Malasi 2:17 - NYANMIƐN NDƐ'N 1998

¹⁷ N ´kan kle amun kɛ amun fa amún nuan nun ndɛ'n be kle Anannganman i yalɛ, kpɛkuun amun blu su be usa kɛ yoo: «?Yalɛ sɛ yɛ e kle i-ɔ?» Yalɛ nga amun kle i'n yɛlɛ nga amun kɛn i kɛ yoo: «Sran ng'ɔ yo sa tɛ'n ɔ ti kpa Nyanmiɛn i nyrun. Yɛ i sɔ sran mun yɛ Nyanmiɛn klo be-ɔ.» Ɔ nin nga amun usa ekun kɛ: «?Nyanmiɛn bɔbɔ kpa'n li, ɔ di jɔlɛ?»

Malasi 2:17 ပူးပေါင်းရင်းမြစ်များ

Zɔb I Nyrɛnnɛn Wunlɛ 34:17

?Sran ng'ɔ klo-man nanwlɛ dilɛ mlɔnmlɔn'n, ɔ sie mɛn-ɔn ɔ yo ye? ?Kɛ be se sɔ'n ti'n, a ´bu sran b'ɔ ti sran kpa dan'n i fɔ?

Zɔb I Nyrɛnnɛn Wunlɛ 34:36

Kɛ bɔ i ijɔwa'n ɔ ti kɛ sa tɛ yofuɛ'm be liɛ'n sa'n ti'n, ɔ fata kɛ ɔ wun nyrɛnnɛn ju i juwlɛ.

Zɔb I Nyrɛnnɛn Wunlɛ 36:17

Siɛn'n sran nga be bu-man Nyanmiɛn like fi'n be jɔlɛ dilɛ kunngba i akunndan yɛ a bu-ɔ. Ɔ jɔlɛ dilɛ'n nin ɔ fɔ bulɛ'n b'a tɔ ɔ su.

Zɔb I Nyrɛnnɛn Wunlɛ 9:24

Sɛ sran nga be bu-man Nyanmiɛn like fi'n be nun wie kle mɛn kun nunfuɛ'm be yalɛ'n, Nyanmiɛn kata jɔlɛ difuɛ'm bé nyin. ?Afin sɛ nɛ́n i'n, wuun waan-an?

Akunndanfuɛ'n 8:11

Kɛ be ka-man bé ja nun lɛ be tu-man sran ng'ɔ yo sa tɛ'n i fɔ kɛ ɔ nin i fata'n sa'n, i ti yɛ sa tɛ yolɛ'n i akunndan'n wo sran'm be anwlɛn'n nun b'ɔ wie-man le nin-ɔn.

Ezai 1:14

Amun anglo le kun cɛn mun nin amun cɛn uflɛ nga amun di be'n, be yo min tɛ, be ti kɛ trɔ sa, be ti min, n kwla-man bé bo suan kun .

Ezai 29:15

Sran nga be fa be ninnge nga be siesie kɛ be ´yo be'n be fia Anannganman wun'n, be yako! Be yo bé sa mun aosin'n nun. Be ko se kɛ: «?Wan li yɛ ɔ wun ye-ɔ? ?Wan li yɛ ɔ si ye-ɔ?

Ezai 30:18

I sɔ'n ti, Anannganman'n sunnzun kɛ ɔ ´yo amun ye, i waan ɔ ´si amun aunnvuɛ. Afin Anannganman ti Nyanmiɛn kun b'ɔ yo sa i nuan su. Be kwlaa bɔ be fa bé wla guɛ i su'n, be liɛ su ti ye .

Ezai 43:22

Anannganman waan: «Ee! Zakɔb osu'n nunfuɛ mun, nán min yɛ amun kpan flɛli min-ɔn! Afin Izraɛlfuɛ mun, n flannin amun!

Ezai 43:24

Nán kɛ amun fali amun sika toli like fanninfannin mannin min-ɔn. Nán kɛ amun fali amun tɛ'm be nnɛn'm be lui'n mannin min n dili-ɔ. Sanngɛ amún sa tɛ bɔ amun yoli'n be ti, m miannin sa fii, amun fɔnlɛ bɔ amun fɔnnin'n, ɔ kleli min yalɛ kpa.

Ezai 7:13

Nan Ezai ɔ'a se i kɛ: «Wɔ bɔ a nin wɔ awlofuɛ mun amun ti David i osu'n nunfuɛ mun'n, amun `sie amún su! ?Kɛ amun yo bɔ sran'm be di amlin lele be fɛ'n, i sɔ yolɛ'n ɔ ju-man amun, yɛ amun waan amun ´yo nan min Nyanmiɛn'n ɔ `fɛ amlin dilɛ nun ekun-ɔn?

Zeremi 12:1

Anannganman, a ti sɛsɛ ngboko. Kɛ e nin wɔ e `si akplowa'n, ɔ ti-man su. Sanngɛ n waan e nin wɔ e ´koko sa nga a yo i nuan su'n i wun yalɛ. Kɛ ajalɛ nga klunwifuɛ'm be tu'n ɔ yo ye man be'n, n wun-mɛn i wlɛ. Kɛ be nga be yaci wɔ atin'n lɛ be fa uflɛ'n be ti be tilɛ lɛ cɛ'n, n wun-mɛn i wlɛ.

Zeremi 15:6

Anannganman'n waan: «A yili min ase. A kacili ɔ sin sili min. Yɛ n kusu e nin wɔ e yiali nun-ɔn. Yɛ n nunnunnin wɔ-ɔ, afin kɛ n ko si wɔ aunnvuɛ'n yɛ n sili-ɔ.

Zeremi 17:15

Sran'm be se min kɛ: «?Nyrɛnnɛn nga Anannganman kɛnnin i ndɛ'n, ɔ yo sɛ ti yɛ i nuan yia-man-an? Man ɔ ju nan e nian e!»

Zeremi 44:22

?Nán amun aeliɛ tɛ sɔ'n nin amun tete sa sɔ'm be ti yɛ Anannganman nin amun b'a sɔn-man yɛ man amun mɛn'n boli bɔ ɔ'a saci mlɔnmlɔn nin-ɔn? ?Nán sa sɔ'm be ti yɛ man ɔ'a tɔ nvati andɛ lɛ-ɔ?

Ezekiɛl 16:43

Ɔ wla ɔ'a kpɛn-man nga n yo m mannin wɔ i nun bɔ a tɛ yo kaan'n i su, yɛ a kunnin min ya wɔ aeliɛ'm be nun. I sɔ'n ti n wa yo a wa sua ɔ́ sa tɛ'n i su afɛ'n. Min Anannganman Nyanmiɛn'n yɛ n kan sɔ-ɔ. ?Kɛ a ´yo tete sa sɔ mun'n, w'a yo-man nyannzuɛn sa uflɛ mun ekun?»

Ezekiɛl 18:25

Amun se kɛ: ‹Nga Anannganman yo'n ɔ ti-man su.› Izraɛlfuɛ mun, amun `tie. ?Nga n yo i yɛ'n ɔ ti-man su? ?Nán nga amun bɔbɔ amun yo'n yɛ ɔ ti-man su-ɔ?

Ezekiɛl 8:12

Nyanmiɛn usali min kɛ: «?Klɔ sran, a wun like nga Izraɛl kpɛnngbɛn'm be fia bé sua ba nga be sie be amuɛn'm be nun'n be nun be yo'n? Afin be ndɛ nga be kan'n yɛ: ‹Anannganman wun-man ye, Anannganman'n nin i nvle'n be nun-man nun kun.› »

Ezekiɛl 9:9

Ɔ tɛli min su kɛ: «Izraɛlfuɛ mun nin Zidafuɛ'm bé sa tɛ'n ɔ'a yo dan kpa. Mɛn'n i lika'n kwlaa nun ɔ ti sran kunlɛ'n bɔ cɛ. Be yo-man sa ng'ɔ ti i nuan su'n kun klɔ'n nun. Afin be ndɛ nga be kan'n yɛlɛ kɛ: ‹Anannganman'n nin e mɛn'n nun-man nun kun. Anannganman'n wun-man ye.

Amɔs 2:13

N ´wɛtɛ amun mín ja bo kɛ kakaklolo nga b'a gua nun ble ɔ'a yi bɔ be kɛ ɔ kɔ'n, wuun asiɛ'n wɛtɛ'n sa.

Sofoni 1:12

Blɛ sɔ nun'n, n ´sɔ kannin n ´nian-nian Zerizalɛm i kɔtɔkakɔtɔka nin i longolongo'm be kwlaa be nun. Be bɔ be klun ti-man be, be o lɛ diin kɛ nzan bɔ ɔ'a klo ɔ'a jrɛn i bo'n sa. Be se be wun kɛ: ‹Man e ti sa ke! Anannganman su kwla yo-man like fi! Sa kpa o, sa tɛ o, ɔ kwla-man wie fi yo!› E nin be sɔfuɛ mun e wa yia nun.

Malasi 2:14

Kpɛkuun amun usa kɛ: «?Nan nguɛ sa-a?» Sa ti b'ɔ yo sɔ'n, yɛlɛ amun gbanflɛn nun bla'n i jalɛ nun. I jalɛ nun'n amun tali nda Anannganman nyrun kɛ amun kunndɛ-man bla uflɛ, nan i yɛ ɔ ti amun ukafuɛ-ɔ, nan i yɛ amun wunnin i-ɔ, kpɛkuun amu'an buɛ-mɛn i ndɛ nun kun.

Malasi 3:8

Yɛ n ´tɛ amun su kɛ yoo: ‹?Nyanmiɛn i lakalɛ bɔ be lɛkɛ i'n ɔ ti kpa? Sanngɛ kusu amun liɛ'n, amun laka min.› Kpɛkuun amun usa min kɛ yoo: ‹?Lakalɛ sɛ yɛ e laka wɔ-ɔ?› Like nga amun lakalaka min su'n, yɛlɛ ninnge nga amun nyɛn i'n, i blusu'n, ɔ nin like nga amun fa ba min manlɛ'n.

Mmla'n 32:4

I yɛ ɔ ti kɛ yɛbuɛ sa i yɛ n talo i-ɔ, sa ng'ɔ yo be'n be ti kpa lele tra su. I atin'm be ti seiin. Ɔ ti Nyanmiɛn kun b'ɔ kaci-man, ɔ di-man ndɛ kwlɛ. Ɔ yo sa'n i nuan su sɛsɛsɛ, ɔ di nanwlɛ.

1 Samiɛl 2:3

Man be yaci ndɛ dandan'm be kanlɛ beblebe'n! Man be yaci ndɛ tɛtɛ'm be kanlɛ, afin Anannganman ti Nyanmiɛn kun b'ɔ si sa'n ngba, yɛ sɛ n ´kwla se'n, ɔ sunnzun sa'n kwlaa i toe'n su.