Marc 10:24 - NYANMIƐN NDƐ'N 1998

²⁴ I ndɛ sɔ'n boli i sɔnnzɔnfuɛ'm bé nuan dan kpa. Yɛ ɔ seli be ekun kɛ: «M mma mun, kɛ sran kun b'ɔ fɛ i wla guɛ i anyanbeun'n su'n ɔ `fɛ i wun man Nyanmiɛn kɛ ɔ sie i'n, ɔ ti kekle!

Nyanmien nde Ufle

²⁴ I nde so'n bôô i sonnzonfue'm bé nuan dan kpa. Ye o sé bé ékun ke: M mma mun ke swran kun [b'o fe i wla gue i anyanbéun'n su'n] o fe i wun man Nyanmien ke o siéé'n, o ti kéklé!

Marc 10:24 ပူးပေါင်းရင်းမြစ်များ

Jue Mun 17:14

Anannganman, yo man n fin bé sa nun n fite. Bu klunwifuɛ mun nin be mma mun, ɔ nin be anunman mun be fɔ.

Jue Mun 52:7

Nga, Nyanmiɛn ´nunkun wɔ mlɔnmlɔnmlɔn. Ɔ ´fuan wɔ wɔ awlo'n nun, ɔ ´yi wɔ mɛn nga e o nun yɛ'n nun.

Jue Mun 62:10

Klɔ sran'm be lɛ-man nyrun, be ti kɛ aunngban sa. Sran kpakpa mun bɔbɔ be yo-man sa fi ye. Sɛ be sie be kwlakwla toe su'n, be nɔnnin'n ngba ti kɛ kpukpuwa sa.

Nyanndra Mun 11:28

Sran ng'ɔ fɛ i wla'n kwlakwla guɛ i anyanbeun'n su'n, san tɔlɛ yɛ ɔ ´tɔ-ɔ. Klun-ufuefuɛ'm be liɛ'n, be bua kɛ waka nnya sa.

Nyanndra Mun 18:11

Sikafuɛ'n ɔ bu kɛ i anyanbeun'n ti i fiawlɛ kpa. I akunndan'n nun'n i waan ɔ ti kɛ talɛ sa yɛ ɔ sɛsɛ i-ɔ.

Nyanndra Mun 23:5

Kɛ sika'n wo lɛ'n, ɔ ti kɛ anunman nyin b'ɔ tu kɔ nglo mmua'n sa. Ɔ lɛ ndɛwa yɛ ɔ o lɛ-ɔ. Kɛ ɔ waan a ´nian'n, wuun ɔ'a tu anunman lalaa. ?A kunndɛ i-ɔ a wun i nin?

Zeremi 9:23

Sanngɛ sran ng'ɔ lɛ ngwlɛlɛ b'ɔ fa si min'n, bɔ si kɛ min yɛ n ti Anannganman nan n ti klun-ufuefuɛ'n, nan n yo sa i nuan su, n di nanwlɛ'n, i sɔfuɛ'n yɛ ɔ kwla di i nuan-an .» Anannganman'n yɛ ɔ kan sɔ-ɔ.

Abakik 2:9

Sran nga i waan ɔ ´di ndrunmun ´fa si i awlo nan ɔ'a nyan tranwlɛ kpa, nan sa ɔ'a nyɛn-mɛn i'n, i yako lele!

Sofoni 1:18

Anannganman i ya cɛn dan nun'n, be sika nin be sika ɔkwlɛ'n be su kwla de-man be. I ya b'ɔ ti kɛ sin sa'n, ɔ ´nunnun mɛn wunmuan'n. Ee, nanwlɛ, ɔ ´yo kekle o! Anannganman ´nunnun asiɛ'n su sran'm be ngba sekeseke .

Matthieu 19:25

Kɛ i sɔnnzɔnfuɛ'm be tili ndɛ sɔ'n, ɔ boli bé nuan dan kpa nan b'a usa kɛ: «?Sɛ ɔ ti sɔ'n, wuun waan yɛ ɔ kwla fite nun-ɔn?»

Marc 1:27

Sran'm be kwlaa bé nuan boli bé wun, i sɔ'n ti be usali be wun kɛ: «?Nguɛ sa yɛlɛ nga? ?Like uflɛ yɛ ɔ su kle-ɔ? Ɔ kwla asiɛ usu bɔ be saci sran'n, be sro i!»

Marc 10:23

Kɛ Jésus niɛnnin i sɔnnzɔnfuɛ'm bɔ be sin yiɛ i lɛ'n, ɔ seli be kɛ: «Kɛ anyanbeunfuɛ kun fɛ i wun man Nyanmiɛn kɛ ɔ sie i'n, ɔ ti kekle!»

JÉSUS-CHRIST I DYASIN FE'N BO LUC KLELI'N 16:14

Farizifuɛ mun bɔ be klo sika'n, be tili ndɛ sɔ'n nan b'a sri Jésus.

Jean 13:33

M mma mun, n tɛ o amún wun wa kan. Amun wa kunndɛ min. N seli Zuif'm be kɛ, « Lika nga n ´kɔ lɔ'n, be su kwla kɔ-man lɔ wie.» Ndɛ kunngba'n yɛ n ´kan kle amun yɛ.

Jean 21:5

Jésus usali be kɛ: «?Gbanflɛn mun, amu'an nyan-man kpatra'n wie?» Be waan: «Ɛɛn.»

Jean 6:60

Kɛ be tili ndɛ sɔ'n, i sɔnnzɔnfuɛ'm be nun kpanngban be seli kɛ: «Ndɛ nga ti kekle. ?Wan yɛ ɔ kwla fa su-ɔ?»

Galasifuɛ Mun 4:19

Min mma mun, amun ti n su wun nyrɛnnɛn kpa ekun kɛ bla bɔ ɔ'a koto awuliɛ'n sa, n ´wun nyrɛnnɛn sɔ'n lele san be ´wun Krist nzuɛn'n kwlakwlakwla amun nun.

1 Timote 6:17

Kan kle blɛ nga e o nun yɛ'n i nun anyanbeunfuɛ'm be kɛ nán man be di tutre, yɛ nán man be fa bé wla gua be anyanbeun b'ɔ su ka-man lɛ'n su sanngɛ be `fa gua Nyanmiɛn b'ɔ man e like kwlaa b'ɔ man e klun jɔ'n i su.

1 Jean 2:1

M mma mun, kɛ ɔ ko yo nan amu'an yo-man sa tɛ'n ti, n ´klɛ ndɛ nga blɛ amun. Sanngɛ sɛ sran wie yo sa tɛ'n, e lɛ é ti ndɛ kanfuɛ, ɔ o e Si Nyanmiɛn wun lɔ, yɛlɛ Jésus-Krist b'ɔ ti sran kpa'n.

1 Jean 4:4

M mma mun, amun liɛ'n, an ti Nyanmiɛn liɛ, ɔ man an kwlali be, afin Nyanmiɛn Wawɛ ng'ɔ o amun nun'n ɔ lɛ kwlalɛ tra Krist i kpɔfuɛ'n b'ɔ o mɛn'n nunfuɛ'm bé sin'n.

1 Jean 5:21

M mma mun, an `nian amún wun amuɛn'm be lika.

Sa nglô yile 3:17

An se kɛ an ti anyanbeunfuɛ yɛ amu'an nyan amun wun nan like fi mian-man amun. An si-man kɛ an ti nyrɛnnɛnfuɛ yɛ an yo annvɔ, an si-man kɛ an ti yalɛfuɛ yɛ an ti anyansifuɛ nan amún wun ti kplɛn .