Malasi 3:13 - NYANMIƐN NDƐ'N 1998

¹³ Anannganman wan yoo: «Amun wɔ min safle kpɛkuun amun usa kɛ: ‹?Safle sɛ yɛ e wɔli wɔ-ɔ?›

Malasi 3:13 ပူးပေါင်းရင်းမြစ်များ

Zɔb I Nyrɛnnɛn Wunlɛ 15:13

?Nyanmiɛn wun yɛ a fa ya dan nga-a? ?Bɔ i ti yɛ a ijɔ beblebe kɛ nga sa-a?

Zɔb I Nyrɛnnɛn Wunlɛ 40:8

?Sakpa yɛ ɔ waan jɔlɛ nga n di be'n be jɔ-man ɔ klun nin-ɔn? ?ɔ waan a ´bu min fɔ a ´fa kunndɛ ɔ ndɛ fɛ?

Jue Mun 10:11

Ɔ se i anwlɛn'n nun kɛ: «Nyanmiɛn i wla fi ninnge mun. Nyanmiɛn kɛtɛ i nyin, ɔ wun-man like fi mlɔnmlɔn!»

Ezipt Lɔ Tulɛ'n 5:2

Ezipt famiɛn'n tɛli bé su kɛ: «?Wan yɛlɛ Anannganman bɔ mín nyin ko yi i bɔ i ti yɛ m man Izraɛlfuɛ'm be atin kɛ be wɔ-ɔ? N si-man Anannganman, yɛ n su man-man amun atin kɛ amun wɔ.»

Ezai 3:8

Zerizalɛm'n ɔ'a tɔ, Zida'n ɔ'a fin ase. Be nuan nun ndɛ mun nin be nyoliɛ mun be kle kɛ be jaso Anannganman b'ɔ ti famiɛn'n i wun.

Ezai 37:23

?Wan li yɛ a kɛnnin i ndɛ tɛtɛ bɔ a kpɛli i nzowa nin-ɔn? ?Wan yɛ a ´kɛn i ndɛ bɔ a man ɔ nɛn'n su nin-ɔn? ?Wan yɛ a kpɛli i kannglɛ gaan nin-ɔn? ?Izraɛl Nyanmiɛn bɔ fɔ nun-mɛn i wun nin-ɔn, nɛ́n i-ɔ?

Ezai 46:12

Amun bɔ amu'an kete'n, bɔ amun nin nanwlɛ'n amun afiɛn'n ɔ'a ti nun'n, amun `tie ndɛ nga n kan'n.

Ezai 5:19

Be se kɛ: «Man Anannganman ɔ kɛn i wun yo i junman'n ndɛndɛ nan e ´wun i. Man Izraɛl Nyanmiɛn'n i sa b'ɔ jaja be'n, ɔ yia be nuan nan e ´wun be!»

Zeremi 44:18

Kɛ ɔ fin cɛn bɔ e yacili i sɔ ninnge'm be yolɛ'n, yɛ y'a nyan-man like fi kun, yɛ alɛ'n dili ye-ɔ, yɛ awe'n sɔtɔli e kun lɛ-ɔ.»

Zeremi 8:12

Sa tɛtɛ nga be yoli'n, kɛ ɔ `yo be ya'n, nán be-ɔ! Like nga be flɛ i nyannzuɛn'n, be si-mɛn i. I sɔ'n ti kusu sran nga be ´tɔ'n, be nin be yɛ be ´tɔ-ɔ. Blɛ nga e nin be e ´nyɛn i'n, be ´fin ase.»

Ezekiɛl 18:25

Amun se kɛ: ‹Nga Anannganman yo'n ɔ ti-man su.› Izraɛlfuɛ mun, amun `tie. ?Nga n yo i yɛ'n ɔ ti-man su? ?Nán nga amun bɔbɔ amun yo'n yɛ ɔ ti-man su-ɔ?

Ezekiɛl 35:13

Ɔ ijɔlɛ fiaii nun a jasoli mín wun. A kpɛli min nzowa tɛtɛ mun. M bɔbɔ n tili.

Ndɛ Nga Nyanmiɛn I Nuan Ijɔfuɛ Oze Kannin'n 7:16

Ɔ lɛ be sran nga be sa bé sin be bɛ i sin'n, nán min-ɔn. Be ti kɛ ta b'ɔ ti-man kpa'n sa. Bé famiɛn i awlo lɔ sran dandan mun bé nuan nun ndɛ dandan'n ti be ´wu alɛ'n nun, ɔ man be ´fa be kpɛ flɛn Ezipt lɔ.»

Malasi 2:14

Kpɛkuun amun usa kɛ: «?Nan nguɛ sa-a?» Sa ti b'ɔ yo sɔ'n, yɛlɛ amun gbanflɛn nun bla'n i jalɛ nun. I jalɛ nun'n amun tali nda Anannganman nyrun kɛ amun kunndɛ-man bla uflɛ, nan i yɛ ɔ ti amun ukafuɛ-ɔ, nan i yɛ amun wunnin i-ɔ, kpɛkuun amu'an buɛ-mɛn i ndɛ nun kun.

Malasi 2:17

N ´kan kle amun kɛ amun fa amún nuan nun ndɛ'n be kle Anannganman i yalɛ, kpɛkuun amun blu su be usa kɛ yoo: «?Yalɛ sɛ yɛ e kle i-ɔ?» Yalɛ nga amun kle i'n yɛlɛ nga amun kɛn i kɛ yoo: «Sran ng'ɔ yo sa tɛ'n ɔ ti kpa Nyanmiɛn i nyrun. Yɛ i sɔ sran mun yɛ Nyanmiɛn klo be-ɔ.» Ɔ nin nga amun usa ekun kɛ: «?Nyanmiɛn bɔbɔ kpa'n li, ɔ di jɔlɛ?»

Malasi 3:12

Nvle uflɛ nga be o lɛ mun'n be ´se amun kɛ amun liɛ su ti ye! Afin amun mɛn'n nun tranlɛ ɔ wa yo fɛ kpa.» Anannganman b'ɔ sie mɛn wunmuan'n yɛ ɔ kan sɔ-ɔ.

Malasi 3:14

Kusu wuun amun ijɔ be se kɛ: ‹?Nyanmiɛn sulɛ'n ti afɛ ngbɛn. ?Kɛ e fali Anannganman i mmla'n su bɔ e trannin awlaboɛ nun'n nguɛ yɛ e nyɛnnin i nun-ɔn?

Malasi 3:8

Yɛ n ´tɛ amun su kɛ yoo: ‹?Nyanmiɛn i lakalɛ bɔ be lɛkɛ i'n ɔ ti kpa? Sanngɛ kusu amun liɛ'n, amun laka min.› Kpɛkuun amun usa min kɛ yoo: ‹?Lakalɛ sɛ yɛ e laka wɔ-ɔ?› Like nga amun lakalaka min su'n, yɛlɛ ninnge nga amun nyɛn i'n, i blusu'n, ɔ nin like nga amun fa ba min manlɛ'n.

Rɔmfuɛ Mun 9:20

?Ɔ bɔ a usa sɔ'n, a ti ɔ liɛ sɛ bɔ a yiyi Nyanmiɛn nuan nun-ɔn? ?Like nga be fa ufa wu'n, ɔ kwla usɛ i ufuɛ'n kɛ: «Ɔ yo sɛ ti yɛ a wuli n sɔ-ɔ ?»

2 Tɛsalonikfuɛ Mun 2:4

Ɔ ´kpɔ like nga sran'm be bu be Nyanmiɛn be kwlaa nin like nga sran'm be koto bé bo be sɔ be'n be kwlaa, ɔ ´fɛ i ti kplakpla be lele ɔ ko tran Nyanmiɛn i sua'n nun, ɔ ´se kɛ i bɔbɔ yɛ ɔ ti Nyanmiɛn nin-ɔn .