Malasi 3:16 - NYANMIƐN NDƐ'N 1998

¹⁶ Kpɛkuun be nga bé nyin yi Anannganman'n, be yiali be kokoli bé wun. Be ndɛ nga be kannin'n, Anannganman fɛli i su sieli i bo ɔ tili. Be nga bé nyin yi Anannganman b'ɔ kan ndɛ kle be-ɔ be fa'n, be klɛli be dunman i bɔbɔ i nyrun lɛ .

Malasi 3:16 ပူးပေါင်းရင်းမြစ်များ

Bo Bolɛ 22:12

Yɛ anz'n seli kɛ: «Nán ɔ́ sa'n kan ba'n, nán yo i sa fi, afin m'an wun kɛ ɔ́ nyin yi min sakpa. Kɛ n seli wɔ kɛ a fa ɔ́ wa ba kunngba cenje'n man min'n, w'a kaci-man ɔ́ nuan.»

2 Samiɛl 7:1

Famiɛn'n trannin i sua'n nun lɛ. Anannganman deli i i kpɔfuɛ nga be mɛn'm be mɛntɛn i liɛ'n lɛ be kwlaa bé sa nun. Ɔ man i wla guali ase.

1 Famiɛn Mun 18:12

Kɛ n ´fin ɔ́ wun wa bɔ n ´kɔ cɛ'n, wienun-ɔn, Anannganman i Wawɛ'n ɔ wa man ɔ́ su kɔ lika wie bɔ n si-mɛn'n, kusu wuun m'an dun mmua se min min'n kɛ wɔ yɛ a ba lɛ-ɔ. Ɔ man be wa kunndɛ wɔ lele ngbɛn. Yɛ ɔ man be ´kun min. Kɛ ɔ fin n bakan nun lele'n, min nyin yi Anannganman'n.

1 Famiɛn Mun 18:3

Akab flɛli Abdias b'ɔ ti i awlo'n su kpɛn'n. Abdias sɔ'n i nyin yi Anannganman kpa.

2 Be Nyoliɛ 6:7

Min si David fuali kpa kɛ ɔ ´kplan sua kun man Anannganman b'ɔ ti Izraɛl Nyanmiɛn'n.

Neemi 1:11

Min Min, sie ɔ́ su tie min srɛlɛ'n ɔ nin ɔ sran nga be nyin yi wɔ'n be srɛlɛ'n. Man n nyan muae ndɛkɛn, yo man n nyan jranwlɛ bian sɔ'n i nyrun.» I blɛ sɔ nun'n, wuun n ti famiɛn'n i nzan sufuɛ.

Ɛstɛr 2:23

Kɛ be usa-usali'n, be wunnin kɛ ndɛ sɔ'n ti nanwlɛ, nan b'a bo sran nnyɔn sɔ'm be kɔmin. Famiɛn'n man be klɛli sa sɔ'n mɛn'n i sielɛ fluwa'n nun.

Ɛstɛr 6:1

Kɔnguɛ sɔ nun'n, famiɛn'n lafi-ɔ, ɔ yo-man ye. Kpɛkuun i waan be fa wla kpɛnlɛ fluwa'n bɔ yɛlɛ mɛn'n i sielɛ fluwa nga be klɛ sa dandan nga be ju i famiɛn diwlɛ'n nun'n be nun'n be blɛ i. Be fa bali nan b'a kanngan nun b'a kle i.

Zɔb I Nyrɛnnɛn Wunlɛ 28:28

Kpɛkuun ɔ seli klɔ sran'n kɛ: Be nyin bɔ yi Anannganman'n, yɛ be flɛ i ngwlɛlɛ nin-ɔn. Sa tɛ'n i atin'n su jasolɛ'n yɛ ɔ ti ngwlɛlɛ nin-ɔn.

Jue Mun 10:4

Klunwifuɛ'n i klun akunndan'n i ngba'n yɛlɛ kɛ Nyanmiɛn nun-man lɛ. Ɔ tu i wun. Nyanmiɛn i ndɛ ti-mɛn i ndɛ.

Jue Mun 104:33

Kɛ min nyin tɛ o su'n, n ´to jue m ´manman Anannganman. Kɛ n nian wu-man'n, n ´sro jue m ´bo n flɛ min Nyanmiɛn'n.

Jue Mun 111:10

Be nyin b'ɔ yi Anannganman yɛ ɔ ti ngwlɛlɛ silɛ'n i bo bolɛ nin-ɔn. Be kwlaa nga be yo i sɔ'n, be lɛ akunndan ti-ɔ. I manmanlɛ wie-man mlɔnmlɔn le .

Jue Mun 115:13

Be nga be nyin yi Anannganman'n, ɔ ´yo bé wun sa ye, sɛ be lɛ nyrun o, sɛ be lɛ-man nyrun o, ɔ ´yo bé wun sa ye.

Jue Mun 119:63

Be bɔ bé nyin yi wɔ'n, bɔ be fa ɔ mmla nga a sie be'n su'n, be kwlaa be ti min janvuɛ.

Jue Mun 139:4

Sɛ ndɛ yɛ n wa kan b'ɔ nian fite-man mín nuan bɔbɔ'n, a si i kwlakwla'n lalaa .

Jue Mun 147:11

Be nga be nyin yi Anannganman'n, bɔ be lafi i klun-ufue'n su'n, be yɛ bé wun yo i fɛ-ɔ.

Jue Mun 16:3

Ɔ sufuɛ kpakpa nga be o mɛn nga nun'n, be cɛ yɛ m bu be sran yɛ n klo be-ɔ.

Jue Mun 20:7

Siɛn'n m'an wun i kɛ Anannganman de famiɛn b'ɔ sieli i'n. Kɛ ɔ o nyanmiɛn su lɔ kan ɔ tran lɔ'n, ɔ tie i srɛlɛ'n yɛ ɔ tɛ i su. Ɔ tu i klun ukɛ i, ɔ de i.

Jue Mun 33:18

Be bɔ bé nyin yi Anannganman'n, bɔ be fa bé wla guɛ i ukalɛ b'ɔ uka sran'n su'n, i nyin o be su.

Jue Mun 34:15

Ɔ wla sa tɛtɛ'n i ase, ɔ yo sa kpa. Man ɔ nin sran kwlaa be nuan sɛ. Man sran'm be afiɛn siesielɛ'n ɔ kaci i junman.

Jue Mun 56:8

?Sa tɛtɛ nga be ´yo be lɛ'n, nan be nyan bé ti? Ee Nyanmiɛn, fa bé wun ya nan yi be ase!

Jue Mun 56:9

Nán ɔ wla fi min ngwlɛ nga n yi'n su. Sɔ min nyinmuɛn nzue'n ɔ sɛ'n nun nian. Sɛ m bua-man ato-ɔ, a sunnzunnin min nyinmuɛn sɔ'n a niannin.

Jue Mun 66:16

Amun kwlaa nga amun nyin yi Nyanmiɛn'n, amun `bla, an `sie amún su amún tie, n ´kan sa nga ɔ'a yo ɔ'a man min'n n ´kle amun.

Jue Mun 94:19

Blɛ bɔ min akunndan'n sanngan sa sunman ti'n, a fɔnvɔ min ɔ man n nyan aklunjuɛ.

Ezipt Lɔ Tulɛ'n 32:32

Yaci bé sa tɛ'n cɛ be. Sɛ w'a yo-man sɔ'n, wuun kpɛ i kpo nunnun min dunman'n ɔ fluwa nga a klɛli'n nun.»

Nyanndra Mun 13:20

Sran ng'ɔ fɛ i wun mantan ngwlɛlɛfuɛ'n, ɔ kaci ngwlɛlɛfuɛ. Sran nga kusu b'ɔ fɛ i wun mantan sinnglinfuɛ'n, ɔ kaci sinnglinfuɛ.

Ezai 26:3

Sran ng'ɔ tran cinnjin ɔ́ sa nun'n, Anannganman, a mɛn i aunjuɛ, ɔ man i wun jɔ i fɔuun, afin ɔ fɛ i wla'n gua ɔ su.

Ezai 26:8

I sɔ'n ti, Anannganman, kɛ e o wɔ atin'n su'n, é wla o ɔ su. Ɔ kpanflɛlɛ'n nin ɔ dunman'n i bolɛ'n yɛ ɔ ti like bɔ e kunndɛ kɛ e ´yo-ɔ.

Ezai 4:3

I sɔ nun'n, sran nga be ´ka Siɔn lɔ'n, sran nga be ´ka Zerizalɛm lɔ'n, be ´flɛ be kɛ Anannganman i sran mun. Be sɔfuɛ mun yɛ Anannganman klɛli be dunman i fluwa'n nun kɛ be `tran Zerizalɛm lɔ-ɔ .

Ezai 50:10

?Amun nun onin yɛ i nyin yi Anannganman b'ɔ ti i sufuɛ'n i ndɛ b'ɔ kan nin-ɔn? Sran ng'ɔ nanti aosin'n nun'n, bɔ like kpɛjɛ-mɛn i atin'n su'n, man ɔ lafi Anannganman i dunman'n su, yɛ man ɔ kisa i Nyanmiɛn'n su.

Ezai 65:6

Amun nian, m'an klɛ bé sa nga be yo'n. N ´tannin bé sa sɔ'n i nuan like m ´man be, n ´yo man ɔ ´ti be kpa sakpa. N su yaci-man be lɛ.

Zeremi 31:18

N tili kokolɛ nga Efraim koko se kɛ: ‹A tuli ye fɔ. A tuli ye fɔ kɛ be tu nannin gbanflɛn bɔ i nyin yi-man sran'n i fɔ'n sa. Fa e sa é sin ɔ́ wun, yo man e sa é sin, afin Anannganman, wɔ yɛ a ti e Nyanmiɛn-ɔn.

Zeremi 8:6

N sie mín su kpa n ti nga be kan'n. N wun kɛ ɔ ti-mɛn i su. Be nun kun sa koko-mɛn i sa tɛ'n ti, ɔ se-man kɛ: ?Nguɛ sa yɛ n yo i sɔ-ɔ? Be kwlaa be wanndi kɔ be nyrun ndɛnman su kɛ nnɛn kpanngɔ wie b'ɔ su wanndi kɔ alɛ kunlɛ sa.

Ezekiɛl 9:4

Anannganman'n seli bian sɔ'n kɛ: «Wlan Zerizalɛm klɔ'n nun nan be kwlaa nga be su bo awuyomo, bɔ be su kplin tete sa nga sran'm be yo be klɔ'n nun'n be ti'n, klɛ be ngban su nzɔliɛ kun .»

Daniɛl 12:1

«I blɛ sɔ nun'n, Mikaɛl b'ɔ ti anz'm be su kpɛn'n, b'ɔ sasa ɔ nvle nunfuɛ mun'n, ɔ ´ba. Blɛ sɔ'n wa yo awlaboɛ blɛ. I sɔ awlaboɛ liɛ'n, kɛ ɔ fin cɛn bɔ mɛn'n wo lɛ lele b'ɔ ´fa ju ndɛ yɛ'n, be nian wun-mɛn i sɔ le. Blɛ sɔ nun'n, ɔ nvle nunfuɛ bɔ be klɛli be dunman nguan fluwa'n nun'n be ´fite nun .

Daniɛl 7:10

Sin kun fin sran oke'n i nyrun lɛ, ɔ nyrɛn kɛ nzue ba dan wie sa, kpɛkuun ɔ sonji. Sran akpi sɔ lele akpi be su i. Yɛ sran akpingbin be jinjin i nyrun lɛ. Yɛ jɔlɛ difuɛ'm be trannin ase nan b'a tike fluwa'm be su .

Malasi 3:5

Anannganman'n b'ɔ sie mɛn wunmuan'n wan yoo: «N su wa ko tran amun afiɛn lɔ nan n ´di amun jɔlɛ. Wunnzue yifuɛ nin be nga be kunndɛ be wiengu'm bé yi mun, ɔ nin bé wun mun'n, n ´kan mín wun ndɛndɛ m ´ba nan n ´fɛ i sɔ ndɛ'n m ´mian bé sa. Be nga be ta ato nda, kpɛkuun i sɔ like'n be yo-mɛn i kun'n, ɔ nin be nga be mianmian bla nga be o angboti nun'n, ɔ nin aika mma mun'n, wie kusu-ɔ be bu aofuɛ'm be lufle'n, ɔ nin be nga be bu-man min like fi bɔ kaan sa'n, n ´kan mín wun m ´ba ndɛndɛ nan n ´fɛ i sɔ ndɛ'n m ´mian bé sa.»

JÉSUS-CHRIST I DYASIN FE'N BO LUC KLELI'N 2:38

Bla sɔ'n kusu bali lɛ dɔ kunngba sɔ'n su, ɔ manmannin Nyanmiɛn, yɛ ɔ kannin Jésus ndɛ kleli be kwlaa nga be minndɛ kɛ Nyanmiɛn `de Zerizalɛmfuɛ mun'n.

Sa nga bé yôli'n 1:13

Kɛ be juli lɔ'n, be fuli nglo sua bɔ be tran nun'n i nun. Be nga be fuli lɔ sɔ'n be yɛ: Piɛr, Zan, Zak, Andre, Filip, Tomas, Bartelemi, Matie, Zak b'ɔ ti Alfe wa'n, Simɔn b'ɔ o be bɔ be flɛ be akpuefuɛ'n be nun'n, yɛ Zid b'ɔ ti Zak wa'n.

Sa nga bé yôli'n 10:2

Ɔ nin i awlofuɛ'm be ngba be sro Nyanmiɛn. Ɔ yo yalɛfuɛ'm be ye kpa, ɔ koko yalɛ kle Nyanmiɛn tititi.

Sa nga bé yôli'n 2:1

Kɛ Pantkɔt'n juli'n, be kwlaa be yiali lika kun.

Sa nga bé yôli'n 9:31

Asɔnunfuɛ'm bɔ be o Zide, nin Galile, ɔ nin Samari mɛn wunmuan'n nun lɔ'n, be lɛ alaje, yɛ asɔnun'n kɔ i nyrun. Kɛ bɔ asɔnunfuɛ'm be nyin yi e Min'n bɔ Nyanmiɛn Wawɛ'n jran bé sin ti'n, be trɛ.

Efɛzfuɛ Mun 5:19

Kɛ amun ´koko yalɛ'n, an `kan Nyanmiɛn Jue fluwa nun ndɛ, yɛ an `to Nyanmiɛn manmanlɛ jue. An `tu amun klun to jue manman e Min'n, yɛ an `bo flɛ i.

1 Tɛsalonikfuɛ Mun 5:11

I sɔ'n ti, an `cici amun wiengu wla man ɔ yo sran, afin kɛ an yo i sɔ-ɔ.

1 Tɛsalonikfuɛ Mun 5:14

Aniaan mun, e ´srɛ amun kɛ an tu be nga be yo sa sukusuku'n be fɔ, an `wla be nga be anwlɛn sɔ-man'n be yakpa, an `uka be nga be lɛ-man wunmiɛn'n, an `tra amun anwlɛn sran'm be kwlaa be wun .

Hébreu 10:24

Man e bu e wiengu'm be akunndan e wla be fanngan nan be klo bé wun yɛ be yo sran ye.

Hébreu 12:15

An `nian amún wun kpa, nán man ye nga Nyanmiɛn yo sran'n ɔ to fuan sran fi nan klunwi'n i olui'n ɔ'a fɛfɛ-man, yɛ ɔ'a saci-man amun nan ɔ'a sa-man sran kpanngban'n ti .

Hébreu 3:13

Sanngɛ kɛ ɔ ´yo nan b'a laka-man amun nun wie nan ɔ'a yo-man sa tɛ ɔ'a kete-man'n, an `tu amun wun fɔ cɛn'n kwlaa bɔ be tɛ se kɛ: «Ndɛkɛn'n.»

Sa nglô yile 15:4

?Nannan, wan yɛ ɔ sro-man wɔ-ɔ? ?Wan yɛ ɔ bo-man ɔ dunman-an? Afin ɔ kunngba cɛ yɛ ɔ nzuɛn'n nin klɔ sran liɛ'n ti-man kun-ɔn. Nvle-nvlefuɛ'm be kwlaa be wa koto ɔ bo, afin be kwlaa b'a wun kɛ a di jɔlɛ nanwlɛ nun .»

Sa nglô yile 20:12

Yɛ n wunnin be nga be wuli'n, sɛ be lɛ nyrun o, sɛ be lɛ-man nyrun o, be jinjin bia'n nyrun lɛ. Be trɛli fluwa wie'm be nun. Yɛ be trɛli kun ekun nun, i yɛ ɔ ti nguan fluwa nin-ɔn. Be niannin fluwa'm be nun, be wunnin sa nga be bɔ be wuli'm be yoli'n, i su yɛ be jran be dili be jɔlɛ nin-ɔn.