Marc 11:33 - NYANMIƐN NDƐ'N 1998

³³ I sɔ'n ti'n, be seli Jésus kɛ: «E si-mɛn.» Yɛ Jésus seli be kɛ: «N kusu, n su kle-man amun sran ng'ɔ mannin min atin bɔ n yo sa sɔ'n.»

Nyanmien nde Ufle

³³ I so'n ti, bé sé Jésus ke: É simen. Ye Jésus sé bé ke: N kusu, n su klé'a amun swran ng'o maan min atin bo n yô sa so'n.

Marc 11:33 ပူးပေါင်းရင်းမြစ်များ

Zɔb I Nyrɛnnɛn Wunlɛ 5:13

Ngwlɛlɛfuɛ'm be bɔbɔ be gblɛ nga be kpɛ'n, yɛ ɔ fa tra be-ɔ. Kpɛkuun sa nga be cici kɛ be ´yo'n ɔ yo-man ye.

Ezai 1:3

Nannin'n ɔ si sran ng'ɔ lɛ i'n, yɛ aflunmun'n kusu ɔ wun like nga i min'n ɔ fa sie i lɛ kɛ ɔ di nun'n i wlɛ, sanngɛ Izraɛl si-man sa, min nvle'n i nunfuɛ'm be wun-man sa fi wlɛ.

Ezai 56:10

Be nga be nian Izraɛlfuɛ'm be su'n, be kwlaa be ti anyansifuɛ mun, be si-man like fi, be ti kɛ alua bɔ be ti bobo bɔ be kwla bo-man'n sa. Be la bé bɛ'm be su, laliɛ yɛ be cɛn-ɔn, be klo lafilɛ saa.

Ndɛ Nga Nyanmiɛn I Nuan Ijɔfuɛ Oze Kannin'n 4:6

Min sran'm be su wu, silɛ bɔ be si-man min'n ti be su wu. Ɔ kusu ɔ liɛ'n, a yili min ase. Silɛ nga a si min laa'n, a si-man min sɔ kun. I sɔ'n ti kusu m'an yi wɔ ase, a su yo-man min nyrun jranfuɛ kun. Mmla nga n kleli wɔ bɔ ɔ́ wla fili be su'n ti, min kusu n su kplin-man su kɛ ɔ mma'm be yo min nyrun jranfuɛ.

Matthieu 15:14

An `yaci be lɛ, be ti anyansifuɛ bɔ be tra be wiengu anyansifuɛ kpɔnman. Sɛ anyansifuɛ kun trɛ i wiengu anyansifuɛ kpɔnman'n, be nnyɔn'n be ´tɔ kunman nun.»

Matthieu 16:4

Ajulisufuɛ tɛtɛ bɔ be ti kɛ bla b'ɔ kunndɛ bian i wun bo sa Nyanmiɛn nyrun'n, be waan be yi atrɛ kle be. Be su yi-man atrɛ fi kle-man be, san Zonas liɛ'n cɛ yɛ be ´yi-ɔ .» I sin ɔ yaci be lɛ ɔli.

Matthieu 21:27

Nan b'a se Jésus kɛ: «E si-man sran ng'ɔ mɛnnin i atin'n.» Yɛ Jésus kusu seli be kɛ: «N kusu, n su kle-man amun sran ng'ɔ man min atin bɔ n yo sa sɔ mun'n.»

Marc 11:32

Sɛ e se kɛ sran yɛ ɔ mɛnnin i atin'n…» Srɛ kun be sran'm be wun, afin be kwlaa be bu Zan Nyanmiɛn nuan ijɔfuɛ sakpa.

Marc 12:1

Jésus buli nyanndra wie kleli be. Ɔ seli kɛ: «Bian kun di i vinyi fie. Ɔ sili i wun, yɛ ɔ kpɛli vinyi'n i nzue cuɛnwlɛ, ɔ kplannin akpa fleiin kun, yɛ ɔ fa wlali vinyi fie sunianfuɛ'm bé sa nun nan ɔ'a ɔ mɛn wie nun .

Jean 3:10

Jésus seli i kɛ: «?Wɔ bɔ a ti Izraɛlfuɛ'm be ninnge klefuɛ dan'n, a wun-man sa nga wlɛ?»

Jean 9:27

Ɔ tɛli be su kɛ: «M'an kan kle amun laa, amu'an fa-man su. ? Ɔ yo sɛ yɛ an klo kɛ n kɛn i ekun-ɔn? ?Amun kusu, an klo kɛ amun ´kaci i sɔnnzɔnfuɛ wie?»

Rɔmfuɛ Mun 1:28

Kɛ bé nyin kpali Nyanmiɛn su'n, i kusu yili i sa be su ɔ man akunndan tɛtɛ bali bé ti nun yɛ be yo sa b'ɔ ti-mɛn i su'n.

2 Korɛntfuɛ Mun 3:15

Lele ndɛ'n, kɛ be kanngan Moiz fluwa'n nun'n, tannin sɔ'n man be wun-man sa wlɛ.