Malasi 3:18 - NYANMIƐN NDƐ'N 1998

¹⁸ Kpɛkuun amun ´wun ngbaciɛ ng'ɔ o sran kpa nin sran ng'ɔ bu-man Nyanmiɛn nin i nuan ndɛ'n be like fi'n be afiɛn'n, ɔ nin ngbaciɛ ng'ɔ o sran ng'ɔ su Nyanmiɛn nin sran ng'ɔ su-man Nyanmiɛn'n be afiɛn'n.»

Malasi 3:18 ပူးပေါင်းရင်းမြစ်များ

Bo Bolɛ 18:25

N si kɛ a su nunnun-man klɔ'n. Kɛ a ´kan sran kpa mun nin sran tɛ mun bo nun a ´kun be'n nan sa nga ɔ ´ju sran kpa'm be su nin ng'ɔ ´ju sran tɛ'm be su'n be yo kun liɛ'n, a su yo-mɛn i sɔ mlɔnmlɔn. ?Wɔ bɔ a di asiɛ'n sufuɛ'm be kwlaa be jɔlɛ'n, sɛ a di-man nanwlɛ'n, wan yɛ ɔ di i ekun-ɔn?»

Zɔb I Nyrɛnnɛn Wunlɛ 17:10

Sanngɛ min janvuɛ mun amun kwlaa amun `bla, n wun-man ngwlɛlɛfuɛ fi amun nun.

Zɔb I Nyrɛnnɛn Wunlɛ 6:29

Amun `nian min nan amun `fa nanwlɛ'n be di. Amun `nian min, m'an fɔn-man mlɔnmlɔn.

Ezipt Lɔ Tulɛ'n 11:7

Sanngɛ Izraɛlfuɛ'm be tranwlɛ liɛ'n nun lɔ'n, be su ti-man alua kun bolɛ, ɔ nin nnɛn uflɛ wie kpanlɛ nan se kɛ sran yɛ be ti i kpanlɛ-ɔ. I sɔ'n nun'n, amun wa wun i wlɛ kɛ m bɔbɔ min Anannganman n sie Izraɛlfuɛ mun nin Eziptfuɛ'm be afiɛn ngbaciɛ.›

Zeremi 12:15

Sanngɛ kɛ n ko tu be n ko wɔ'n, i sin n wa si be aunnvuɛ. N ´fa be n sa be sin be lika kunngun mun nin mɛn kunngun'm be nun.

Daniɛl 2:18

Ɔ seli be kɛ be `srɛ Nyanmiɛn b'ɔ o nglo lɔ b'ɔ ti aklunyefuɛ'n, nan ɔ `yi nvialiɛ nun sa sɔ'n i nglo `kle be kɛ ɔ ´yo nan b'a kun-man be nin Babilɔni lɔ sa sifuɛ mun'n ti.

Zoɛl 2:14

Atrɛkpa-a, ɔ ´kwla kaci aniɛn, kpɛkuun ɔ ´yo amun ye. Kpɛkuun siɛn'n, an ´kwla fa ble nin nzan be ko mɛn i.

Amɔs 5:15

Nán amun fa sa tɛ yolɛ'n be `sie amun anwlɛn'n nun mlɔnmlɔn. Man klun-ufue yolɛ'n yɛ ɔ tran amun anwlɛn'n nun-ɔn. Amun ´kan ndɛ-ɔ, amun `di nanwlɛ. Amun `di nanwlɛ, i liɛ'n nja, sɛ Anannganman b'ɔ sie mɛn wunmuan'n ɔ ´si Zozɛf i anunman nga be ka'n be aunnvuɛ o!

Zakari 1:6

Sanngɛ ndɛ nin mmla nga n fa wlali min sufuɛ nga be ijɔ min nuan'n bé sa nun, kɛ be `fa man amun nannan mun'n, amun nannan'm be wunnin i yɛ be seli kɛ: ‹Sa nga Anannganman b'ɔ sie mɛn wunmuan'n waan sɛ e yo tɛ nan sɛ y'a yaci-man ye aeliɛ tɛtɛ'n ɔ ´fa yo ye'n, yɛ ɔ'a yo i yɛ.› »

Malasi 1:4

Sɛ Edɔmfuɛ'm be se kɛ: ‹B'a bubu e klɔ mun, sanngɛ e ´kplan be uflɛ'n.› I kusu m bɔbɔ min Anannganman bɔ n sie mɛn wunmuan'n, n ´se be kɛ yoo: ‹Be li man be kplan, sanngɛ n liɛ kusu nga n si i'n, yɛlɛ i bubulɛ. Ɔ man be ´flɛ be kɛ Klunwi Klɔ, wie kusu-ɔ, mɛn bɔ i wun ya wie-man Anannganman klun le.

Matthieu 25:46

Sran sɔ'm be liɛ'n, be ´kɔ lika bɔ lɔ nyrɛnnɛn'n wie-man'n nun'n, sanngɛ nanwlɛfuɛ'm be ´nyan anannganman nguan .»

Jean 12:26

Sran nga i waan ɔ ´su min'n, man ɔ su n su, yɛ lika nga n wo nun'n, n sran sɔ'n ɔ ´tran lɔ wie. N Si ´bu sran ng'ɔ su min'n i sran.»

Sa nga bé yôli'n 16:17

Ɔ su e nin Pɔl e su, ɔ kpan se kɛ: «Minniɛn nga'm be ti Nyanmiɛn bɔ like fi nun-mɛn i sin'n i sran mun, be su kan sa nga be yo nan b'a nyan bé ti'n i ndɛ kle amun.»

Sa nga bé yôli'n 27:23

Nyanmiɛn bɔ n ti i liɛ bɔ n su i'n, i anz kun bali min wun ndɛ kɔnguɛ yɛ ɔ seli min kɛ:

Rɔmfuɛ Mun 1:9

Nyanmiɛn bɔ min akunndan'n kwlaa wo i sulɛ'n su'n, bɔ m bo i Wa'n i jasin fɛ'n, ɔ si kɛ n kan amun ndɛ kle i titi.

1 Tɛsalonikfuɛ Mun 1:9

Kɛ e ɔli amun wun lɔ'n, nun sɔlɛ nga an fa sɔli ye'n, sran'm be kwlaa be kɛn i ndɛ. Be se kɛ an yacili amuɛn mun, yɛ an fa amun wun mannin Nyanmiɛn b'ɔ lafi-man'n b'ɔ ti nanwlɛfuɛ'n

Zozie 24:15

Sɛ kusu i sɔ'n jɔ-man amun klun'n, ndɛkɛn amun kle like nga amun klo kɛ amun ´su i'n, sɛ amun ´su ninnge nga amun nannan'm be su be Efrat bue kun lɔ nin o, annzɛ sɛ amun su Amɔrfuɛ nga amun wo be mɛn'n nun yɛ'n be liɛ mun o! Sanngɛ n liɛ'n, e nin min osufuɛ mun, e ´su Anannganman.»