Marc 11:24 - NYANMIƐN NDƐ'N 1998

²⁴ I sɔ'n ti'n, n ´kan kle amun kɛ like kwlaa nga an srɛ'n, an `lafi su kɛ amu'an nyɛn i, ɔ wa fa man amun.

Nyanmien nde Ufle

²⁴ I so'n ti, nh kanh klé amun ke, liké kwlaa nga an sre'n, anh lafi su ke amuan nyen, o wa fa man amun.

Marc 11:24 ပူးပေါင်းရင်းမြစ်များ

Matthieu 18:19

N ´kan kle amun ekun kɛ, like kwlaa nga sɛ amun nun sran nnyɔn bé bo yo kun asiɛ'n su wa be srɛ'n, min Si b'ɔ o nyanmiɛn su lɔ'n, ɔ ´fɛ i sɔ like'n man be.

Matthieu 21:22

Like kwlaa nga an kan kle Nyanmiɛn kɛ ɔ yo bɔ an lafi i su kɛ ɔ ´yo'n, ɔ ´yo man amun.»

Marc 11:25

Kɛ an jao bɔ amun ´koko yalɛ kle Nyanmiɛn'n, sɛ sran wie wun ndɛ wo amun klun'n, an `yaci cɛ i nan amun Si b'ɔ o nyanmiɛn su lɔ'n ɔ'a yaci sa nga an yoli i'n ɔ'a cɛ amun. [

Jean 14:13

Like kwlaa nga an fa n dunman srɛ'n, n ´yo nan m bɔ n ti e Si i wa'n m mɛn i kɔmin su .

Jean 15:7

Sɛ amun nin min yo sran wunmuan bɔ e tran titi'n, bɔ an fa min ndɛ'n su'n, like nga an klo i'n, an `se Nyanmiɛn, ɔ ´fa man amun.

1 Korɛntfuɛ Mun 14:13

I sɔ'n ti'n, sran ng'ɔ ijɔ aniɛn wie'n, man ɔ srɛ Nyanmiɛn kɛ ɔ kwla kaci aniɛn sɔ'n.

1 Jean 3:22

Like kwlaa nga e srɛ i'n, ɔ ´fa man e yɛlɛ kɛ e fɛ i ndɛ'n su, yɛ e yo sa ng'ɔ jɔ i klun'n.