Marc 12:24 - NYANMIƐN NDƐ'N 1998

²⁴ Jésus seli be kɛ: «Amu'an fɔn. ?An si sa ti'n? Afin an wun-man Nyanmiɛn Ndɛ nga be klɛli'n i wlɛ, yɛ kusu amun wun-mɛn i wlɛ kɛ Nyanmiɛn kwla sa kwlaa yo.

Nyanmien nde Ufle

²⁴ Jésus sé bé ke: Amuan fon. ?An si sa ti'n? Afin an wu'an Nyanmien Nde nga bé kleli'n i wle, ye kusu an si'a ke Nyanmien ti kpli.

Marc 12:24 ပူးပေါင်းရင်းမြစ်များ

Bo Bolɛ 18:14

?Like kun wo lɛ bɔ i yolɛ ti kekle man Anannganman nin-ɔn? N se kɛ afuɛ ng'ɔ ´ba lɔ bikisa'n, kɛ m ´ba'n, wuun Sara ɔ'a wu ba yasua kun .»

Ezai 25:8

Ɔ ´nunnun wie'n mlɔnmlɔnmlɔn. Anannganman ɔ ´nunnun sran'm be kwlaa be nyinmuɛn'n. Nyannzuɛn nga i mɛn'n nunfuɛ'm be wunnin i'n, ɔ ´wie. Anannganman kannin sɔ .

Ezai 26:19

Amun fuɛ nga be wuli'n be ´sa bé sin wa ekun. Min sran nga be sinnin wie nun'n be ´cɛn. Amun nga amun o ndutre'n nun'n, amun `tinnge, man amun klun jɔ, yɛ amun `bo sro. Anannganman, ɔ bɔlɛ ufue'n ɔ ti kɛ like b'ɔ kpaja weiin'n sa, yɛ asiɛ'n ɔ man be nga be wuli'm be ´sa bé sin wa ekun.

Ezai 8:20

amun `se kɛ: «Anannganman i mmla'n nin i nuan ndɛ'n yɛ be di su-ɔ.» Sran nga b'a kan-man sɔ'n, be su nyan-man nguan.

Zeremi 32:17

‹Ee! Anannganman Nyanmiɛn kpli, ɔ wunmiɛn dan'n nin ɔ ngwlɛlɛ'n yɛ man a kwla yili nyanmiɛn'n bɔ la nglo lɔ plaii'n nin asiɛ nin-ɔn, like fi ti-man klekle ɔ nyrun.

Daniɛl 12:2

Sran kpanngban bɔ be o ndia nun'n be ´jaso. Wie'm be ´nyan anannganman nguan, wie'm be kusu be ´wun nyannzuɛn b'ɔ lɛ-man awieliɛ'n.

Ndɛ Nga Nyanmiɛn I Nuan Ijɔfuɛ Oze Kannin'n 13:14

N ´de be, ɔ man be su kɔ-man blɔlɔ. N ´to bé ti wie'n i sa nun. ?Nja wie, wɔ alɛ ninnge'm be o nin? ?Nja wie, ɔ duwlɛ'n wo nin? N si-man sran aunnvuɛ .

Ndɛ Nga Nyanmiɛn I Nuan Ijɔfuɛ Oze Kannin'n 6:2

Wa nin le nnyɔn'n ɔ ´yo man e nyan nguan ekun, e ´tintin é sa ase i fanngan nun. Kpɛkuun i le nsan su'n, ɔ ´man ye su e ´yo juejue, e wa tran nguan nun i nyrun ekun .

Ndɛ Nga Nyanmiɛn I Nuan Ijɔfuɛ Oze Kannin'n 6:6

Afin n klo aunnvuɛ nga be si sran'n tra tɛ nga be yi be man min'n. Kɛ be si kɛ n ti Nyanmiɛn'n, ɔ jɔ min klun tra tɛ nga be yi-ɔ be yrɛ i nnɛn'n kɔlikɔli'n .»

Ndɛ Nga Nyanmiɛn I Nuan Ijɔfuɛ Oze Kannin'n 8:12

Kannzɛ bɔ min waan man n klɛ min mmla'n kwlakwla kpan m man be'n, ɔ ti ngbɛn bé sa nun.

Matthieu 22:29

Jésus seli be kɛ: «Amu'an fɔn, afin an wun-man Nyanmiɛn Ndɛ nga be klɛli'n i wlɛ, yɛ kusu an si-man kɛ Nyanmiɛn kwla like kwlaa yo.

Marc 10:27

Jésus niannin be nan ɔ'a se be kɛ: «Sa sɔ'n, sran kwlɛ-mɛn i yo, sanngɛ Nyanmiɛn kwla yo, afin Nyanmiɛn kwla sa'n kwlaa yo.»

Marc 12:23

?Kɛ sran'm be ´cɛn'n, bla sɔ'n ɔ ´yo be nun onin liɛ, afin be nso'n be jɛli i?»

Marc 12:25

Afin kɛ sran'm be ko cɛn'n, yasua su ja-man bla kun, yɛ bla kusu su ja-man bian kun, sanngɛ be ´yo kɛ anz'm bɔ be o Nyanmiɛn su lɔ'n sa.

JÉSUS-CHRIST I DYASIN FE'N BO LUC KLELI'N 1:37

Afin sa kwlaa nga Nyanmiɛn waan ɔ ´yo'n, ɔ kwlɛ i yo.»

Jean 20:9

Afin be nian wun-man Nyanmiɛn Ndɛ nga be klɛli i kɛ san Jésus ´cɛn'n i wlɛ .

Jean 5:39

An suan Nyanmiɛn Ndɛ nga be klɛli'n, afin an bu kɛ i nun yɛ amun ´nyan Anannganman nguan nin-ɔn, yɛ ndɛ sɔ'm be kan min ndɛ.

Sa nga bé yôli'n 17:11

Zuif sɔ'm be nzuɛn'n ti kpa tra Tɛsalonik liɛ mun, be fali Nyanmiɛn ndɛ'n su ndɛndɛ, cɛn kwlaa be fa Nyanmiɛn ndɛ nga be klɛli'n nin ndɛ nga Pɔl kan kle be'n, be sunnzun nian sɛ ɔ ti kun o.

Rɔmfuɛ Mun 15:4

Ndɛ nga be klɛli be laa'n, be klɛli i kwlaa sɔ'n kɛ be ´fa kle e ngwlɛlɛ nan Nyanmiɛn fɛ i ndɛ sɔ'n wla e fanngan, nan e tra ye anwlɛn e fa é wla'n guɛ i su.

Efɛzfuɛ Mun 1:19

Yɛ n srɛ i ekun kɛ an si i kwlalɛ dan b'ɔ lɛ-man wunsu b'ɔ yi i nglo kle e bɔ e lafili i su'n. I kwlalɛ kunngba sɔ'n

Filipfuɛ Mun 3:21

Ɔ wa fa e wunnɛn b'ɔ ti-man like fi'n ɔ ´yo man ɔ ´kaci kɛ i wunnɛn b'ɔ fa ɔli lika ng'ɔ lɛ nyrun lɔ nun'n sa. I kwlalɛ b'ɔ fa sie like'n kwlaa'n yɛ ɔ ´fa kaci i-ɔ.