Malasi 2:12 - NYANMIƐN NDƐ'N 1998

¹² Sran ng'ɔ yo i sɔ sa'n, nán Anannganman mɛn i atin man ɔ nyan Zakɔb i osu'n nun sran nan ɔ jrɛn i sin, wie kusu-ɔ, nán ɔ ko jrɛn i nuan yi tɛ man Anannganman b'ɔ sie mɛn wunmuan'n.

Malasi 2:12 ပူးပေါင်းရင်းမြစ်များ

1 Be Nyoliɛ 25:8

Be siesieli be junman'n i dilɛ cɛn mun, i ti be tuli fɔtɔ. I kpɛnngbɛn o, i bakan o, i sran ng'ɔ si jue to kpa o, i ng'ɔ tɛ suan o, be tuli fɔtɔ yɛ be fa siesieli be kwlakwla-a.

Ezai 61:8

Afin min Anannganman n klo sa nga be yo i i nuan su'n. N ciliɛ yɛlɛ awie'n nin sa tɛtɛ'm be yolɛ'n. Like nga amun yo'n, m ´man amun i ti akatua ng'ɔ nin i fata'n. E nin amun e ´tra aenguɛ kun b'ɔ ti anannganman.»

Ezai 66:3

Sran ng'ɔ kun nannin fa yi tɛ'n, ɔ ti kɛ ɔ'a kun sran sa. Sran ng'ɔ kpɛ bua kɔmin'n, ɔ ti kɛ ɔ'a fin alua kɔmin sin like ɔ'a kun i sa. Sran ng'ɔ fa ble sanmlɛn yi sraka'n, ɔ ti kɛ ɔ'a fa kɔkɔti mmoja a yi sraka sa. Sran ng'ɔ yra ansans'n, ɔ ti kɛ ɔ su yɛyɛ amuɛn sa. Kɛ bɔ sran sɔ'm be waan atin ng'ɔ o lɛ'n yɛ be ´fa'n, kɛ bɔ tete sa'm be yolɛ'n yɛ ɔ yo be fɛ'n,

Ezekiɛl 14:10

Min nuan ijɔfuɛ sɔ'n nin sran ng'ɔ bali i sa usalɛ'n, be nnyɔn'm be ´fɛ bé sa tɛ nga be yoli'n i su afɛ'n, afin be nnyɔn'n be fɔnnin.

Ezekiɛl 24:21

‹Se Izraɛlfuɛ'm be kɛ: Anannganman seli min kɛ: Min tranwlɛ bɔ amun fa di amun nuan'n, bɔ amun wun i-ɔ, amun klun jɔ'n, bɔ amún wla o su'n n wa yo man ɔ yo fiɛn. Amun mma yasua mun nin amun mma bla nga be kali Zerizalɛm lɔ'n, be ´kun be.

Ndɛ Nga Nyanmiɛn I Nuan Ijɔfuɛ Oze Kannin'n 9:12

Ba kunngun nga be ´nyan be bɔ be ´ta be'n, n ´yo man ba sɔ'm be su nyan-man bé ti yo-man sran bɔ ngbɛn. N ´de be bé sa nun. Ee, cɛn nga n ko kaci mín sin n ko si be'n, be yako wie!

Saun Yolɛ 18:29

Ɔ man i ti'n, be nga be yo i sɔ tete sa liɛ'n, be ´fuan be Izraɛl mɛn'n nun.

Saun Yolɛ 20:3

M bɔbɔ min e nin i sɔ sran liɛ'n e lɛ i. N ´kɛn i bo Izraɛlfuɛ'm be afiɛn i mma'm be nun kun b'ɔ fa ko yili tɛ mannin Mɔlɔk'n ti. Ɔ'a yo min tranwlɛ'n i finfin, yɛ kusu ɔ'a saci min dunman klanman'n.

Amɔs 5:22

Tɛ nga be yrɛ i nnɛn'n kɔlikɔli'n bɔ an ´yi man min'n, ɔ nin nnɛn nga amun kun be be man min ekun'n, b'a flan min. Nannin lowa nga an fa yi bo kun yolɛ i su tɛ'n, min ndɛ nun-man nun.

Zakari 12:7

Anannganman ´dun mmua de Zidafuɛ mun. Ɔ ti-mɛn ti-ɔ, David i osu'n nin Zerizalɛmfuɛ'm be ´yo be wun kpakpa Zidafuɛ'm bé su.

Malasi 1:10

Anannganman b'ɔ sie mɛn wunmuan'n wan yoo: «Sɛ sran kun ko nyin Nyanmiɛn sua'n i anuan'n ɔ flunman. I liɛ'n amun su trɔ-man sin mín sɔwlɛ'n su ngbɛn kun. Amun wun yo-man min fɛ. Ɔ man kusu like nga amun fa man min'n, n su sɔ-man nun.

Malasi 1:13

Amun se ekun kɛ yoo: ‹I kwlaa nga ti afɛ.› Amun yo min finfin, m bɔbɔ min Anannganman bɔ n sie mɛn wunmuan'n, amun ko wua nnɛn mun, wie kusu-ɔ amun fa nnɛn nga bé ja ti buwa, ɔ nin nnɛn tukpacɛfuɛ mun yɛ amun fa man min-ɔn. ?N sɔ nun-ɔn ɔ yo ye?»

Malasi 2:10

?E ngba kwlakwla é si ti-man kun ti-ɔ? ?Nán Anannganman kunngba'n yɛ ɔ jrali ye-ɔ? ?Yɛ wuun ɔ yo sɛ ti yɛ e yo Anannganman nin e nannan'm be aenguɛ nga be trali'n i finfin-ɔn? ?Ɔ yo sɛ ti yɛ e yo e wiengu tɛ-ɔ?

Kalɛ 24:5

Izraɛl nvlefuɛ mun, amun bɔ Zakɔb i osu'n nunfuɛ yɛlɛ amun'n, amún tannin sua nga amun tran nun'n be ti nglanman o!

Matthieu 15:14

An `yaci be lɛ, be ti anyansifuɛ bɔ be tra be wiengu anyansifuɛ kpɔnman. Sɛ anyansifuɛ kun trɛ i wiengu anyansifuɛ kpɔnman'n, be nnyɔn'n be ´tɔ kunman nun.»

2 Timote 3:13

Sanngɛ sran nga be klun yo wi bɔ be ti gblɛfuɛ'n, bé sa tɛ nga be yo'n i tɛ'n ɔ ´tra laa liɛ'n, be ´laka sran mun yɛ be ´laka be bɔbɔ bé wun.

Sa nglô yile 19:20

Be trali nnɛn'n, nin sran ng'ɔ tɔn i wun suɛn kɛ ɔ ti Nyanmiɛn nuan ijɔfuɛ b'ɔ yili atrɛ nnɛn'n i nyrun'n. I atrɛ sɔ'n yɛ ɔ fa laka be bɔ nnɛn'n i nzɔliɛ'n wo be wun'n, nin be nga be koto nnɛn'n i wunsu bɔ be yoli'n i bo nin-ɔn. Be trali be nnyɔn'n be guali be sin dan bɔ sufru o nun, b'ɔ jue'n nun.

1 Samiɛl 3:14

I sɔ'n ti, n fua kleli i awlofuɛ'm be kɛ fɔnlɛ nga Eli i awlofuɛ'm be fɔnnin min wun'n, kannzɛ man be yi tɛ o, annzɛ man be cɛ min like o, n su yaci cɛ-man be le.»