Malasi 3:8 - NYANMIƐN NDƐ'N 1998

⁸ Yɛ n ´tɛ amun su kɛ yoo: ‹?Nyanmiɛn i lakalɛ bɔ be lɛkɛ i'n ɔ ti kpa? Sanngɛ kusu amun liɛ'n, amun laka min.› Kpɛkuun amun usa min kɛ yoo: ‹?Lakalɛ sɛ yɛ e laka wɔ-ɔ?› Like nga amun lakalaka min su'n, yɛlɛ ninnge nga amun nyɛn i'n, i blusu'n, ɔ nin like nga amun fa ba min manlɛ'n.

Malasi 3:8 ပူးပေါင်းရင်းမြစ်များ

Jue Mun 29:2

Amun `manman Anannganman. Amun `mɛnmɛn i i dunman b'ɔ ti dan'n ti. Kɛ ɔ yi i nyannyan ng'ɔ ti'n nin i tinmin'n be nglo'n, amun `koto i bo.

Nyanndra Mun 11:24

Sran wie o lɛ'n, sɛ ɔ nyan like'n, sran mun yɛ ɔ fa cɛcɛ be-ɔ, sanngɛ kusu ɔ nyɛn i wun. Wie kusu nyɛn i liɛ-ɔ ɔ yo i su anwɛn. Sanngɛ kpɛkuun yalɛ'n di i.

Ezai 43:23

Nán min yɛ amun fali amun bua nga b'a kpɛ cro'n yili tɛ nga be yra be nnɛn'n kɔlikɔli'n mannin min-ɔn. Nán min manmanlɛ ti yɛ amun yili amun tɛ sɔ mun-ɔn. I kusuman m'an mian-man amun kɛ amun man min like, m'an su-man amun su kɛ amun man min ansans.

Saun Yolɛ 19:25

I afuɛ nnun'n su'n mma liɛ'n, amun kwla di. Sɛ amun nian nga n kle amun'n su yo i sɔ'n, waka sɔ'm be ´su kpa titi. Min yɛ n ti Anannganman amun Nyanmiɛn nin-ɔn.

Zakari 5:3

Kpɛkuun i waan: «Sannzan ng'ɔ wa tɔ mɛn wunmuan'n su'n i wun fluwa-a. Ɔ ti klɛwa kɛ be ´kan awiefuɛ'm be kwlakwla be bo mɛn'n nun. Be kwlaa nga be ta nda ngbɛn-ngbɛn'n, be ´fuan be .

Malasi 1:13

Amun se ekun kɛ yoo: ‹I kwlaa nga ti afɛ.› Amun yo min finfin, m bɔbɔ min Anannganman bɔ n sie mɛn wunmuan'n, amun ko wua nnɛn mun, wie kusu-ɔ amun fa nnɛn nga bé ja ti buwa, ɔ nin nnɛn tukpacɛfuɛ mun yɛ amun fa man min-ɔn. ?N sɔ nun-ɔn ɔ yo ye?»

Malasi 1:8

Anannganman b'ɔ sie mɛn wunmuan'n usa kɛ yoo: «?Kɛ amun fa nnɛn nga be nyinma ti siwa, wie kusu-ɔ nga bé ja ti buwa, wie kusu-ɔ nga be kwla-man nanti'n be fa man min'n, ɔ ti kpa? ?Sɛ amun fɛ i sɔ nnɛn be man amun sran ng'ɔ sie amun'n, i klun ´jɔ su? ?Ɔ ´nian amun nyrun?

Matthieu 22:21

Yɛ be waan: «Sezar yɛ ɔ o su-ɔ, yɛ i sanuan yɛ ɔ o su-ɔ.» Yɛ ɔ seli be kɛ: «Sɛ ɔ ti sɔ'n, an `fa ng'ɔ ti Sezar liɛ'n mɛn i, yɛ ng'ɔ ti Nyanmiɛn liɛ'n, an `fa mɛn i.»

Marc 12:17

Yɛ ɔ seli be kɛ: «Sɛ ɔ ti sɔ'n, an `fa ng'ɔ ti Sezar liɛ'n mɛn i, yɛ ng'ɔ ti Nyanmiɛn liɛ'n, an `fa mɛn i.» Ndɛ ng'ɔ kannin'n boli bé nuan.

JÉSUS-CHRIST I DYASIN FE'N BO LUC KLELI'N 20:25

Yɛ ɔ seli be kɛ: «Sɛ ɔ ti sɔ'n, an `fa ng'ɔ ti Sezar liɛ'n mɛn i, yɛ ng'ɔ ti Nyanmiɛn liɛ'n, an `fa mɛn i.»

Rɔmfuɛ Mun 13:7

Be kalɛ kwlaa ng'ɔ o amun su'n, an `tua man be. Sran nga be su lapo mɛn i'n, an `su mɛn i. Sran nga amun ninnge'm be su sika ng'ɔ fata kɛ amun yi'n ɔ ti i liɛ'n, an `yi mɛn i. Sran ng'ɔ ti bɔ an sro i'n, an `sro i, yɛ ng'ɔ ti bɔ an bu i sran'n, an `bu i sran.

Rɔmfuɛ Mun 2:22

?Amun bɔ an se kɛ nán be kunndɛ bla bé yi bo annzɛ bian bé wun bo'n, an bɔbɔ an yo-man? ?Amun bɔ an kpɔ amuɛn'n, an wua-man like amuɛn sua'n nun?

Zozie 7:11

Izraɛlfuɛ'm be yoli sa tɛ, b'a fa-man ndɛ nga n kan kleli be'n su. Be fali like nga n tanninnin be kɛ nán be fa'n. Be wuali ninnge sɔ'm be fa fiali be bɔlɛ nun.