Cɛn kwlaa be fa bé wun mantan min. Be waan be ´si min atin nga n fa be'n. Be ´yo sa-a ɔ waan sran wie bɔ be yo sa kpa nan be yi-man be Nyanmiɛn'n i mmla b'ɔ sie'n i ase sa. Be waan n `di be jɔlɛ'm be kpa, be waan n `tran be afiɛn.
Yɛ n ´tɛ amun su kɛ yoo: ‹?Nyanmiɛn i lakalɛ bɔ be lɛkɛ i'n ɔ ti kpa? Sanngɛ kusu amun liɛ'n, amun laka min.› Kpɛkuun amun usa min kɛ yoo: ‹?Lakalɛ sɛ yɛ e laka wɔ-ɔ?› Like nga amun lakalaka min su'n, yɛlɛ ninnge nga amun nyɛn i'n, i blusu'n, ɔ nin like nga amun fa ba min manlɛ'n.
Jésus niɛnnin, ɔ kloli i sa, nan ɔ'a se i kɛ: «Ɔ tɛ ka wɔ like kun yolɛ, kɔ, ko yo ɔ ninnge'm be atɛ, fɛ i sika'n man yalɛfuɛ mun, yɛ a ´nyan ninnge kpakpa nyanmiɛn su lɔ. Nan bla wa su n su.»
Nyanmiɛn ndɛ'n lo min kpa ti yɛ n kleli asɔnunfuɛ'm be yalɛ nin-ɔn. Sɛ mmla'n i su falɛ'n kwla yo sran sran kpa'n, wuun be kwla saci-man min wun kaan sa,