Malasi 3:1 - NYANMIƐN NDƐ'N 1998

¹ Anannganman b'ɔ sie mɛn wunmuan'n waan: «Amun `nian, n su sunman mín ndolo bofuɛ'n, ɔ ´ba nan ɔ wa bo min nyrun atin'n. Sran nga bɔ amun sun be flɛ i'n, ɔ ´wlu i sua nun-ɔn ɔ ´fu amun nun. Aenguɛ nga e nin amun ye trali'n, mín nuan ijɔfuɛ'n yɛ ɔ wa kan kle amun-ɔn. Be ´nian-an, i yɛ ɔ o yɛ, ɔ su ba !»

Malasi 3:1 ပူးပေါင်းရင်းမြစ်များ

Jue Mun 110:1

Jue nga ti David liɛ. I waan: Anannganman i nuan su ndɛ ng'ɔ kan kleli min Min'n yɛ. Ɔ seli i kɛ yo: «Tran ase mín fama su wa lele man n yi ɔ kpɔfuɛ'm be ase ɔ́ bo nan n `fa be yo ɔ́ ja siesiewlɛ .»

Ezipt Lɔ Tulɛ'n 23:20

«N ´sunman min anz kun, ɔ ´dun mmua amun nyrun yɛ ɔ ´sasa amun atin'n nun. Ɔ ´fa amun trilili ´ju mɛn nga m'an siesie i lɔ m'an sie amun'n nun.

Ezipt Lɔ Tulɛ'n 23:21

Amun `nian amún wun kpa man amún nyin yi i. Nán amun jaso i wun. Ɔ su yaci-man amún nyin kekle'n su cɛ-man amun, afin min yɛ n sunmɛn i-ɔ.

Ezai 40:10

Amun `nian, Anannganman min Nyanmiɛn'n ɔ ba yasua su. I yɛ ɔ sie sran mun-ɔn. Amun `nian, sran'm be akatua'm be wo i sa nun, like nga sran'm be yo'n, i nuan like'n wo i sa nun .

Ezai 63:9

Ɔ deli be nyrɛnnɛn'n b'ɔ o bé su'n i nun. Be nyrɛnnɛn sɔ'n, ɔ kacili i bɔbɔ liɛ wie. I klolɛ'n nin i aunnvuɛ silɛ'n ti'n, i bɔbɔ ɔ kpɔli bé ti. Laa, ɔ niannin be lika, yɛ sɛ n ´kwlaa se'n, ɔ suali be i sa su cɛn'n kwlakwla.

Ezai 7:14

I sɔ'n ti Anannganman bɔbɔ ɔ wa man amun nzɔliɛ kun. Amun `nian, talua'n bɔ si-man bian'n ɔ wa wunnzɛ, ɔ wa wu ba yasua kun. Ɔ ´tɔn i dunman Emaniɛl .

Ezai 9:6

Ɔ ´yo man i sielɛ'n ɔ ´trɛ, yɛ ɔ man fɔundi'n ´tran lɛ tititi. Ɔ ´yo man David i sielɛ'n nin i famiɛn diwlɛ'n be ´yo kpa, yɛ be ´taka. Mmla'n i su falɛ'n nin sa nuan su yolɛ'n, be yo sielɛ sɔ'n nin famiɛn diwlɛ sɔ'n bé bo bia lele yɛ ɔ ´yo kɛ ɔ ´fa yo nin-ɔn. Anannganman b'ɔ sie mɛn wunmuan'n i klolɛ'n ti sa ng'ɔ wa yo'n yɛ ɔ o lɛ-ɔ .

Ndɛ Nga Nyanmiɛn I Nuan Ijɔfuɛ Aze Kannin'n 1:13

Anannganman kannin ndɛ kleli Aze b'ɔ ti sran b'ɔ sunmɛn i'n, yɛ i kusu niannin su kan kleli be-ɔ. I waan: «N jin amún sin, m bɔbɔ min Anannganman yɛ n fua n kle amun sɔ-ɔ.»

Malasi 2:4

Kpɛkuun amun ´wun i wlɛ kɛ, kɛ ɔ ko yo nan aenguɛ nga e nin Levi nin i osu'n nunfuɛ mun e trali'n ɔ'a tran lɛ titi'n, i ti yɛ n fali ndɛ cinnjin nga n juli amun nyrun-ɔn.

Malasi 2:7

Min nyrun jranfuɛ mun yɛ be kle sran'm be ngwlɛlɛ atin nin-ɔn. Min mmla nun ndɛ'n, be yɛ sran'm be wa usa be-ɔ. Afin be ti min Anannganman bɔ n sie mɛn wunmuan'n min nuan ijɔfuɛ.

Matthieu 11:14

Zan sɔ'n yɛ ɔ ti Eli bɔ be kɛnnin i ndɛ kɛ ɔ ´ba nin-ɔn . An lafi i sɔ bɔ be kannin'n su.

JÉSUS-CHRIST I DYASIN FE'N BO LUC KLELI'N 1:76

Bakan, ɔ kusu, be wa flɛ wɔ Nyanmiɛn bɔ like fi nun-mɛn i sin'n i nuan ijɔfuɛ, afin a ´dun mmua e Min'n nyrun a ´siesie i akpɔ'n .

JÉSUS-CHRIST I DYASIN FE'N BO LUC KLELI'N 19:47

Cɛn kwlaa ɔ kle be like Nyanmiɛn i sua'n nun, sanngɛ Nyanmiɛn nyrun jranfuɛ dandan mun nin mmla klefuɛ mun, ɔ nin mɛn kpɛnngbɛn mun be kunndɛ i kunwlɛ.

JÉSUS-CHRIST I DYASIN FE'N BO LUC KLELI'N 2:11

Yɛlɛ kɛ ndɛkɛn David klɔ lɔ'n, b'a wu Defuɛ kun b'a man amun, ɔ ti Krist, ɔ ti e Min .

JÉSUS-CHRIST I DYASIN FE'N BO LUC KLELI'N 2:38

Bla sɔ'n kusu bali lɛ dɔ kunngba sɔ'n su, ɔ manmannin Nyanmiɛn, yɛ ɔ kannin Jésus ndɛ kleli be kwlaa nga be minndɛ kɛ Nyanmiɛn `de Zerizalɛmfuɛ mun'n.

JÉSUS-CHRIST I DYASIN FE'N BO LUC KLELI'N 2:46

Kɛ ɔ dili le nsan'n, be ko wunnin i Nyanmiɛn i sua'n nun Zuif'm be ninnge klefuɛ'm be afiɛn, ɔ tie be ndɛ bɔ be kan'n yɛ ɔ usa be sa.

Sa nga bé yôli'n 19:4

Yɛ Pɔl seli be kɛ: «Zan batɛm b'ɔ yo'n ɔ kle kɛ sran'm b'a kaci be nzuɛn'n. Ɔ seli sran'm be kɛ be lafi sran ng'ɔ wa bɛ i sin'n i su. Sran sɔ'n yɛlɛ Jésus.»

Sa nga bé yôli'n 7:38

I yɛ kɛ e nannan'm be yiali aawlɛ flɛnnɛn nun lɔ'n, ɔ kan ndɛ nga anz'n kan kleli i Sinai Oka'n su lɔ'n kleli be nin-ɔn. I yɛ Nyanmiɛn fɛ i ndɛ wlɛli i nuan kɛ ɔ kan kle amun bɔ lele ndɛ be tɛ di su nin-ɔn .