be bɔbɔ sa'n, i sɔ'n ti kpa tra tɛ nga be yrɛ i nnɛn kɔlikɔli'n, nin like nga be fa man Nyanmiɛn'n i kwlaa .»

Mmla'n 4:35

I waan amun `wun i sɔ nan amun si kɛ i kunngba cɛ yɛ ɔ ti Nyanmiɛn nan be fa like fi sunnzun i-ɔ ɔ yo-man ye.

Mmla'n 4:39

I sɔ'n ti, man amun wun i wlɛ ndɛkɛn, yɛ man ɔ tran amun akunndan nun titi kɛ Anannganman kunngba yɛ ɔ ti Nyanmiɛn nin-ɔn, man amun wun i wlɛ kɛ nyanmiɛn su lɔ o, asiɛ'n su wa o, like fi nin i sɛ-man.

Mmla'n 5:7

Nán su like uflɛ fi, san min kunngba cɛ.

Mmla'n 6:4

Izraɛlfuɛ mun, amun `tie. Anannganman e Nyanmiɛn'n i kunngba cɛ yɛ ɔ ti Anannganman nin-ɔn.