Malasi 3:14 - NYANMIƐN NDƐ'N 1998

¹⁴ Kusu wuun amun ijɔ be se kɛ: ‹?Nyanmiɛn sulɛ'n ti afɛ ngbɛn. ?Kɛ e fali Anannganman i mmla'n su bɔ e trannin awlaboɛ nun'n nguɛ yɛ e nyɛnnin i nun-ɔn?

Malasi 3:14 ပူးပေါင်းရင်းမြစ်များ

Zɔb I Nyrɛnnɛn Wunlɛ 22:17

Be se Nyanmiɛn kɛ: «Fɛ i li sɔ'n kɔ lɔ. ?Nguɛ yɛ a kwla yo man ye-ɔ?»

Zɔb I Nyrɛnnɛn Wunlɛ 34:9

Afin i waan sran i wla b'ɔ fa gua Nyanmiɛn su'n, ɔ yo-man sa fi ye.

Zɔb I Nyrɛnnɛn Wunlɛ 35:3

Ɔ kunngba'n ɔ waan sɛ a yo-man sa tɛ'n, i sɔ'n ɔ yo nzu ye yɛ ɔ man wɔ-ɔ.

Ezai 43:22

Anannganman waan: «Ee! Zakɔb osu'n nunfuɛ mun, nán min yɛ amun kpan flɛli min-ɔn! Afin Izraɛlfuɛ mun, n flannin amun!

Ezai 58:3

Sanngɛ be usa min kɛ: «?Sɛ a nian-man ye'n, wuun srɛ nun kpɛlɛ kpa'n ɔ yo nguɛ ye? ?Nguɛ ti yɛ e ´ci aliɛ-ɔ, sɛ ɔ ndɛ nun-man nun'n?» Yɛ n tɛ be su kɛ: «Kɛ amun ´ci nglɛmun'n, amun klun klo ninnge mun yɛ amun yo be-ɔ. Yɛ amun yo amun junman difuɛ'm be tɛtɛ .

Zeremi 18:12

Sanngɛ be tɛ min su kɛ: «Nán kle ɔ wun yalɛ. Ye akunndan liɛ'n su yɛ e ´fa-a. E liɛ nga e waan e ´yo'n yɛ e ´yo-ɔ.»

Zeremi 2:25

Kɛ n se wɔ kɛ Izraɛl, nian ɔ́ wun, ɔ'a yo-man sɔ-ɔ ɔ́ ja'n kpla, ɔ konviabo'n ɔ ´wu kee'n, a tɛ min su kɛ: ‹Cɛcɛ, be yaci min diin! Aofuɛ mun yɛ n klo be-ɔ. Be su yɛ n ´su-ɔ.›

Zeremi 44:18

Kɛ ɔ fin cɛn bɔ e yacili i sɔ ninnge'm be yolɛ'n, yɛ y'a nyan-man like fi kun, yɛ alɛ'n dili ye-ɔ, yɛ awe'n sɔtɔli e kun lɛ-ɔ.»

Ndɛ Nga Nyanmiɛn I Nuan Ijɔfuɛ Oze Kannin'n 7:16

Ɔ lɛ be sran nga be sa bé sin be bɛ i sin'n, nán min-ɔn. Be ti kɛ ta b'ɔ ti-man kpa'n sa. Bé famiɛn i awlo lɔ sran dandan mun bé nuan nun ndɛ dandan'n ti be ´wu alɛ'n nun, ɔ man be ´fa be kpɛ flɛn Ezipt lɔ.»

Zoɛl 2:12

Anannganman wan yoo: «An `sa amun sin bla mín sin. Kɛ ɔ o yɛ'n, i blɛ nian sin-man. Amun `tu amun klun bla, an `ci nglɛmun, an `sun, yɛ an `kpata min.»

Sofoni 1:12

Blɛ sɔ nun'n, n ´sɔ kannin n ´nian-nian Zerizalɛm i kɔtɔkakɔtɔka nin i longolongo'm be kwlaa be nun. Be bɔ be klun ti-man be, be o lɛ diin kɛ nzan bɔ ɔ'a klo ɔ'a jrɛn i bo'n sa. Be se be wun kɛ: ‹Man e ti sa ke! Anannganman su kwla yo-man like fi! Sa kpa o, sa tɛ o, ɔ kwla-man wie fi yo!› E nin be sɔfuɛ mun e wa yia nun.

Malasi 3:13

Anannganman wan yoo: «Amun wɔ min safle kpɛkuun amun usa kɛ: ‹?Safle sɛ yɛ e wɔli wɔ-ɔ?›

Jacques 4:9

Man amun nyrɛnnɛn'n wlu amún nyin su, an `bo awuyomo, an `sun, yɛ srilɛ nga an sri'n, man ɔ kaci sunlɛ.