Marc 12:29 - NYANMIƐN NDƐ'N 1998

²⁹ Jésus seli i kɛ: «Nian, i nun dan'n yɛ: Izraɛlfuɛ mun, an `tie, e Min Nyanmiɛn'n i kunngba cɛ yɛ ɔ ti e Min nin-ɔn.

Nyanmien nde Ufle

²⁹ Jésus sé i ke: Nien i nun dan'n ye, «Israël mun, anh tié, é Min Nyanmien'n i kunngba tye ye o ti é Min nion.

Marc 12:29 ပူးပေါင်းရင်းမြစ်များ

Jue Mun 86:10

Afin a ti kpli, a yo abonuan sa mun. Wɔ kunngba wɔ yɛ a ti Nyanmiɛn nin-ɔn.

Nyanndra Mun 23:26

Mín wa, fa ɔ́ wla'n gua min su. Min atin liɛ nga n fali su'n, fa su wie klanman.

Matthieu 10:37

Sran ng'ɔ klo i si annzɛ i nin tra min'n, ɔ su yo-man n liɛ, yɛ sran ng'ɔ klo i wa yasua annzɛ i wa bla tra min'n, ɔ su yo-man n liɛ,

Matthieu 23:9

Nán an flɛ klɔ sran fi amún si, afin amún Si'n ti kunngba cɛ, i yɛ ɔ o nyanmiɛn su lɔ nin-ɔn.

JÉSUS-CHRIST I DYASIN FE'N BO LUC KLELI'N 10:27

Yɛ ɔ seli i kɛ: «Amun klo amun Min Nyanmiɛn'n kpa, amun fa amún wla'n kwlaa guɛ i su, amun fa amun wunmuan'n kwlaa mɛn i, yɛ man amun akunndan'n kwlaa trɛn i su, yɛ amun klo amun wiengu kɛ an fa klo amun bɔbɔ amun wun'n sa .»

Rɔmfuɛ Mun 3:30

afin be nga be lafi i su'n sɛ be wlali be klɛn o, sɛ b'a wla-man be klɛn o, Nyanmiɛn kunngba'n yɛ ɔ bu be sran kpa-a .

1 Korɛntfuɛ Mun 8:4

I sɔ'n ti'n, nga b'ɔ ti amuɛn nnɛn'n i dilɛ i wun ndɛ liɛ'n, e si kɛ amuɛn'n ti-man like nanwlɛ, yɛ kusu e si kɛ Nyanmiɛn ti kunngba cɛ .

Galasifuɛ Mun 3:20

Sɛ sran kun waan ɔ ´yo like man sran'n, ɔ yi-man sran kɛ ɔ `ko se i nan bé nuan sɛ su, kɛ Nyanmiɛn liɛ'n yoli sɔ-ɔ.

Mmla'n 10:12

?Izraɛlfuɛ mun, like nga Anannganman amun Nyanmiɛn'n waan amun `yo'n yɛlɛ onin? ?Ɔ'a se-man kɛ amun nyin yi i? ?Ɔ'a se-man kɛ amun fɛ i atin su? ?Ɔ'a se-man kɛ amun klo i? ?Ɔ'a se-man kɛ amun su i nan amun fa amun wla kwlaa'n guɛ i su nan amun akunndan'n kwlaa trɛn i su?

Mmla'n 30:6

Anannganman amun Nyanmiɛn'n i bɔbɔ, ɔ ´yo man amun nin amun osu nunfuɛ mun amun anwlɛn'n ɔ ´yo kpa. Ɔ man amun wa klo i kpa, amun wa fa amun wla'n kwlaa guɛ i su, yɛ amun akunndan'n kwlaa wa trɛn i su, kpɛkuun amun ´tran nguan nun.

Mmla'n 6:4

Izraɛlfuɛ mun, amun `tie. Anannganman e Nyanmiɛn'n i kunngba cɛ yɛ ɔ ti Anannganman nin-ɔn.

1 Timote 1:5

E waan be `klo sran kpa ti yɛ e tu be fɔ sɔ nin-ɔn. Klolɛ sɔ'n fin sran bɔ sa tɛ kaan sa nun-mɛn i anwlɛn'n nun, b'ɔ man i klun titi-mɛn i'n, b'ɔ lafi Nyanmiɛn su sakpa'n.

1 Timote 2:5

Afin Nyanmiɛn'n ti kun, yɛ kpatafuɛ ng'ɔ jran sran'm bé nuan kpata Nyanmiɛn'n ti kun kusu, yɛlɛ Krist-Jésus, ɔ ti sran.

Jacques 2:19

A lafi su kɛ Nyanmiɛn ti kunngba cɛ, ɔ ti nanwlɛ. Mmusu'm be kusu be lafi su sɔ wie, ɔ man bé wun usu be.

Jude 1:25

e Nyanmiɛn kunngba b'ɔ ti e Defuɛ'n, e Min Jésus-Krist ti, man be yi i ayɛ, be mɛnmɛn i yɛlɛ kɛ ɔ ti famiɛn, ɔ ti kpli, yɛ ɔ kwla sa'n kwlaa yo. Kɛ ɔ fin lalaa'n, be mɛnmɛn i sɔ, kɛ ɔ fin ndɛ'n man be mɛnmɛn i tititi. Man ɔ yo sɔ!