Malasi 2:9 - NYANMIƐN NDƐ'N 1998

⁹ N kusu n wa yo man Izraɛlfuɛ'm be ´yo amun finfin, be ´gua amún nyin ase, afin amu'an fa-man min atin'n su, amu'an jran-man ndɛ sin, sran sin yɛ amun jran be di ndɛ mun-ɔn.»

Malasi 2:9 ပူးပေါင်းရင်းမြစ်များ

1 Famiɛn Mun 22:28

Yɛ Mise waan: «Sɛ a sa ɔ́ sin ba juejuejue'n, wuun nán Anannganman yɛ ɔ fa ndɛ wlali mín nuan yɛ n kannin-ɔn.»

Zɔb I Nyrɛnnɛn Wunlɛ 32:21

Nán sran sin yɛ n ´jran-an. N su laka-man sran fi.

Nyanndra Mun 10:7

Sran kpa sa'n, i dunman liɛ'n ɔ jaso-man bé nuan'n nun le. Sanngɛ klunwifuɛ'm be dunman liɛ'n, ɔ tɔ nzue nun.

Nyanndra Mun 12:8

Sran kun bɔ be ´klo i sa lɛ'n, ɔ fin i ngwlɛlɛ b'ɔ si i'n. Sran nga kusu b'ɔ fa sinnzin yolɛ'n fa cici i ti'n, bé nyin ci i sɔfuɛ'n.

Ezekiɛl 13:21

N ´titi amun luku'm be nun wie, kpɛkuun n ´de min sran mun amún sa nun. Amun su ta-man be kɛ amún nnɛn sa kun. I liɛ'n, amun wa si jrɛiin kɛ min yɛ n ti Anannganman nin-ɔn.

Ezekiɛl 7:26

Nyrɛnnɛn ´uka nyrɛnnɛn su, kɛ nyrɛnnɛn kun sin'n, wuun uflɛ su i su. Be ´se Nyanmiɛn nuan ijɔfuɛ'm be kɛ be ´wun aolia nun sa mun, sanngɛ ngbɛn-ɔn. Nyanmiɛn nyrun jranfuɛ'm be su wun-man mmla ng'ɔ fata kɛ be kle-ɔ. Be nga be ti klɔ'n su kpɛnngbɛn'n be su wun-man afɔtuɛ kun bɔ be `mɛn i kun-ɔn .

Mise 3:11

sa ti bɔ n flɛ amun'n yɛlɛ kɛ klɔ'n su jɔlɛ difuɛ mun'n, sran ng'ɔ cɛ be like'n, i yɛ be bu i ndɛ'n klanman-an. Nyanmiɛn nyrun jranfuɛ'm be kusu be tannin be kalɛ nan b'a kle Nyanmiɛn i mmla mun. Nyanmiɛn nuan ijɔfuɛ'm be kusu, sɛ be ´kan Anannganman i nuan su ndɛ'n, san b'a tannin be kalɛ. Sanngɛ be yo bé wun kɛ Anannganman su yɛ be lafi sa. Be ko se kɛ: «?Anannganman nin ye o nun kwlaa nin-ɔn, nguɛ sa cɛ yɛ ɔ kwla nyan ye-ɔ ?»

Naɔm 3:6

N ´cuɛn wɔ ase nnɔtiɛ'n nun, n ´sokpa wɔ nan be `tu be `nian wɔ.»

Malasi 2:3

Sɛ amu'an nian-man amún wun kpa'n, n ´nunnun amun osu'n. Kɛ amun ´di be cɛn mun'n, n ´fa nnɛn nga amun fa yi tɛ'n be waka su'n n ´gua amún nyin'n nun. Be ´fa amun nin waka su sɔ'n yɛ be ´kɔ ofuɛ'n su lɔ-ɔ.

Malasi 2:8

Sanngɛ amun ajulisu Nyanmiɛn nyrun jranfuɛ mun'n amu'an fa-man atin kpa sɔ'n su kun, amu'an kle sran sunman be atin tɛ. Amu'an saci aenguɛ nga e nin Levi e trali'n. M bɔbɔ min Anannganman bɔ n sie mɛn wunmuan'n yɛ n kan kle amun-ɔn.

JÉSUS-CHRIST I DYASIN FE'N BO LUC KLELI'N 10:29

Sanngɛ ɔ klo kɛ be bu i sran kpa, i sɔ'n ti ɔ usali Jésus kɛ: «?Wan yɛ ɔ ti n wiengu nin-ɔn?»

JÉSUS-CHRIST I DYASIN FE'N BO LUC KLELI'N 11:42

Amun Farizifuɛ mun, an yako! Yɛlɛ kɛ an yi mant nin ru nin like bɔ an lua be'n kwlaa be blusu'n, sanngɛ an yaci nanwlɛ dilɛ'n, nin Nyanmiɛn klolɛ'n, be yɛ be yolɛ'n ti su nin-ɔn, sanngɛ nán an yaci wie'm be yolɛ .

Galasifuɛ Mun 2:6

Be nga be ti be nun kpakpa'n, sɛ be ti sɛ be ti sɛ laa o, nán min ndɛ-ɔ, afin Nyanmiɛn liɛ'n ɔ nian-man sran nyrun yɛ ɔ yo i sa liɛ nin-ɔn. Be kpakpa sɔ'm be liɛ'n, b'a se-man n kɛ n yo like uflɛ fi .

Mmla'n 1:17

Nán amun nian sran'm be nyrun be bu ndɛ. Amun `tie sran ng'ɔ lɛ-man nyrun'n i ndɛ'n kɛ amun fa tie sran dan'n i liɛ'n sa. Nán amun yo srongble. Nyanmiɛn dunman nun yɛ amun di ndɛ mun-ɔn. Ndɛ nga amun nian nan amun kwlɛ-mɛn i di'n, amun wa `kan kle min.

1 Samiɛl 2:30

I sɔ'n ti, min Anannganman bɔ n ti Izraɛlfuɛ'm be Nyanmiɛn'n, min waan: ‹Laa n seli kɛ wɔ awlo'n, ɔ nin wɔ akpasua'n be ´jran min nyrun be ´yi tɛ tititi.› Sanngɛ siɛn'n, min Anannganman, min waan: ‹Ɔ su yo-man sɔ kun, afin be nga be bu min sran'n, m ´bu be sran. Sanngɛ be nga be yo min finfin'n, be ´wun nyannzuɛn.