Malasi 3:5 - NYANMIƐN NDƐ'N 1998

⁵ Anannganman'n b'ɔ sie mɛn wunmuan'n wan yoo: «N su wa ko tran amun afiɛn lɔ nan n ´di amun jɔlɛ. Wunnzue yifuɛ nin be nga be kunndɛ be wiengu'm bé yi mun, ɔ nin bé wun mun'n, n ´kan mín wun ndɛndɛ m ´ba nan n ´fɛ i sɔ ndɛ'n m ´mian bé sa. Be nga be ta ato nda, kpɛkuun i sɔ like'n be yo-mɛn i kun'n, ɔ nin be nga be mianmian bla nga be o angboti nun'n, ɔ nin aika mma mun'n, wie kusu-ɔ be bu aofuɛ'm be lufle'n, ɔ nin be nga be bu-man min like fi bɔ kaan sa'n, n ´kan mín wun m ´ba ndɛndɛ nan n ´fɛ i sɔ ndɛ'n m ´mian bé sa.»

Malasi 3:5 ပူးပေါင်းရင်းမြစ်များ

Bo Bolɛ 20:11

Yɛ Abraam tɛli i su kɛ: «N waan wuun mɛn nga nun wa sran'm be nyin yi-man Nyanmiɛn kaan sa nan be ´kun min mín yi'n dunman nun.

Bo Bolɛ 42:18

I cɛn nsan'n su'n, Zozɛf seli be kɛ: «Min nyin yi Nyanmiɛn, i ti, n wa kle amun sa kun. Sɛ amun nian su yo'n, amun ´fite nun.

Neemi 5:15

Be nga be dun mmua yoli nvle siefuɛ'n min nyrun'n, kɛ be ko kle sran'm be yalɛ'n yɛ be kleli-ɔ. Be ´de be aliɛ nan b'a de be nzan, nan b'a de be jɛtɛ ufue mma ablanan. Be sufuɛ mun bɔbɔ be kle sran'm be yalɛ wie. N liɛ'n, n nyin yi Nyanmiɛn i ti m'an yo-man sɔ.

Zɔb I Nyrɛnnɛn Wunlɛ 31:12

Wuun ɔ ti sin yɛ m'an sɔ i nuan-an. Sin sɔ'n, ɔ ´di min mlɔnmlɔn. Ɔ ´di ninnge nga n nyɛnnin i'n i kwlaa.

Zɔb I Nyrɛnnɛn Wunlɛ 7:2

Kɛ kanga'n ko yo nan ɔ'a nyan fɔnvɔ ɔ'a tran nun'n yɛ man ɔ miɛn i yo ng'ɔ yo nin-ɔn. Kpa difuɛ'n i akatua'n i nyanlɛ'n ti yɛ man ɔ miɛn i nyin di junman nin-ɔn.

Jue Mun 36:1

Jue nga ti David b'ɔ ti Anannganman i sufuɛ'n, i liɛ. Ɔ o jue tofuɛ'm be su kpɛn'n i fluwa'm be nun wie. I waan:

Jue Mun 81:8

I nun bɔ a o nyrɛnnɛn nun'n, a kpan flɛli min yɛ n wa deli wɔ. N jrannin nyanmiɛn b'ɔ ´kpla'n nun n tɛli wɔ su. Mɛriba nzue ti'n su lɔ'n, n sali wɔ niannin .

Jue Mun 96:13

Anannganman nyrun! Afin ɔ su ba, ɔ wa di asiɛ'n sufuɛ'm be jɔlɛ. Ɔ wa di mɛn'n i nunfuɛ'm be jɔlɛ nin nanwlɛ. Ɔ wa siesie nvle'm be afiɛn klanman .

Jue Mun 98:9

be `manman Anannganman, afin ɔ su ba asiɛ'n sufuɛ'm be jɔlɛ dilɛ. Ɔ wa di mɛn'n i nunfuɛ'm be jɔlɛ nin nanwlɛ. Ɔ wa siesie nvle'm be afiɛn klanman.

Ezipt Lɔ Tulɛ'n 1:17

Sanngɛ ba wufuɛ sɔ mun bé nyin yi Nyanmiɛn i ti, b'a yo-man like nga famiɛn'n seli be kɛ be yo'n. Ɔ man be yacili ba yasua'm be lɛ, b'a kun-man be.

Ezipt Lɔ Tulɛ'n 18:21

Kpa sran nga be lɛ nyrun'n, bɔ bé nyin yi Nyanmiɛn kpa'n, bɔ be klo nanwlɛ'n, bɔ be ti-man sika tɛ kunndɛfuɛ mun. Man wie'm be yo sran akpi su kpɛnngbɛn, wie'm be yo sran ya su kpɛn, wie'm be yo sran ablenun su kpɛn, yɛ wie'm be yo sran blu su kpɛn.

Ezipt Lɔ Tulɛ'n 20:7

Nán bo min Anannganman bɔ n ti ɔ Nyanmiɛn'n min dunman'n ngbɛn, afin sran ng'ɔ bo min dunman ngbɛn'n, n su yaci-mɛn i lɛ, san n ´tu i fɔ.

Ezipt Lɔ Tulɛ'n 22:20

Nán amun kle aofuɛ'm be yalɛ, yɛ nán amun bo be akpo, afin man amun wla kpɛn su kɛ amun yoli aofuɛ Ezipt mɛn'n nun lɔ wie.

Nyanndra Mun 16:6

Sɛ a ti sran kpa bɔ a di nanwlɛ'n, be yaci ɔ́ wun sa be cɛ wɔ. Sran nga i nyin yi Nyanmiɛn'n, ɔ klo-man sa tɛ yolɛ.

Nyanndra Mun 8:13

Ɔ min kun ng'ɔ nyin yi Anannganman'n, san kpɔlɛ yɛ a ´kpɔ tɛ nin-ɔn. N liɛ'n, min like nga n klo-mɛn i'n yɛlɛ ijɔlɛ kpakpa'n nin tutre'n, nin sa tɛtɛ'm be yolɛ'n, ɔ nin gblɛgblɛ'm be kpɛlɛ'n.

Ezai 57:3

Amun bɔ amun ti bla'n b'ɔ yi wunnzue'n i mma mun'n, amun bɔ amun kunndɛ bla nin bian amún yi nin amún wun'm be bo'n, amun bɔ amun bo tekle'n, amun `wunnge wa.

Zeremi 23:10

«Tekle bofuɛ'm b'a yi mɛn'n piɛ! Tete sa'm be ti sa yalɛ ɔ'a tɔ mɛn'n su. Aawlɛ flɛnnɛn nun nnɛn'm be didiwlɛ'n ɔ'a wu kee! Afin sa tɛtɛ'n yɛ sran'm be kunndɛ i yolɛ-ɔ. Sa tɛ yolɛ'n yɛ be wun kpɛ su-ɔ.

Zeremi 27:10

Ndɛ nga be kan kle amun'n ti ato, sɛ amun tie-ɔ, be ´tra amun kɔ mɛn wie nun. N ´fuan amun wa, amun ´wu.

Zeremi 27:9

Nan i ti'n, sɛ amun kɔmiɛn mun, nin amun ngɔnyinman yifuɛ mun, nin amun laliɛ cɛnfuɛ mun, nin amun nzraama kannganfuɛ mun, ɔ nin amun bae difuɛ'm be se amun kɛ: ‹Amun su ko su-man Babilɔni famiɛn'n,› nán amun fa su.

Zeremi 29:23

Sa ti b'ɔ ´yo sɔ'n yɛlɛ kɛ be boli tete Izraɛl nvle'n nun. Be kunndɛli be wiengu'm bé yi mun, yɛ m'an sunman-man be kpɛkuun be ɔli kɛ be su ijɔ mín nuan. N si i kwlakwla ng'ɔ o lɛ'n nun, ɔ yoli min nyrun.› » Anannganman'n yɛ ɔ kan sɔ-ɔ.

Zeremi 42:5

Be kusu be waan: «Anannganman'n ti e lalofuɛ. Sa nga i waan e `yo'n, sɛ i yolɛ ti kekle o, sɛ ɔ ti pɔpɔ o, kɛ e bɔbɔ y'a se wɔ kɛ a wun i wun man e yɛ'n, san i yolɛ cɛ yɛ e ´yo-ɔ. E ´yo nga Anannganman e Nyanmiɛn'n kan'n nan y'a di alaje.»

Zeremi 5:2

Sran'm be ta nda be se kɛ: «N kan Anannganman'n» ato yɛ be buɛ i sɔ-ɔ.

Zeremi 5:29

?Sran kɛ nga sa'n, nán fɔ cɛ yɛ n ´tu be-ɔ? ?Nvle kɛ nga sa'n, klunngbɔ ng'ɔ o min klun'n, nɛ́n i tulɛ cɛ yɛ n ´tu i be su-ɔ?

Saun Yolɛ 19:13

Nán amun di sran lufle, nán amun wua like fi. Nán amun tra kpa difuɛ'n i akatua'n i ase man aliɛ cɛn su.

Saun Yolɛ 20:10

Sɛ sran kun kunndɛ i wiengu kun yi'n, ɔ fata kɛ be kun be nnyɔn'n bɔ be yoli sa'n .

Saun Yolɛ 20:27

Sɛ yasua kun annzɛ kusu bla kun nin wunmiɛn be ijɔ'n, sɛ wie kusu-ɔ ɔ ti wunnzue yifuɛ'n, ɔ fata kɛ be kun i. Be `finfin i yɛbuɛ be `kun i. I bɔbɔ yɛ ɔ kunndɛli i wun wie nin-ɔn.»

Saun Yolɛ 20:6

Sran nga ɔ nin wunmiɛn'n ijɔ annzɛ ɔ yi wunnzue'n, i sɔfuɛ ɔ ti amuɛn sɔfuɛ, i sɔfuɛ'n, e nin i e lɛ i. N ´kɛn i bo Izraɛl nvle'n nun.

Mise 1:2

Nvle-nvlefuɛ mun, amun kwlaa amun `sie amun su `tie. Asiɛ, a nin be nga be tran ɔ su'n be kwlaa amun `sie amún su kpa! Anannganman'n fin i tranwlɛ lɔ ´ba, ɔ nin amun be wa yia nun.

Abakik 1:12

Anannganman, kɛ ɔ fin adudua'n, wɔ yɛ a ti Nyanmiɛn titi-ɔ. A ti min Nyanmiɛn, ɔ nzuɛn nin klɔ sran liɛ'n ti-man kun, a wu-man le. Anannganman, a kpali e kpɔfuɛ sɔ mun kɛ be di e jɔlɛ. Wɔ bɔ a ti kɛ yɛbuɛ sa'n, a tinnin be kɛ be tu e fɔ ɔ dunman nun.

Zakari 11:12

Yɛ n seli be kɛ: «Sɛ amun waan amun fa min akatua'n be ´man min'n an `fa man min, sɛ amun waan amun fa man-man min kusu-ɔ, man ɔ ka lɛ.» Kpɛkuun be kali sika jɛtɛ ablasan be wlali mín sa nun. Min akatua'n yɛ ɔ o lɛ-ɔ.

Malasi 1:6

Min Anannganman bɔ n sie mɛn wunmuan'n, n se min nyrun jranfuɛ'm be kɛ yoo: «Bakan kwlaa i nyin yi i si, sran ng'ɔ ti afanniɛn'n kusu i nyin yi i min'n. ?Yɛ min li, nán min yɛ n ti amún si, ɔ nin amun min nin-ɔn? ?Yɛ ɔ yo sɛ, bɔ amún nyin yi-man min, bɔ amun sro-man min-ɔn? Amun yo min finfin, kpɛkuun amun usa kɛ: ‹?Finfin sɛ yɛ e yo wɔ-ɔ?›

Malasi 2:14

Kpɛkuun amun usa kɛ: «?Nan nguɛ sa-a?» Sa ti b'ɔ yo sɔ'n, yɛlɛ amun gbanflɛn nun bla'n i jalɛ nun. I jalɛ nun'n amun tali nda Anannganman nyrun kɛ amun kunndɛ-man bla uflɛ, nan i yɛ ɔ ti amun ukafuɛ-ɔ, nan i yɛ amun wunnin i-ɔ, kpɛkuun amu'an buɛ-mɛn i ndɛ nun kun.

Malasi 2:17

N ´kan kle amun kɛ amun fa amún nuan nun ndɛ'n be kle Anannganman i yalɛ, kpɛkuun amun blu su be usa kɛ yoo: «?Yalɛ sɛ yɛ e kle i-ɔ?» Yalɛ nga amun kle i'n yɛlɛ nga amun kɛn i kɛ yoo: «Sran ng'ɔ yo sa tɛ'n ɔ ti kpa Nyanmiɛn i nyrun. Yɛ i sɔ sran mun yɛ Nyanmiɛn klo be-ɔ.» Ɔ nin nga amun usa ekun kɛ: «?Nyanmiɛn bɔbɔ kpa'n li, ɔ di jɔlɛ?»

JÉSUS-CHRIST I DYASIN FE'N BO LUC KLELI'N 23:40

Sanngɛ kun'n ijɔli i, ɔ seli kɛ: «?A sro-man Nyanmiɛn? Sa kunngba nga be waan be ´yo i'n, be ´yo e wie.

Rɔmfuɛ Mun 3:8

?Yɛ nguɛ ti yɛ e se-man kɛ: «Man e yo sa tɛtɛ nan i agualiɛ'n ɔ gua e kpa-a?» Sran wie'm be saci n dunman kɛ kɛ n se sɔ-ɔ. Sɛ be se kɛ sran sɔ'm b'a di fɔ'n, ɔ ti su.

Mmla'n 15:13

Sanngɛ kɛ amun ´yaci be nun sɔ'n, nán man be toto bé sa be wɔ.

Mmla'n 18:10

Nán amun nun wie fɛ i wa yasua annzɛ i wa bla ɔ yi i sin nun kɛ ɔ fa sɔ amuɛn. Nán amun nun wie di bae annzɛ ɔ yi wunnzue.

Mmla'n 24:17

Nán amun bu aofuɛ annzɛ aika ba'n i ndɛ kwlɛ. Nán amun fa angboti bla'n i kondro'n wla aowa.

Mmla'n 27:19

«Sran ng'ɔ bu aofuɛ annzɛ aika ba, annzɛ angboti bla be lufle'n, nán man ɔ wun ye le.» Kpɛkuun man Izraɛlfuɛ'm be kwlaa be tɛ su kɛ: «Man ɔ yo sɔ!»

Mmla'n 5:11

Nán bo min Anannganman ɔ Nyanmiɛn'n min dunman'n ngbɛn, afin sran ng'ɔ bo min dunman ngbɛn'n, n su yaci-mɛn i lɛ, san n ´tu i fɔ.

1 Tɛsalonikfuɛ Mun 4:6

Sa kunngba nga su'n, nán an bu amun niaan lufle, nán an tiɛ i bɛ su, afin e kan kleli amun, yɛ e wlali amún su nun kpa kɛ sran ng'ɔ yo i sɔ sa'n, e Min'n ´tu i fɔ.

Hébreu 13:4

Man sran'm be kwlaa be bu aja'n i like dan, yɛ be bɔ b'a ja bé wun'n, nán man be yo sa sukusuku. Afin be nga be kunndɛ bla annzɛ bian'n, ɔ nin be nga be kunndɛ bla bé yi bo annzɛ bian bé wun bo'n mun'n, Nyanmiɛn nin be lɛ i.

Jacques 5:12

N niaan mun, sa ng'ɔ ti cinnjin kpa'n yɛlɛ kɛ nán an flɛ nyanmiɛn'n, nin asiɛ'n, nin like wie fi be di. Sanngɛ sɛ an se kɛ «Ɛɛn'n,» man ɔ ka su, yɛ sɛ an se kɛ: «Cɛcɛ'n,» man ɔ ka su nan b'a fa-man amun a ɔ-man Nyanmiɛn ja su .

Jacques 5:4

Be nga be di amun fie'm bé su junman'n, bɔ amu'an tua-man be kalɛ'n, an `tie be kpanlɛ'n. Be nga be kpɛ amun awie'n be kpan lele be nɛn'n to e Min Nyanmiɛn b'ɔ sie mɛn wunmuan'n lɔ .

Sa nglô yile 21:8

Sanngɛ srɛfuɛ mun'n, nin be nga be lafi-man n su'n, nin be nga be yo tete sa'n, nin sran kunfuɛ mun'n, nin bian nin bla kunndɛfuɛ mun'n, nin baefuɛ mun'n, nin amuɛn sɔfuɛ mun'n, nin be kwlaa nga be bua ato'n, be lika liɛ'n yɛlɛ sin dan'n bɔ sufru b'ɔ jue o nun'n. I yɛ ɔ ti wie'n i nnyɔn su nin-ɔn .»

Sa nglô yile 22:15

Be nga be ti kɛ alua sa'n, be nin baefuɛ mun'n, nin bian nin bla kunndɛfuɛ mun'n, nin sran kunfuɛ mun'n, nin amuɛn sɔfuɛ mun'n, nin be kwlaa nga be bua ato'n, bɔ be yo gblɛgblɛ sa mun'n, be lika liɛ'n yɛlɛ klɔ'n sin lɔ.