Marc 10:38 - NYANMIƐN NDƐ'N 1998

³⁸ Jésus seli be kɛ: «An si-man like nga an srɛ'n. ?Klowa nga m wa nɔn nun'n, an kwla nɔn nun wie? ?Yɛ batɛm nga be wa yo min'n, an kwla yo wie?

Nyanmien nde Ufle

³⁸ Jésus sé bé ke: An si'a liké nga an sre'n. ?Klôwa nga m ma non nun'n, an kwla non nun wié? ?Ye baptême nga bé wa yô min'n, an kwla yô wié?

Marc 10:38 ပူးပေါင်းရင်းမြစ်များ

1 Famiɛn Mun 2:22

Yɛ famiɛn Salomɔn seli i nin kɛ: «Kɛ a se min kɛ n `fa Abisag m `man Adɔniza'n, wuun kpɛ i kpo se kɛ n `fa famiɛn diwlɛ'n m `mɛn i e, afin ɔ ti min nyrun kpɛn. Kpɛ kpo se min kɛ n `fa mɛn i ɔ nin Abiatar b'ɔ ti Nyanmiɛn nyrun jranfuɛ'n ɔ nin Zɛriza i wa Zoab.»

Jue Mun 75:8

Afin jɔlɛ difuɛ'n yɛlɛ Nyanmiɛn. Sran nga i waan ɔ ´kɛn i ase'n, ɔ kɛn i ase, nga i waan ɔ ´mɛn i su'n, ɔ mɛn i su.

Ezai 51:22

Amun Min Anannganman Nyanmiɛn'n, b'ɔ jin i nvle'n nun sran'm be sin'n, i waan: «Min ya b'ɔ ti kɛ nzan b'ɔ bo sran sa'n, n ´de i onga b'ɔ ka'n amún sa nun. Amun su nɔn-mɛn i kun.

Zeremi 25:15

An `se kɛ sɛ, Anannganman b'ɔ ti Izraɛl famiɛn'n seli min kɛ yoo: «Min ya'n ti dan kɛ klowa bɔ nzan'n ɔ'a yi i piɛ'n sa, klowa sɔ'n yɛ ɔ o yɛ, sɔ nun. Fa man nvle nga n ´sunman wɔ be nun'n be nunfuɛ'm be kwlaa man be nɔn.

Zeremi 45:5

I sɔ'n kpɛkuun pɔɔ yɛ a ´kunndɛ kɛ a ´tran nun-ɔn. Nán kunndɛ pɔɔ nun tranlɛ. Nyrɛnnɛn nga n ´fa yi i mɛn'n su'n, like kun ng'ɔ su nyɛn-mɛn i'n, ɔ nun-man lɛ. Ɔ liɛ nga a ´nyɛn i'n yɛlɛ ɔ nguan'n. Kan kwlaa nga ɔ waan a kɔ'n, ɔ́ wun fouun!»

Matthieu 26:39

Yɛ ɔ ɔli i nyrun lɔ kaan nan ɔ'a la ɔ'a utu i nyin ase, yɛ ɔ seli i Si kɛ: «N Si, sɛ nyrɛnnɛn wie nga kwla to fuan min'n, man ɔ to fuan min, nán yo nga n klo kɛ ɔ `yo su'n, sanngɛ yo nga a klo kɛ ɔ `yo su'n.»

Matthieu 3:6

Kɛ be di sa nga be yoli'n i nanwlɛ'n, ɔ yo be batɛm nzue ba bɔ be flɛ i kɛ Zurdɛn'n i nun.

Marc 14:36

Ɔ seli kɛ: «Baba, a kwla sa'n kwlaa yo, yo man nyrɛnnɛn wie nga to fuan min, sanngɛ nán yo nga n klo kɛ ɔ yo su'n, sanngɛ yo nga a klo kɛ a ´yo i su'n.»

JÉSUS-CHRIST I DYASIN FE'N BO LUC KLELI'N 12:50

Batɛm wafa kun o lɛ bɔ san n ´yo, ɔ ka n ngunmin'n b'a yo min m'an nyan min ti!

JÉSUS-CHRIST I DYASIN FE'N BO LUC KLELI'N 22:42

«N Si, sɛ ɔ ti ɔ klun su'n, man nyrɛnnɛn wie nga to fuan min! Sanngɛ nán yo nga n klo kɛ ɔ yo su'n, sanngɛ yo nga a klo kɛ a ´yo i su'n.» [

Jean 18:11

Jésus seli Piɛr kɛ: «Wla ɔ tokofi'n i bua'n nun. ?A bu i kɛ nyrɛnnɛn nga e Si waan n wun i'n, n su wun-mɛn i?»

Rɔmfuɛ Mun 8:26

E lɛ-man fanngan, ɔ man Nyanmiɛn Wawɛ'n jran e sin ɔ uka ye, afin e si-man like nga e srɛ Nyanmiɛn kɛ ɔ fa man e b'ɔ ti i su'n. I Wawɛ'n bɔbɔ oto, ɔ jran é nuan ɔ srɛ i man ye.

Jacques 4:3

Sɛ an srɛ'n an nyɛn-mɛn i, yɛlɛ kɛ amun klun akunndan'n ti-man kpa, afin an klo kɛ sɛ an nyɛn i-ɔ amun ´fa yo like nga amun klun klo'n.