Malasi 2:7 - NYANMIƐN NDƐ'N 1998

⁷ Min nyrun jranfuɛ mun yɛ be kle sran'm be ngwlɛlɛ atin nin-ɔn. Min mmla nun ndɛ'n, be yɛ sran'm be wa usa be-ɔ. Afin be ti min Anannganman bɔ n sie mɛn wunmuan'n min nuan ijɔfuɛ.

Malasi 2:7 ပူးပေါင်းရင်းမြစ်များ

2 Famiɛn Mun 16:11

Yɛ Iri b'ɔ ti Nyanmiɛn nyrun jranfuɛ'n niannin sraka yiwlɛ nga kɛ Akaz o Damas lɔ'n ɔ klɛli i wun ndɛ blɛli i'n su kplannin sraka yiwlɛ kun sɛsɛsɛ kɛ ng'ɔ o lɛ'n sa. Ɔ wieli i kplan nan Akab ɔ'a fin Damas ɔ'a ba.

2 Famiɛn Mun 16:16

Iri b'ɔ ti Nyanmiɛn nyrun jranfuɛ'n niannin i kwlaa nga famiɛn Akaz kannin'n su yoli.

2 Be Nyoliɛ 30:22

Levifuɛ nga be tuli be klun be dili Anannganman i junman'n, Ezekias yoli be mo. Sran'm be dili cɛn dilɛ aliɛ'n lele cɛn ba nso. Kɛ ɔ ´yo sɔ'n, wuun be ´yi bo kun yolɛ'n i su tɛ mun, wuun be ´to jue be manman Anannganman b'ɔ ti be nannan'm be Nyanmiɛn'n.

2 Be Nyoliɛ 31:4

Famiɛn'n seli Zerizalɛmfuɛ'm be kwlaa kɛ be fa like ng'ɔ ti Nyanmiɛn nyrun jranfuɛ mun nin Levifuɛ'm be liɛ'n man be, kɛ ɔ ´yo nan b'a fa bé wun b'a man junman nga Anannganman i mmla'n kleli'n i ngunmin'n ti.

Ɛsdras 7:10

Ɛsdras sin bɔ Nyanmiɛn'n ´jran'n yɛlɛ kɛ ɔ nian nun suan Anannganman i mmla'n, yɛ ɔ fa su, yɛ ɔ kle Izraɛlfuɛ mun.

Ɛsdras 7:25

Ɛsdras, wɔ kusu Nyanmiɛn i ngwlɛlɛ'n wo ɔ́ nun. Nian su sie jɔlɛ difuɛ mun, ɔ nin mmla su nianfuɛ mun. Be kwlaa nga be o Efrat'n sin lɔ'n, bɔ be si Nyanmiɛn mmla'n, man be jran su di be jɔlɛ. Be nga be si-mɛn'n be kusu, kle be.

Nyanndra Mun 5:2

I liɛ'n akunndan nga m man wɔ'n ɔ ´ka ɔ́ ti'n nun, yɛ a ´si ijɔ.

Akunndanfuɛ'n 5:5

Nán kan ndɛ tɛ ng'ɔ ko fa wɔ ko wla sa tɛ nun'n, kɛ ɔ ´yo nan ɔ'a mian-man ɔ́ sa nan w'a se-man Nyanmiɛn nyrun jranfuɛ'n kɛ nán ɔ nyinfu'n ti. Sɛ ɔ'a yo-man sɔ-ɔ, ɔ ijɔlɛ sakasaka sɔ'n ti, Nyanmiɛn ´fa ɔ wun ya kpɛkuun ɔ ´saci ɔ́ sa nun ninnge'm be ngba .

Ezai 42:19

?Wan yɛ ɔ ti anyansifuɛ-ɔ? San min sufuɛ'n cɛ yɛ ɔ ti sɔ-ɔ. ?Wan yɛ ɔ ti sutrefuɛ-ɔ? San min jasin bofuɛ'n bɔ n sunmɛn i'n yɛ ɔ ti sɔ-ɔ? «?Wan yɛ ɔ ti anyansifuɛ kɛ sran nga i wun ɔ'a jɔ i'n sa-a? ?Wan yɛ ɔ ti anyansifuɛ kɛ Anannganman i sufuɛ'n sa-a?»

Ezai 44:26

Ndɛ nga min sufuɛ'm be kan'n, n jran su. Yɛ sa nga min sunmanfuɛ'm be jaja'n, n yiɛ i nuan.» N se kɛ: «Sran'm be ´tran Zerizalɛm klɔ'n nun ekun.» Yɛ n se ekun kɛ: «Zida klɔ'm be kusu, be ´kplan be uflɛ.» M ´man be talɛ nga be bubuli'n be su ekun.

Zeremi 15:19

Anannganman'n tɛli su kɛ yoo: «Sɛ a sa ɔ sin ba min wun'n, n ´fa wɔ n ´sie ɔ osu laa'n nun. Sɛ a sie like ng'ɔ ti kpa nin ng'ɔ ti-man kpa'n be afiɛn ngbaciɛ'n, wɔ yɛ a ´kan min nuan ndɛ-ɔ. Zidafuɛ'm be yɛ be ti bɔ be sa bé sin ɔ wun-ɔn. Nán wɔ yɛ a ti bɔ a sa ɔ sin bé wun-ɔn.

Zeremi 18:18

Be wie'm be se kɛ: «An man e cici Zeremi i wun ndɛ, afin i kunngba'n ti man Nyanmiɛn nyrun jranfuɛ'n su wie-man nan se kɛ mmla'n ´ka lɛ mlin. Ngwlɛlɛfuɛ'm be kusu be su wie-man nan se kɛ e su nyan-man afɔtuɛ manfuɛ kun. Nyanmiɛn nuan ijɔfuɛ'm be su wie-man nan se kɛ e su ti-man Nyanmiɛn nuan ndɛ'n kun. Man e saci i wun. Sɛ ɔ kan ndɛ siɛn'n, nán e sie é su kun.»

Zeremi 2:8

Nyanmiɛn nyrun jranfuɛ'm b'a usa-man kɛ: ‹?Anannganman kpa'n wo nin?› Be bɔ mmla'n wo bé sa nun'n, b'a si-man min. Amun su kpɛnngbɛn'm be jasoli mín wun. Nyanmiɛn nuan ijɔfuɛ'm be yoli Baal nuan ijɔfuɛ. Like nga be yo-man like fi ye'n, bé wun yɛ be fali bé wun mantannin-ɔn.

Ezekiɛl 22:26

Be sraka yifuɛ'm be fɔn min mmla mun, yɛ be bu-man lika nga be ti n liɛ klonglo'n be like fi. Be si-man like ng'ɔ ti n liɛ klonglo'n nin ng'ɔ ti-man n liɛ mlɔnmlɔn'm be ngbaciɛ. Be kle-man sran'm be like ng'ɔ ti saun'n nin ng'ɔ ti-man saun'n be ngbaciɛ. Be nyinfu be di-man min wunmiɛn-delɛ-cɛn'n su. Yɛ sran fi nyin yi-man min. Anyinyiɛ ng'ɔ fata kɛ be fa man min'n, be fa man-man min.

Ezekiɛl 7:26

Nyrɛnnɛn ´uka nyrɛnnɛn su, kɛ nyrɛnnɛn kun sin'n, wuun uflɛ su i su. Be ´se Nyanmiɛn nuan ijɔfuɛ'm be kɛ be ´wun aolia nun sa mun, sanngɛ ngbɛn-ɔn. Nyanmiɛn nyrun jranfuɛ'm be su wun-man mmla ng'ɔ fata kɛ be kle-ɔ. Be nga be ti klɔ'n su kpɛnngbɛn'n be su wun-man afɔtuɛ kun bɔ be `mɛn i kun-ɔn .

Daniɛl 11:33

Nvle'n nun ngwlɛlɛfuɛ'm be ´kle sran kpanngban be like. Blɛ kaan sa nun'n, sran wie'm be ´kun wie mun, be ´yra wie mun, yɛ be ´wla wie'm be bisua. Kwlaa nan b'a yo be sɔ'n, be ´dun mmua fɛn bé bo ninnge mun.

Ndɛ Nga Nyanmiɛn I Nuan Ijɔfuɛ Oze Kannin'n 4:6

Min sran'm be su wu, silɛ bɔ be si-man min'n ti be su wu. Ɔ kusu ɔ liɛ'n, a yili min ase. Silɛ nga a si min laa'n, a si-man min sɔ kun. I sɔ'n ti kusu m'an yi wɔ ase, a su yo-man min nyrun jranfuɛ kun. Mmla nga n kleli wɔ bɔ ɔ́ wla fili be su'n ti, min kusu n su kplin-man su kɛ ɔ mma'm be yo min nyrun jranfuɛ.

Saun Yolɛ 10:11

Yɛ mmla nga bɔ n kleli Moiz'n, bɔ i kusu ɔ kleli amun'n, i blɛ nga bɔ sɛ amun wa ´kan kle Izraɛlfuɛ mun'n, nán amún nuan kan nzan ng'ɔ bo'n i wie fi.»

Sofoni 3:4

I su Nyanmiɛn nuan ijɔfuɛ mun'n, be kwla lafi-man bé su fa-man like wla-man be sa nun kɛ be `yo, be yo-man like nga be kle be'n. I su Nyanmiɛn nyrun jranfuɛ'm be yo Nyanmiɛn i ninnge'm be finfin. Be fa-man mmla'n su .

Ndɛ Nga Nyanmiɛn I Nuan Ijɔfuɛ Aze Kannin'n 1:13

Anannganman kannin ndɛ kleli Aze b'ɔ ti sran b'ɔ sunmɛn i'n, yɛ i kusu niannin su kan kleli be-ɔ. I waan: «N jin amún sin, m bɔbɔ min Anannganman yɛ n fua n kle amun sɔ-ɔ.»

Zakari 7:3

Be waan be ´usa Nyanmiɛn nyrun jranfuɛ nin Nyanmiɛn nuan ijɔfuɛ nga be tran Anannganman b'ɔ sie mɛn wunmuan'n i sua'n nun'n be kɛ: «?Sunlɛ nga e sun i anglo nnun'n su'n, ɔ nin nglɛmun nga e ci bɔ e sɔ i yolɛ lele ɔ'a fa ju ndɛ yɛ'n, e ´yo sɔ tititi?»

Malasi 3:1

Anannganman b'ɔ sie mɛn wunmuan'n waan: «Amun `nian, n su sunman mín ndolo bofuɛ'n, ɔ ´ba nan ɔ wa bo min nyrun atin'n. Sran nga bɔ amun sun be flɛ i'n, ɔ ´wlu i sua nun-ɔn ɔ ´fu amun nun. Aenguɛ nga e nin amun ye trali'n, mín nuan ijɔfuɛ'n yɛ ɔ wa kan kle amun-ɔn. Be ´nian-an, i yɛ ɔ o yɛ, ɔ su ba !»

Kalɛ 27:21

Sanngɛ man i bɔbɔ wɔ min nyrun jranfuɛ Eleazar sin. I yɛ ɔ wa fa like nga be fa si min klun sa'n ´fa usa min klun sa mun ´mɛn i-ɔ. Zozie nin Izraɛlfuɛ'm be kwlaa be `fɛ i nuan ndɛ'n su sa kwlaa nun.»

Jean 13:20

Nanwlɛ, sran ng'ɔ ko sɔ sran nga n sunmɛnnin i nun'n, wuun ɔ'a sɔ min nun, yɛ sran ng'ɔ sɔ min nun'n, ɔ'a sɔ sran ng'ɔ sunmannin min'n i nun.

Jean 20:21

Yɛ ɔ seli be ekun kɛ: «Man amun wun jɔ amun fɔuun! Kɛ n Si fa sunmannin min'n, n kusu n ´fa sunman amun sɔ.»

Sa nga bé yôli'n 16:17

Ɔ su e nin Pɔl e su, ɔ kpan se kɛ: «Minniɛn nga'm be ti Nyanmiɛn bɔ like fi nun-mɛn i sin'n i sran mun, be su kan sa nga be yo nan b'a nyan bé ti'n i ndɛ kle amun.»

2 Korɛntfuɛ Mun 5:20

Ɔ man e ti Krist i ja nun jranfuɛ, ndɛ nga Nyanmiɛn klo kɛ ɔ ´kan kle amun'n, i bɔbɔ fa wla é nuan, ɔ man e ´srɛ amun Krist dunman nun, man Nyanmiɛn siesie amun nin i bɔbɔ amun afiɛn.

Galasifuɛ Mun 4:14

An fɛli dan min wunnɛn b'ɔ yoli n ya'n ti, sanngɛ m'an yo-man amun kain, amu'an yi-man min blo, an sɔli min nun kɛ Nyanmiɛn i anz sa annzɛ kɛ Krist-Jésus bɔbɔ sa.

Mmla'n 21:5

Kpɛkuun man Nyanmiɛn nyrun jranfuɛ bɔ be ti Levi i osu nunfuɛ mun'n be bla. Afin be yɛ Anannganman amun Nyanmiɛn'n ɔ kpali be kɛ be su i nan be yra sran'm be nguan i dunman nun nin-ɔn. Sɛ akplowa tɔ'n, annzɛ sɛ be yo sran wie like'n, be yɛ be ´kɛn i nun ndɛ nin-ɔn.

Mmla'n 24:8

Like nga Nyanmiɛn nyrun jranfuɛ bɔ be ti Levifuɛ'm be kle amun kɛ sɛ kokowe yo amun-ɔn, amun `yo'n, man ɔ yo amun cinnjin. Nga n kan kleli be'n, amun `nian su yo.

1 Tɛsalonikfuɛ Mun 4:8

I sɔ'n ti, sran ng'ɔ fa-man ndɛ sɔ su'n, nán sran yɛ ɔ'a bu-mɛn i sran-an, Nyanmiɛn b'ɔ fɛli i Wawɛ'n mannin amun'n yɛ ɔ'a bu-mɛn i sran-an.

1 Samiɛl 2:17

Eli i mma'm be aeliɛ tɛtɛ nga be yo i Anannganman i nyrun'n yɛ ɔ o lɛ-ɔ. Ɔ ti-man kpa mlɔnmlɔn, afin be yo ninnge nga be fa man Anannganman'n i finfin.