Malasi 3:6 - NYANMIƐN NDƐ'N 1998

⁶ «N ti Anannganman n kaci-man, i sɔ'n ti amun bɔ an ti Zakɔb i mma mun,

Malasi 3:6 ပူးပေါင်းရင်းမြစ်များ

Bo Bolɛ 15:18

Le kun sɔ nun'n, Anannganman nin Abram be trali aenguɛ. Anannganman seli i kɛ: «Mɛn ng'ɔ o yɛ'n, kɛ ɔ fɛ i Ezipt nzue ba kan'n i nuan lɛ b'ɔ ´fa ju Efrat nzue ba dan'n i nuan'n, m'an fa man wɔ anunman mun .

Bo Bolɛ 15:7

Yɛ Anannganman seli i kɛ: «Min yɛ n fali wɔ Babilɔni nvle'n nun klɔ nga be flɛ i Ir'n su lɔ m bali wa kɛ n ´fa mɛn nga m ´man wɔ nin-ɔn.»

Bo Bolɛ 22:16

Ɔ seli i kɛ: «Ɔ nyin b'ɔ yi min'n ti'n, ɔ́ wa ba kunngba bɔ n srɛli wɔ'n, w'a se-man kɛ a man-man min,

Jue Mun 102:26

Kɛ ɔ fin lalafuɛ nun'n, wɔ yɛ a yili asiɛ nin-ɔn, ɔ́ sa nuan like yɛlɛ nyanmiɛn'n b'ɔ la nglo lɔ plaii'n.

Jue Mun 102:27

Be ´saci, sanngɛ ɔ liɛ a ´ka lɛ. Nyanmiɛn'n bɔ la nglo lɔ'n nin asiɛ'n be ´yo kɛ tralɛ nvuɛn sa. A ´kaci be kɛ be kaci tralɛ'n sa. Be ´tu lɛ.

Jue Mun 102:28

Sanngɛ ɔ liɛ'n, a ´ka ɔ osu'n nun, wɔ afuɛ'n su wie-man le .

Jue Mun 103:17

Sanngɛ Anannganman yo be bɔ bé nyin yi i'n be ye tititi, nán ndɛ sa yɛ ɔ sɔtɔ i sɔ yolɛ-ɔ. Yɛ ɔ yo sa ng'ɔ ti i nuan su'n man be mma mun nin be klun ba liɛ mun .

Jue Mun 78:38

Sanngɛ i liɛ'n, ɔ si be aunnvuɛ, ɔ yaci be fɔnlɛ'n cɛ be, ɔ se-man kɛ ɔ ´nunnun be kun. Kpalɛ sunman ɔ trɛli i anwlɛn, ɔ guɛli i ya'n i ase, ɔ yacili ya'n.

Jue Mun 78:57

Be ɔli i wun mmua, be jasoli i sin kɛ be nannan'm be sa. Be yoli kɛ ta bɔ be lafi su kpɛkuun be ´to-ɔ i nyanman'n ɔ'a glɔ'n sa.

Ezai 41:13

N ti Anannganman amun Nyanmiɛn, n sɔ amún sa. Min yɛ n se amun kɛ: «Nán srɛ kun amun nan n ´uka amun nin-ɔn.»

Ezai 44:6

Anannganman b'ɔ ti Izraɛl famiɛn'n, b'ɔ kpɔli Izraɛlfuɛ'm bé ti'n, b'ɔ sie mɛn wunmuan'n, i waan: «Min yɛ n ti ninnge'm be kwlaa be klikli'n nin be kasiɛn nin-ɔn. Nyanmiɛn fi nun-man mín sin kun .

Ezai 46:4

Kɛ amun ´yo oke'n, wuun n tɛ o n osu nun. Kɛ amún ti ´bo je'n, wuun n tɛ suan amún bo. N fali amun ń sa su, yɛ n ´fa amun sɔ ekun. Sakpa, n wa suan amún bo, yɛ n ´de amun.

Zeremi 32:27

«Nian, min yɛ n ti Anannganman nin-ɔn. Like nga be nyin o su'n be kwlaa be Nyanmiɛn yɛlɛ min. Sa'n wie fi ti-man kekle mín sa nun.

Daniɛl 6:26

Kɛ ɔ cɛli kan'n, famiɛn Dariis klɛli fluwa ko mannin nvle-nvle'n kwlaa nin mɛnmɛn'n kwlaa be nunfuɛ mun bɔ be kan aniɛn wafa-wafa'n kwlaa bɔ be tran asiɛ wunmuan'n su'n. I waan: «Man amún wun jɔ amun fɔuun kpa.

Ndɛ Nga Nyanmiɛn I Nuan Ijɔfuɛ Oze Kannin'n 11:9

Min ya dan nga n fali'n, n su yo-mɛn i su sa, n su saci-man Efraim kun, afin nán klɔ sran yɛlɛ min, Nyanmiɛn yɛlɛ min, n ti min liɛ ngunmin. N ti Nyanmiɛn yɛ n wo amun afiɛn lɛ-ɔ. I sɔ'n ti'n, n su ba-man amún wun ya su.»

Abakik 1:12

Anannganman, kɛ ɔ fin adudua'n, wɔ yɛ a ti Nyanmiɛn titi-ɔ. A ti min Nyanmiɛn, ɔ nzuɛn nin klɔ sran liɛ'n ti-man kun, a wu-man le. Anannganman, a kpali e kpɔfuɛ sɔ mun kɛ be di e jɔlɛ. Wɔ bɔ a ti kɛ yɛbuɛ sa'n, a tinnin be kɛ be tu e fɔ ɔ dunman nun.

Kalɛ 23:19

Nán klɔ sran yɛlɛ Nyanmiɛn nan ɔ'a bua ato. Nán bla yɛ ɔ wuli i nan ɔ'a kaci aniɛn. ?Ndɛ ng'ɔ kan'n, ɔ su yo-mɛn i nuan sa? ?Like nga i waan ɔ ´yo'n, ɔ su yo-man?

Rɔmfuɛ Mun 5:10

Afin sɛ laa bɔ e ti Nyanmiɛn i kpɔfuɛ'n b'ɔ fɛ i Wa'n siesieli ye afiɛn'n, siɛn'n bɔ e nin i ye afiɛn a sɛ'n, i Wa'n i nyin b'ɔ o su'n ti ɔ ´de é kpɛ blu.

Filipfuɛ Mun 1:6

N si weiin kpa kɛ Nyanmiɛn b'ɔ bo like nga b'ɔ man an yo kpa'n i bo'n, ɔ ´yo i sɔ lele ɔ ´guɛ i bo Krist-Jésus i balɛ cɛn'n nun.

Hébreu 13:8

Kɛ Jésus-Krist fa ti anunman'n, ɔ ti sɔ ndɛ, yɛ ɔ ti sɔ tititi.

Hébreu 6:18

Ɔ man ndɛ ng'ɔ kannin'n nin nda ng'ɔ tali'n, like nnyɔn sɔ'n ɔ kaci-man be, ɔ bua-man ato. I sɔ'n ti'n, ɔ wla e bɔ e taloli i'n e fanngan kɛ e kplin é nyin nan e nyan like ng'ɔ sie e nyrun lɔ sieli ye'n, bɔ é wla o su kɛ e ´nyɛn i'n.

Jacques 1:17

Like kpa kwlaa nga be fa man sran'n, ɔ nin like kpa kwlaa nga be nyɛn i'n, be fin e Si b'ɔ o nglo lɔ b'ɔ yili anglo'n, nin nzraama, ɔ nin wia'n bɔ be kpaja'n. I liɛ'n ɔ kaci-man mlɔnmlɔn, yɛ ɔ kpɛ-mɛn i wun kɛ lolɛ b'ɔ kpɛ i wun'n sa.

Sa nglô yile 1:8

Anannganman Nyanmiɛn b'ɔ kwla like kwlaa yo'n, b'ɔ o lɛ, b'ɔ o lɛ lalaa'n, b'ɔ ´ka lɛ'n, i waan: «N ti Alfa nin Omega .»

Sa nglô yile 22:13

N ti Alfa nin Omega, n ti like'n kwlaa i klikli nin i awieliɛ, yɛ n ti sa'n kwlaa i bo bofuɛ nin i bo guafuɛ .

1 Samiɛl 15:29

Anannganman bɔ i yɛ man Izraɛl nyrun ba nyan'n, ɔ ti-man sran kɛ e sa nan se kɛ ɔ ´kan ndɛ kun kpɛkuun ɔ ´sɛ i sin ´se kɛ nɛ́n i-ɔ.»