Malasi 3:10 - NYANMIƐN NDƐ'N 1998

¹⁰ Amun ninnge nga amun nyɛn i'n, i ng'ɔ ti i blusu sakpa'n, amun `fa be ko guɛ i mín sua'n nun lɔ, nan nán aliɛ tu lɔ mlɔnmlɔn. Amun `sa min sɔ be nian, sɛ m'an tike-man nyanmiɛn su lɔ anuan'n m'an man-man amun nan m'an man-man amun ninnge kpakpa lele ɔ'a bobo-man amún su cɛ'n, wuun nán min-ɔn.

Malasi 3:10 ပူးပေါင်းရင်းမြစ်များ

Bo Bolɛ 28:22

Yɛbuɛ nga n tɛkɛli i yɛ'n ɔ ´kaci Nyanmiɛn i sɔwlɛ, yɛ like kwlaa ng'ɔ man min'n n ´fɛ i blusu'n m ´mɛn i.»

Bo Bolɛ 7:11

Noe i afuɛ ya nsiɛn'n i anglo nnyɔn'n su i le blu le nso su'n su yɛ nzue ng'ɔ wo asiɛ'n i bo lɔ'n kpukeli-ɔ, yɛ nyanmiɛn su lɔ nzue'n kusu i anuan'n tikeli-ɔ.

2 Famiɛn Mun 7:19

Yɛ sonja'n tɛli Nyanmiɛn sran'n su kɛ: «?Kannzɛ Anannganman kpɛ toklo nyanmiɛn'n su lɔ bɔbɔ'n, i sɔ like'n kwla yo?» Elize kusu tɛli i su kɛ: «Ɔ nyinma'n ɔ ´wun i, sanngɛ ɔ́ nuan su kɛn-mɛn i.»

2 Famiɛn Mun 7:2

Famiɛn'n i sonja'm bé su kpɛn ng'ɔ mantan famiɛn'n kpa'n, b'ɔ famiɛn'n kisɛ i sa su'n, tɛli Nyanmiɛn i sran'n su kɛ: «?Kannzɛ Anannganman kpɛ toklo nyanmiɛn su lɔ bɔbɔ'n, i sɔ like'n kwla yo?» Yɛ Elize seli i kɛ: «Ɔ nyinma'n ´wun i, sanngɛ ɔ́ nuan su kɛn-mɛn i.»

1 Be Nyoliɛ 26:20

Asiza ti Levifuɛ'm be nun kun. Nyanmiɛn i sua'n nun lɔ ninnge kpakpa'n nin ninnge nga be fa man Nyanmiɛn'n, i yɛ ɔ nian be su-ɔ.

Neemi 12:44

I blɛ sɔ nun'n, be sieli sran wie mun kɛ be `nian sua nga be fali ndidiɛ ninnge nga be fa yi sraka'n, nin fie'm bé su mma klikli'n, ɔ nin blusu'm be gua nun'n i su. Nyanmiɛn nyrun jranfuɛ'm be aliɛ nga mmla'n kleli kɛ be man be'n, kɛ be ko fɛ i klɔ'm be su be ba'n, sran nga be sieli be'n be yɛ be sɔ nun yɛ be fa sie i sua'm be nun-ɔn. Yɛ be yɛ be nian su-ɔ. Zidafuɛ'm be klun jɔli junman nga Nyanmiɛn nyrun jranfuɛ mun, nin Levifuɛ'm be dili'n su.

Neemi 12:47

Zorobabɛl nin Neemi be blɛ su'n, Izraɛlfuɛ'm be kwlaa be man jue tofuɛ nin anuan su nianfuɛ'm be like liɛ ng'ɔ fata kɛ be fa man be cɛn kwlakwla'n. Be fa ng'ɔ ti bɔ be sie i ngunmin man Nyanmiɛn'n, be fa man Levifuɛ mun yɛ Levifuɛ'm be kusu be fa ng'ɔ ti Aarɔn osu nunfuɛ'm be liɛ'n be fa man be.

Neemi 13:5

ɔ fali sua ba dan kun mɛnnin i. Sua sɔ'n i nun yɛ be sie ndidiɛ ninnge nga be fa yi sraka'n, nin ansans, nin Nyanmiɛn i sua'n nun kpongbo mun-ɔn. I kunngba'n, i nun yɛ be sie ble, nin nzan lɔflɛ, nin ngo'm be blusu nga be fa man Levifuɛ mun, nin anuan su nianfuɛ mun, nin jue tofuɛ, ɔ nin Nyanmiɛn nyrun jranfuɛ mun nin-ɔn.

Jue Mun 37:3

Fa ɔ́ wla'n guɛ i Anannganman su, yo sa i nuan su. Tran mɛn nga nun wa. Fa nanwlɛ'n yo kɛ wɔ aliɛ sa, di.

Jue Mun 78:23

Sɛ n ´kwla se'n, ɔ kan ndɛ kleli nyanmiɛn ble'n, yɛ ɔ tikeli nyanmiɛn'n b'ɔ la nglo lɔ plaii'n i anuan'n.

Akunndanfuɛ'n 11:3

Kɛ nzue'n ko mlan'n, wuun ɔ su tɔ asiɛ'n su. Sɛ waka kun tɔli mɛn'n i ngua lɔ annzɛ nglo lɔ'n, kan ɔ tɔli lɛ'n, ɔ kɛ i osu'n nun lɛ.

Ezekiɛl 34:26

N ´yaci be lɛ be ´tran min oka'n i wun lɛ. N ´yo man nzue'n ɔ ´tɔ i tɔlɛ blɛ'n nun, yɛ ɔ wa yo be muae like.

Ezekiɛl 44:30

Fie'm be su ninnge klikli'n nga be nyan be'n nin ninnge nga Izraɛlfuɛ'm be yi be anyanbeun ninnge'm be su'n, be ti min nyrun jranfuɛ'm be liɛ. Be ble sanmlɛn'n i kpafuɛ'n, man be fa man be nan n `yo be liɛ ye.

Ndɛ Nga Nyanmiɛn I Nuan Ijɔfuɛ Oze Kannin'n 2:21

Jalɛ nga n ´ja wɔ yɛ'n, n su yra-man wɔ le. Ɔ ´yo nanwlɛ su. N ´klo wɔ, n ´si wɔ aunnvuɛ.

Zoɛl 2:19

Ɔ tɛli be su seli kɛ: «N ´fa ble, nin nzan, ɔ nin ngo m ´blɛ amun ekun, yɛ be ´bobo amún su. N su yaci-man amun lɛ, amun sokpa-man nvle kun nga'm be nyrun kun.

Zoɛl 2:24

Amun ´kpɛ ble'n lele ɔ ´yi amun kple mun. Amún kpankpan nga an gua be nun nzan nin ngo'm be kusu be ´yi wie.

Saun Yolɛ 26:10

Aliɛ'n ɔ ´bobo amún su, nga bɔ amun fa sieli'n, amun ´kwla di i lelee. I kpa'n, amun ´se kɛ amun ´gua laa liɛ'n i blo nan amun fa uflɛfuɛ'n be ´sie i osu.

Saun Yolɛ 26:3

«Sɛ amun fa min mmla'm bé su'n, ndɛ nga n kan n kle amun'n, sɛ amun fa bé su'n,

Saun Yolɛ 27:30

Fie su like nga be tɔn be di'n, ɔ nin waka mma mun'n, sɛ be nyan blu'n, kun ti min liɛ. Ng'ɔ ti min liɛ'n yɛ ɔ o lɛ-ɔ.

Ndɛ Nga Nyanmiɛn I Nuan Ijɔfuɛ Aze Kannin'n 2:19

Ble fi nun-man tanngannin'm be nun kun. ?Ato-ɔ? Vinyi, nin figie, nin grenadie ɔ nin olivie'm b'a su-man mlɔnmlɔn. Sanngɛ kɛ ɔ fin ndɛ'n, n ´yo man amun ´di ye.»

Kalɛ 18:21

Anannganman kan guali su kɛ: «Nian, kalɛ nga n ´fa tua Levifuɛ mun be junman nga be di i tannin sua nun'n ti'n, yɛlɛ blusu bɔ Izraɛlfuɛ'm be yi'n.

Matthieu 6:33

An `dun mmua fa amún wun man Nyanmiɛn man ɔ sie amun, yɛ an `yo i klun sa'n, i sin ɔ wa fa ninnge sɔ'n kwlaa uka su man amun.

Mmla'n 12:6

Amún tɛ nga be yra be nnɛn'n kɔlikɔli'n, nin amun sraka mun, nin amun blusu mun, nin amun fie su ninnge klikli mun, nin nda talɛ nuan ninnge mun, nin amun klun klo ninnge nga amun ´fa man'n, ɔ nin amun nannin mun, nin amun bua mun, nin amun boli mun nnɛn sɔ'm be talua ba mun, lɛ yɛ amun `fa be bla-a.

Mmla'n 14:22

Afuɛ kwlakwla amun `yi amun fie su lɔ ninnge'm be blusu'n.

Mmla'n 14:29

nan Levifuɛ'm bɔ be lɛ-man asiɛ'n wie kɛ amun liɛ'n sa'n, nin aofuɛ nga be sike amun'n, nin aika ba mun, ɔ nin angboti bla nga be o amun klɔ'n su'n, be wa fa wie be `di nan be ku `yi. Nan Anannganman amun Nyanmiɛn'n kusu ɔ'a yo nan like kwlaa nga amun yo'n ɔ'a yo ye'n ti.

Mmla'n 28:12

Anannganman ´tike i ninnge kpakpa'm bé su ´man amun. Ɔ ´tike nyanmiɛn su nzue'n, kpɛkuun kɛ nzue tɔlɛ blɛ'n ɔ ju'n, ɔ ´tɔ i nan ninnge nga amun ´yo be'n be yo ye. Amun ´bo nvle sunman be bosia, sanngɛ amun liɛ'n, amun su usa-man afɛ le.