Malasi 3:2 - NYANMIƐN NDƐ'N 1998

² ?Cɛn ng'ɔ ´ba'n, wan cɛ yɛ ɔ kwla jrɛn i nyrun-ɔn? ?Cɛn nga amun nyinma guɛ i wun'n, amun nun onin yɛ ɔ ´kwla jrɛn i ja'n su nglo-ɔ? Ɔ ´yo kɛ tunnzue sin sa, ɔ ´yo kɛ sanmlan bɔ be fa kpu ninnge'n sa .

Malasi 3:2 ပူးပေါင်းရင်းမြစ်များ

Bo Bolɛ 19:28

Ɔ ´nian Sodɔm nin Gomɔr be asa'n su lɔ'n, sin wɛnsrɛn su fite lɔ kɛ lika wie yɛ ɔ su yra sa.

Zɔb I Nyrɛnnɛn Wunlɛ 28:1

Sika'n ɔ lɛ i tuwlɛ. Sika ɔkwlɛ'n ɔ lɛ i nun fiɛn yiwlɛ.

Jue Mun 130:3

?Anannganman, sɛ ɔ waan a ´nian tɛ nga e yo'n, wan cɛ yɛ ɔ ka lɛ-ɔ ɔ ´yo ye-ɔ ?

Jue Mun 2:7

Nyanmiɛn i sran ng'ɔ sieli i famiɛn'n waan: «Amun `jran man m bo Anannganman i ndɛ b'ɔ fin i nuan fiteli'n i jɔ ke! Ɔ seli min kɛ yo: ‹A ti n wa! Ndɛkɛn yɛ n wuli wɔ-ɔ .

Jue Mun 76:7

Zakɔb Nyanmiɛn, kɛ a kannin ndɛ kekle kleli nnɛn kpanngɔ mun nin bé su fufuɛ mun'n, be wuli be klun sa kuɛɛn .

Nyanndra Mun 25:4

Kɛ be ko yi sika'n i nun fiɛn'n, i ba'n b'ɔ ka lɛ'n yɛ ajuin difuɛ'n fa di i junman nin-ɔn.

Ezai 1:18

Anannganman wan yoo: «Amun `bla man e ti é wun aniɛn. Sɛ amún sa tɛ bɔ amun yo'n be ti kɛ like ɔkwlɛ youun wie sa bɔbɔ'n, be ´fɛn fitafita kɛ jese fɔkɔ sa. Sɛ be ti kɛ like ble tikitiki wie sa bɔbɔ'n, be ´yo ufue fuai kɛ bua ndrɛ sa.

Ezai 33:14

Siɔn lɔ be nga be yo sa tɛ'n, srɛ kun be. Be nga be nyin yi-man Nyanmiɛn'n, be usu. Be usa kɛ: «Wan yɛ ɔ wo e nun b'ɔ kwla jran sin dan nga i nyrun-ɔn? ?Wan yɛ ɔ wo e nun b'ɔ kwla jran sin kpli ng'ɔ nuan-man mlɔnmlɔn yɛ'n i wun koko-ɔ?»

Ezai 4:4

Kɛ Anannganman ko salo Siɔn lɔ bla'm bé wun fiɛn'n kɔ wie'n, kɛ ɔ ko salo Zerizalɛmfuɛ'm bé sran bɔ be kun be'n be mmoja'n ko wie'n, kɛ ɔ ko di jɔlɛ'n ko wie'n, kɛ ɔ ko nunnun sa tɛ'n ko wie'n,

Zeremi 2:22

Sa tɛ nga a yoli'n, kannzɛ bɔ a fa blɔ nzue kpu'n, sɛ a fa sanmlan kaka wunnzin'n, ɔ su nunnun-man. Blɔ nzue sɔ'n nin sanmlan sɔ'n be su tu-mɛn i mín nyrun lɛ.» Anannganman Nyanmiɛn'n yɛ ɔ kan sɔ-ɔ.

Ezekiɛl 22:14

?Blɛ nga bɔ e nin amun e wa nyɛn i'n, amun anwlɛn'n ´kwla sɔ yɛ amun ´kwla jran kekle? Afin min Anannganman'n min sa nga min waan n ´yo, n ´yo.

Daniɛl 11:35

Be ´kun ngwlɛlɛfuɛ'm be nun sran kpanngban. Be wulɛ'n ɔ ´yo nvle nunfuɛ'm be saun, ɔ ´yo be jrɛiin, yɛ ɔ ´yo be weiin, lele awieliɛ'n ´fa ju. Afin kɛ ɔ ´yo sɔ'n, wuun awieliɛ'n nian ju-man.

Zoɛl 2:11

Kan bɔ Anannganman i alɛ mma'm be sin lɛ'n, ɔ kpan dun mmua be nyrun. Alɛ mma sɔ mun bɔ like nga i waan be `yo'n yɛ be yo'n, be sɔnnin, be kunngba'n be yo sro ekun. Anannganman i cɛn sɔ'n ti kekle kpa, ɔ yo sro. ?Wan yɛ ɔ kwla suɛn i bo-ɔ ?

Naɔm 1:6

?Kɛ ɔ ko fa ya'n, wan yɛ ɔ kwla jrɛn i nyrun-ɔn? ?Blɛ b'ɔ yi i ya dan'n i nglo'n, wan yɛ ɔ kwla jrɛn i nyrun-ɔn? I ya'n ɔ jue kɔ i nyrun kɛ sin sa. Yɛbuɛ tanda mun bɔbɔ ɔ kpaci be nun.

Zakari 13:9

Be sɔfuɛ mun'n n ´yi be nun fiɛn'n, n ´yo be kɛ sika ɔkwlɛ bɔ be klo i be yi i nun fiɛn'n sa. Kpɛkuun sɛ be flɛ min'n, n ´tɛ be su, n ´se kɛ: ‹Min sran yɛlɛ amun.› Be kusu be ´se kɛ: ‹Anannganman'n ti e Nyanmiɛn.› »

Matthieu 25:10

Kɛ be ´kɔ i tolɛ'n yɛ bian'n juli lɛ-ɔ, be nga be buabuali bé wun'n, be nin bian'n be wluli kan be fa atɔnvlɛ'n lɔ'n nan b'a to anuan'n nun.

Marc 9:3

I tralɛ'n kacili ufue nyɛnnyɛnnyɛn bɔ ninnge kpufuɛ fi nun-man asiɛ'n su wa b'ɔ kwla kpu ninnge ɔ fɛn ju sɔ-ɔ.

JÉSUS-CHRIST I DYASIN FE'N BO LUC KLELI'N 2:34

Simeɔn yrali i nuan mannin be, nan ɔ'a se i nin Mari kɛ: «Nian, ba ng'ɔ o yɛ'n, ɔ o lɛ Izraɛlfuɛ'm be sunman be ase finlɛ'n ti, yɛ ɔ o lɛ be sunman kusu bé su manlɛ'n ti. Ɔ wa yo kɛ like kun bɔ be wa kɛn i wun ndɛ tɛ sa,

JÉSUS-CHRIST I DYASIN FE'N BO LUC KLELI'N 21:36

I sɔ'n ti, an `tran minndɛ i cɛn kwlaa, an `srɛ Nyanmiɛn nan an kwla fite sa b'ɔ wa ba mɛn nun'n i kwlaa i nun nan amun `kwla jran m bɔ n kacili Sran'n min nyrun.

JÉSUS-CHRIST I DYASIN FE'N BO LUC KLELI'N 3:17

I liɛ'n, ɔ wa fa Nyanmiɛn Wawɛ'n nin sin yo amun batɛm. I nene'n wo i sa nun, ɔ wa kpɛjɛ i awie b'ɔ o i bowlɛ nun'n lele ɔ ´wie, ɔ ´isa awie'n guɛ i tanngannin'n nun, yɛ ɔ ´wɔ i wla'n nun sin b'ɔ nuan-man'n nun.»

JÉSUS-CHRIST I DYASIN FE'N BO LUC KLELI'N 3:9

Kpɛliɛ'n ɔ'a kan waka olui'n, ɔ man waka kwlaa nga i mma'n ti-man kpa'n, be ´kpɛ guɛ i sin'n nun.»

JÉSUS-CHRIST I DYASIN FE'N BO LUC KLELI'N 7:23

Sran nga i ti nun a saci-man min ti'n, i liɛ su ti ye!»

Jean 8:55

Sanngɛ an si-mɛn i, n liɛ'n n si i. Sɛ n se kɛ n si-mɛn i'n, wuun n ti ato buafuɛ kɛ amun sa. Sanngɛ n si i, yɛ n fɛ i ndɛ'n su.

Hébreu 12:25

An `nian amún wun kpa, nán an kpalo ndɛ nga be kan kle amun'n. Be nga be kpaloli sran ng'ɔ kan ndɛ kleli be asiɛ'n su wa'n i ndɛ'n, b'a fite-man nun. Sɛ e kusu e kaci e sin si sran ng'ɔ o nyanmiɛn su lɔ b'ɔ kan ndɛ kle ye'n, e su fite-man nun mlɔnmlɔn.

Sa nglô yile 19:8

Be man ɔ'a kla lɛn kplɔkɔɔ nyannyan b'ɔ ti yɛiin'n.» Lɛn kplɔkɔɔ sɔ'n yɛlɛ sa nga Nyanmiɛn sran'm be yo b'ɔ ti su'n.

Sa nglô yile 2:23

N ´kun i mma mun, ɔ man asɔnun'm be kwlaa be ´si kɛ min yɛ n si sran'm be akunndan'n nin sa ng'ɔ o be klun lɔ nin-ɔn. Like nga an yoli'n, n ´fa sran kun liɛ ng'ɔ yoli'n i nuan like n mɛn i .

Sa nglô yile 6:17

Afin cɛn nga be ya'n ɔ ´jao dan'n ɔ'a ju. ?Wan yɛ ɔ ´kwla jran be nyrun-ɔn ?»

Sa nglô yile 7:14

N se i kɛ: «Nannan, wɔ yɛ a si be-ɔ.» Yɛ ɔ seli n kɛ: «Be nga be fin afɛ dan'n nun mun-ɔn. Be kpuli be tralɛ mun Bua Gbanflɛn'n i mmoja'n nun yɛ be fieli-ɔ .

1 Samiɛl 6:20

Be waan: «Nga, sran fi jran Anannganman nyrun-ɔn, ɔ yo-man ye, afin ɔ ti Nyanmiɛn kun bɔ i nzuɛn nin klɔ sran liɛ'n ti-man kun. ?Yɛ wan yɛ e ´fa ko mɛn i nan ɔ'a jaso é wun wa-a?»