Malasi 3:3 - NYANMIƐN NDƐ'N 1998

³ Ɔ ´tran ase, ɔ ´tɔn sika'n, ɔ ´yi i nun fiɛn'n, ɔ ´yo Levi i osu'n nun Nyanmiɛn nyrun jranfuɛ'm be saun kɛ be fa yo sika ɔkwlɛ ɔ nin jɛtɛ ufue'm be saun'n sa. Kpɛkuun siɛn'n, sɛ be wa man Anannganman i like'n, be ´nanti i mmla'n su yɛ be ´mɛn i-ɔ.

Malasi 3:3 ပူးပေါင်းရင်းမြစ်များ

Jue Mun 116:17

Asenna tɛ'n yɛ n ´yi n ´fa man wɔ-ɔ. N ´kpan n flɛ wɔ.

Jue Mun 4:5

Sɛ amun fa ya'n, nán amun yo sa tɛ. Kɛ amun la amun bɛ'n su kɔnguɛ'n, amun `bu akunndan. Kpɛkuun amun `tran diin .

Jue Mun 4:6

Amun `yi sraka ng'ɔ fata'n. Yɛ amun `fa amun wun wla Anannganman i sa nun.

Jue Mun 50:14

Yi min asenna tɛ'n man min, yɛ fualɛ nga a fua kleli min bɔ like fi nun-man n sin'n kɛ a ´yo like wie man min'n, yiɛ i nuan.

Jue Mun 50:23

Sran ng'ɔ manman min'n yɛlɛ sran ng'ɔ si min wun ye'n, yɛ i yɛ ɔ ti min ayɛ yifuɛ-ɔ. Sran ng'ɔ nian i nantilɛ'n su'n, n wa yi min wun nglo n kle i kɛ min yɛ n de sran mun-ɔn.»

Jue Mun 51:19

Sraka nga Nyanmiɛn kunndɛ'n yɛlɛ bé wun ase kanlɛ b'ɔ man be di sa nga be yoli'n i nanwlɛ'n. Ee Nyanmiɛn, sran ng'ɔ yo sɔ'n, i wun yo wɔ fɛ.

Jue Mun 66:10

Ee Nyanmiɛn, a niannin e klun lɔ akunndan'n! A sali ye niannin, a yoli ye kɛ jɛtɛ ufue bɔ be tɔn bɔ i nun fiɛn'n fite'n sa.

Nyanndra Mun 17:3

Sin yɛ be fa sa sika ɔkwlɛ'n nin jɛtɛ ufue'n be nian-an. Sanngɛ sran ng'ɔ sa sran i klun lɔ akunndan'n nian'n yɛlɛ Anannganman.

Nyanndra Mun 25:4

Kɛ be ko yi sika'n i nun fiɛn'n, i ba'n b'ɔ ka lɛ'n yɛ ajuin difuɛ'n fa di i junman nin-ɔn.

Ezai 1:25

Zerizalɛmfuɛ mun, e nin amun y'a nyɛn. N ´tu amun nun fiɛn'n kɛ be fa kpetre sanmlan be fa tu like nun fiɛn'n sa.

Ezai 48:10

M'an fa-man sin yɛ n yili amun nun fiɛn'n kɛ be fa sin be yi jɛtɛ ufue'n i nun fiɛn'n sa-a, sanngɛ nyrɛnnɛn yɛ n fa sali amun n niannin-ɔn.

Ezai 61:6

Sanngɛ amun liɛ'n, be ´flɛ amun kɛ Anannganman i Nyrun Jranfuɛ mun. Be ´se kɛ amun liɛ'n, amun ti Nyanmiɛn'n i junman difuɛ mun. Amun ´di nvle-nvle'm be nunfuɛ'm bé bo ninnge'm bé su. Yɛ be nyrun bɔ be lɛ i'n, ɔ ´kaci amun liɛ .

Zeremi 9:7

Bé nuan'n ti kɛ cua bɔ duwlɛ wo i ti'n sa. Gblɛ ndɛ mun yɛ be kan-an. Be fa bé nuan'n be fa fɔnvɔ be wiengu mun. Kusu wuun be bu bé wun akunndan tɛ be sua-suali be wun aya.»

Ezekiɛl 20:38

N ´yi nyin keklefuɛ nga be o amun nun'n nin be nga be jasoli mín wun'n. Mɛn nga be ɔli nun'n, n ´fa be n ´jaso lɛ, sanngɛ be su sa-man bé sin Izraɛl asiɛ'n su kun. Yɛ amun wa si jrɛiin kɛ min yɛ n ti Anannganman nin-ɔn .

Daniɛl 11:35

Be ´kun ngwlɛlɛfuɛ'm be nun sran kpanngban. Be wulɛ'n ɔ ´yo nvle nunfuɛ'm be saun, ɔ ´yo be jrɛiin, yɛ ɔ ´yo be weiin, lele awieliɛ'n ´fa ju. Afin kɛ ɔ ´yo sɔ'n, wuun awieliɛ'n nian ju-man.

Daniɛl 12:10

Afɛ'n ti, sran kpanngban kpa be wa yo saun, be ´yo weiin, yɛ be ´yo jrɛiin. Sran tɛtɛ bɔ be wun-man sa wlɛ'n, be ´yo sa tɛ'n be ´kɔ be nyrun, sanngɛ ngwlɛlɛfuɛ'm be ´wun sa ng'ɔ su ju'n i wlɛ.

Ndɛ Nga Nyanmiɛn I Nuan Ijɔfuɛ Oze Kannin'n 14:2

Izraɛlfuɛ mun, amun sa amun sin bla Anannganman amun Nyanmiɛn'n i wun, afin tɔlɛ nga amun tɔli'n, ɔ fin amún sa tɛ nga amun yoli'n.

Zakari 13:9

Be sɔfuɛ mun'n n ´yi be nun fiɛn'n, n ´yo be kɛ sika ɔkwlɛ bɔ be klo i be yi i nun fiɛn'n sa. Kpɛkuun sɛ be flɛ min'n, n ´tɛ be su, n ´se kɛ: ‹Min sran yɛlɛ amun.› Be kusu be ´se kɛ: ‹Anannganman'n ti e Nyanmiɛn.› »

Kalɛ 8:6

«Flɛ Levifuɛ mun man be jaso Izraɛlfuɛ onga'm be afiɛn nan kplo be fiɛn nan siesie be nin min e afiɛn.

JÉSUS-CHRIST I DYASIN FE'N BO LUC KLELI'N 3:16

«N liɛ'n, n yo amun batɛm nzue'n nun, sanngɛ sran ng'ɔ lɛ nyrun tra min'n ɔ su ba, min nin i ngbabua nyanman'n i nyannjilɛ fata-man.

Rɔmfuɛ Mun 12:1

Aniaan mun, aunnvuɛ dan bɔ Nyanmiɛn wunnin ye'n ti, n ´srɛ amun kpa kɛ an fa amun wun mɛn i kɛ sraka bɔ be jrɛ i'n sa, b'ɔ ti i liɛ mlɔnmlɔn bɔ i klun jɔ su, i yɛ ɔ ti i sɔlɛ wafa b'ɔ ti su-ɔ.

Rɔmfuɛ Mun 15:16

b'ɔ sieli min kɛ n di Krist-Jésus i junman be nga be ti-man Zuif'n be afiɛn'n ti yɛ n klɛli i sɔ-ɔ. Kɛ m ´bo Nyanmiɛn i jasin fɛ'n, n yo i nyrun jranfuɛ nan n ´fa be nga be ti-man Zuif'n mɛn i nan i Wawɛ'n man be kaci i liɛ yɛ i klun `jɔ bé wun.

Filipfuɛ Mun 2:17

Nyanmiɛn su bɔ an lafi'n ti kɛ nnɛn bɔ be fa sɔ i Nyanmiɛn'n sa. Sɛ be fa min uka su mɛn i'n, yɛ n klun ´jɔ kɛ amun klun fa jɔ'n sa-a.

Filipfuɛ Mun 4:18

Like nga an fa blɛli min'n, n nyɛnnin i kwlaa'n, ɔ ju min tra su. Kɛ Epafroditi fali like sɔ'n bɔ an fa mɛnnin i kɛ ɔ fa blɛ min'n blɛli min'n, ɔ man like'n kwlaa ti a sin a yia min. Like sɔ'm be ti kɛ like b'ɔ bɔn fannin bɔ be fa man Nyanmiɛn b'ɔ sɔ nun ɔ jɔ i klun'n sa .

2 Timote 4:6

N liɛ'n, m'an kaci kɛ nzan bɔ be fa gua man Nyanmiɛn'n sa, n kɔlɛ'n ɔ'a ju.

Tite 2:14

E ti Jésus ɔ fɛli i wun mannin nan ɔ ´yi ye sa tɛtɛ'n kwlaa nun nan e `kaci i sa ti sran bɔ é wun sa tɛtɛ'n kwlaa ɔ'a wie, bɔ e tu e klun yo sran ye .

Hébreu 12:10

Kpa nga é si'm be waan e yo bɔ i ti yɛ be tu e fɔ'n, ɔ ti le nnyɔn kun liɛ, sanngɛ nga Nyanmiɛn fa tu ye'n, e kpa yolɛ mlɔnmlɔn ti-ɔ nan e kaci kɛ i sa.

1 Piɛr 1:7

i sɔ'n nun yɛ be ´wun kɛ an lafi Nyanmiɛn su kpa-a. Sika ɔkwlɛ bɔ cɛn wie ɔ ´saci'n, be klo i nian. Amun kusu kɛ an lafi Nyanmiɛn su'n, an ti kpa tra sika ɔkwlɛ, sanngɛ san be ´sa amun nian. Yɛ kɛ be wun kɛ an lafi i su kpa'n, cɛn nga Jésus-Krist wa yi i wun nglo'n, be ´manman amun, be ´yi amun ayɛ, yɛ be ´yo amun mo.

1 Piɛr 2:5

Amun kusu an ti kɛ yɛbuɛ b'ɔ o lɛ tititi'n sa, man be fa amun wla Nyanmiɛn sua bɔ i Wawɛ'n kplan'n nun wie, yɛ amun ´kaci Nyanmiɛn nyrun jranfuɛ mun bɔ i Wawɛ'n man amun ´sɔ i wafa uflɛ su. Jésus-Krist ti, i sɔlɛ sɔ'n ɔ ´jɔ i klun.

1 Piɛr 2:9

Sanngɛ amun liɛ'n, an ti sran bɔ Nyanmiɛn fali amun, an ti Famiɛn Nyanmiɛn'n i nyrun jranfuɛ mun, an ti Nyanmiɛn i nvle'n nun sran mun, yɛ an ti i liɛ mlɔnmlɔn. Ɔ fali amun kɛ an yi i b'ɔ flɛli amun kɛ an jao aosin nun, an bla lika ng'ɔ kpaja kpa nun'n i ayɛ .

Sa nglô yile 1:6

yɛ ɔ man y'a kaci e Si Nyanmiɛn i awlo sran bɔ e trɛn i nyrun. Man e yi i ayɛ, man e se kɛ ɔ ti kpli tititi! Man ɔ yo sɔ !

Sa nglô yile 3:18

I sɔ'n ti, n ´kan kle amun kɛ sika ɔkwlɛ bɔ b'a klo i'n wo ń sa nun, an `to nan an yo anyanbeunfuɛ. Yɛ an `to tralɛ ufue fa wla amun wun nan b'a wun-man kɛ amún wun ti kplɛn nan amún nyin a gua-man ase. An `to ayre fa kpɛ amún nyin su nan an wun ase.

Sa nglô yile 5:10

Ɔ man b'a kaci e Nyanmiɛn'n i awlo sran bɔ be trɛn i nyrun. Be yɛ be ´sie sran mun asiɛ'n su wa-a .»