Malasi 2:3 - NYANMIƐN NDƐ'N 1998

³ Sɛ amu'an nian-man amún wun kpa'n, n ´nunnun amun osu'n. Kɛ amun ´di be cɛn mun'n, n ´fa nnɛn nga amun fa yi tɛ'n be waka su'n n ´gua amún nyin'n nun. Be ´fa amun nin waka su sɔ'n yɛ be ´kɔ ofuɛ'n su lɔ-ɔ.

Malasi 2:3 ပူးပေါင်းရင်းမြစ်များ

1 Famiɛn Mun 14:10

I sɔ'n ti, n ´fa nyrɛnnɛn n ´to yi i wɔ awlo'n su. N ´nunnun ɔ osu'n nun sran'm be ngba. Ɔ osu'n nunfuɛ nga be ti kanga o, nga be ti diewa o, n ´nunnun be ngba Izraɛl nvle'n nun. N ´nunnun ɔ osu'n kɛ wla yɛ b'a kuankuan sa.

Zɔb I Nyrɛnnɛn Wunlɛ 20:7

i awieliɛ'n ɔ ´wie i kɛ i bɔbɔ i sewie'n sa. Kpɛkuun be nga be si i laa'n, be ´usa kɛ: «?Ɔ o nin li?»

Jue Mun 47:5

Ɔ kpali e lika b'ɔ ti e aja like'n mannin ye. Lika sɔ'n, ɔ ti e bɔ e ti Zakɔb i nvle'n nunfuɛ bɔ Nyanmiɛn klo ye'n e anyrunnyan like .

Jue Mun 83:10

Kle be nun kɛ a fa kleli Sizɛra nin Zabɛn be nun Kizɔn nzue ba'n i nuan lɔ'n sa. Kle be nun kɛ a kleli Madianfuɛ'm be nun sa .

Ezipt Lɔ Tulɛ'n 29:14

Fa nannin i nnɛn ba'n nin i kplo'n, ɔ nin i klun ninnge'n, fa be kɔ nanmue'n i sin lɔ nan ko yra be. Ɔ ti tɛ kun b'ɔ tu min nyrun jranfuɛ'm bé sa tɛ mun .

Zeremi 8:2

Be ´fa be yi gua'n su, wia'n i bo. Anglo nin nzraama'm be ´ta be su. Afin be kloli ninnge sɔ mun, be suli be, be suli be su, be fali bé wun mantannin be, be kotoli bé bo. Be su yiayia-man be owie sɔ'm be su. Be su sie-man be ndia nun. Be ´kaci kɛ angrɛ yɛ b'a fa guɛ i asiɛ'n nun sa.

Zoɛl 1:10

Fie'm b'a saci, asiɛ'n ɔ'a di amlan, afin be nyan-man ble kun, be nyan-man vinyi mma nzue kun, ngo sɛ'n nun ɔ'a wu kee.

Zoɛl 1:17

Ninnge nga be luali'n, be kplɔli asiɛ'n nun. Ble'n ɔ'a wie, tanngannin'm b'a ka ngbɛn, like siewlɛ'm b'a saci.

Saun Yolɛ 26:16

sa nga n ´fa wla amun nun'n yɛ o yɛ: sa sroesroe mun bɔ be kun srɛ'n, ɔ nin nzisi koklo'n, ɔ nin ayrɛ ng'ɔ gua bé wun'n yɛ n ´to n yi amún su-ɔ. I sɔ ninnge liɛ mun'n, be man sran'n ɔ tu i ba nun, yɛ be man ngokoɛ ɔ kun i. Amun ´di fie ngbɛn, san be nga be nin amun be kun'n, be yɛ be ´fɛ i su ninnge'm be ´di-ɔ.

Naɔm 3:6

N ´cuɛn wɔ ase nnɔtiɛ'n nun, n ´sokpa wɔ nan be `tu be `nian wɔ.»

Malasi 2:9

N kusu n wa yo man Izraɛlfuɛ'm be ´yo amun finfin, be ´gua amún nyin ase, afin amu'an fa-man min atin'n su, amu'an jran-man ndɛ sin, sran sin yɛ amun jran be di ndɛ mun-ɔn.»

JÉSUS-CHRIST I DYASIN FE'N BO LUC KLELI'N 14:35

Sɛ be guɛ i asiɛ wun o, sɛ be guɛ i nnɛn waka su nun o, be kwla fa yo-man like fi, blo yɛ be guɛ i-ɔ. Man sran ng'ɔ si fa sie'n, fa sie!

1 Korɛntfuɛ Mun 4:13

Be saci e dunman-an e tɛ-man su. Sran'm be nyrun y'a kaci kɛ wla sa, e ti kɛ bé ja bo fa sa, lele ndɛ be tɛ bu ye sɔ.

Mmla'n 28:38

Amun ´di fie dandan, sanngɛ lalo'm be wie i nun ninnge'm be ´di. Like nga amun ´nyɛn i fie sɔ'm be su'n, ɔ ´yo kaan sa .