Malasi 2:10 - NYANMIƐN NDƐ'N 1998

¹⁰ ?E ngba kwlakwla é si ti-man kun ti-ɔ? ?Nán Anannganman kunngba'n yɛ ɔ jrali ye-ɔ? ?Yɛ wuun ɔ yo sɛ ti yɛ e yo Anannganman nin e nannan'm be aenguɛ nga be trali'n i finfin-ɔn? ?Ɔ yo sɛ ti yɛ e yo e wiengu tɛ-ɔ?

Malasi 2:10 ပူးပေါင်းရင်းမြစ်များ

Neemi 13:29

«Min Nyanmiɛn, nán ɔ́ wla fi su kɛ be yoli ɔ sɔlɛ junman'n i finfin. Nán ɔ́ wla fi su kɛ aenguɛ nga a nin ɔ nyrun jranfuɛ nin Levifuɛ'm be trali'n be yoli i finfin ekun.»

Zɔb I Nyrɛnnɛn Wunlɛ 31:15

?Nyanmiɛn b'ɔ man be wunnzɛli min bɔ be wuli min'n, nán i kunngba'n yɛ man be wunnzɛli be yɛ be wuli be kɛ min sa-a? ?Ɔ'a siesie-man be bé nin klun kɛ min sa ?

Jue Mun 100:3

Man amun si kɛ Anannganman yɛ ɔ ti Nyanmiɛn nin-ɔn. I yɛ ɔ yili ye-ɔ, e ti i liɛ. E ti i sran mun, yɛ e ti kɛ i kuku nun nnɛn mun sa .

Ezipt Lɔ Tulɛ'n 19:4

‹Amun wunnin sa nga n yoli Eziptfuɛ mun'n yɛ amun wunnin wafa nga n fa fali amun m bali mín wun wa'n. Kɛ anunman nyin fa lolo i mma mun, kɛ n kusu n lololi amun sɔ-ɔ.

Ezipt Lɔ Tulɛ'n 19:5

Siɛn liɛ'n, sɛ amun ti ndɛ nga n kan kle amun'n i kpa'n, sɛ amun nian aenguɛ nga e nin amun e tra'n su kpa'n, amun ´yo min nvle b'ɔ ti min liɛ klonglo nvle kun nga'm be afiɛn, afin asiɛ wunmuan'n ti min liɛ.

Ezipt Lɔ Tulɛ'n 24:3

Moiz ko kannin ndɛ nga Anannganman kan kleli i'n i kwlaa nin like nga i waan be `yo'n kleli nvlefuɛ mun. Bé kwlaa be kɛnnin i likawlɛ kɛ: «E ´fa Anannganman i mmla'm be kwlaa be su.»

Ezipt Lɔ Tulɛ'n 24:7

Ɔ fali aenguɛ nga Nyanmiɛn nin be trali'n i wun fluwa'n nan ɔ'a kanngan nun nvlefuɛ'm be nyrun. Izraɛlfuɛ'm be seli kɛ: «Like kwlaa nga Anannganman waan e `yo'n, e ´nian su e ´yo i sekeseke kpan.»

Ezai 43:1

Ee! Zakɔb osu'n nunfuɛ mun, ee! Izraɛlfuɛ mun, Anannganman b'ɔ yili amun'n, siɛn'n i wan yoo: «Nán srɛ kun amun, afin n toli amun, n fali amun dunman'n yɛ n fa flɛli amun-ɔn. Amun ti min liɛ.

Ezai 43:15

N ti Anannganman amun Nyanmiɛn, min nzuɛn nin klɔ sran liɛ'n ti-man kun min yɛ n yili Izraɛlfuɛ mun-ɔn, n ti amun famiɛn.»

Ezai 43:7

Be nga n dunman'n wo be su'n, be kwlaa nga n yili be'n, bɔ m boli be n jrɛli i wa'n, bɔ n yoli be kɛ be manman min'n, amun `fa be sa bé sin `bla.› »

Ezai 44:2

Min Anannganman bɔ n yili amun'n, bɔ m boli amun falɛ nan b'a wu amun'n, bɔ n ti amun ukafuɛ'n, min wan yoo: «Zakɔb i osu'n nunfuɛ'm bɔ amun ti min sufuɛ mun'n, Izraɛlfuɛ mun bɔ n kpali amun'n, nán srɛ kun amun.

Ezai 51:2

Amun `nian Abraam b'ɔ ti amún si'n nin Sara b'ɔ wuli amun'n. Afin kɛ n ´flɛ Abraam'n, wuun ɔ lɛ-man ba. N yoli i ye, yɛ n yoli man i osu'n ɔ trɛli.

Ezai 63:16

Sanngɛ wɔ yɛ a ti é si nin-ɔn, Abraam si-man ye, Zakɔb kusu si-man ye. Wɔ Anannganman yɛ a ti é si nin-ɔn. Kɛ ɔ fin lalaa'n, be flɛ wɔ kɛ E Ti Kpɔfuɛ.

Ezai 64:7

Ɔ nin sɔ'n ngba'n, Anannganman, a ti é si. E ti kɛ ufa sa, wɔ yɛ a ti ye ufuɛ-ɔ. E kwlaa e ti ɔ́ sa nuan like .

Ezai 64:8

Anannganman, nán fa ya kpe nun, nán man sa tɛ nga e yo be'm be ´ka ɔ klun titi sɔ. Nian, e kwlaa e ti ɔ sran.

Zeremi 31:9

Be ´ba'n, wuun be ´sun. E nin be e ´ba'n, wuun n ´kpata be. N ´fa be m ba nzue ba nuan. N ´fa be n sin atin treketreke su, ɔ lɛ-man kɛ bé ja ɔ'a kpla. Afin Izraɛl i si yɛlɛ min. Efraim ti mín wa yasua klikli.»

Ezekiɛl 33:24

«Klɔ sran, nian, ndɛ nga be nga be kali klɔ nvuɛn-nvuɛn'm be nun Izraɛl mɛn'n nun lɔ'n be kan'n yɛ. Be se kɛ: ‹Abraam i ba kunngba, sanngɛ i ngunmin i liɛ yɛlɛ mɛn nga kwlaa. E nga bɔ e sɔnnin yɛ'n, e yɛ be fa mɛn be mannin ye-ɔ.›

Malasi 1:6

Min Anannganman bɔ n sie mɛn wunmuan'n, n se min nyrun jranfuɛ'm be kɛ yoo: «Bakan kwlaa i nyin yi i si, sran ng'ɔ ti afanniɛn'n kusu i nyin yi i min'n. ?Yɛ min li, nán min yɛ n ti amún si, ɔ nin amun min nin-ɔn? ?Yɛ ɔ yo sɛ, bɔ amún nyin yi-man min, bɔ amun sro-man min-ɔn? Amun yo min finfin, kpɛkuun amun usa kɛ: ‹?Finfin sɛ yɛ e yo wɔ-ɔ?›

Malasi 2:11

Zidafuɛ'm be fɔnnin Nyanmiɛn wun, be yoli sa tɛtɛ Izraɛl mɛn wunmuan'n nun, be yoli sa tɛtɛ Zerizalɛm lɔ. Yɛlɛ kɛ be yoli Anannganman i anwlɛn su like'n i finfin. Be jali nvle nun bla nga be sɔ amuɛn mun .

Malasi 2:8

Sanngɛ amun ajulisu Nyanmiɛn nyrun jranfuɛ mun'n amu'an fa-man atin kpa sɔ'n su kun, amu'an kle sran sunman be atin tɛ. Amu'an saci aenguɛ nga e nin Levi e trali'n. M bɔbɔ min Anannganman bɔ n sie mɛn wunmuan'n yɛ n kan kle amun-ɔn.

Matthieu 10:21

Sran bɔ be ti niaan'n, kun ɔ wa fɛ i niaan bian wlɛ sran'm bé sa nun kɛ be `kun i, yɛ sran wie'm be wa yo be mma'm be sɔ wie, ba'm be ´jao be si nin be nin'm be wun kɛ be ´kun be.

Matthieu 22:16

Be sunmannin be sɔnnzɔnfuɛ mun nin Erɔdfuɛ mun Jésus wun lɔ, be wa seli i kɛ: «Nja, e si kɛ a di nanwlɛ yɛ a kle sran mun Nyanmiɛn atin'n nanwlɛ nun, yɛ e si kɛ a sro-man sran fi, afin a nian-man sran nyrun yɛ a yo sa-a.

Matthieu 3:9

Nán an bu amun anwlɛn'n nun se kɛ: ‹E nannan yɛlɛ Abraam,› afin n ´kan kle amun kɛ Nyanmiɛn kwla fa yɛbuɛ nga mun kaci Abraam mma mun .

JÉSUS-CHRIST I DYASIN FE'N BO LUC KLELI'N 1:73

Afin Nyanmiɛn tɛli i wun nda kleli e nannan Abraam kɛ ɔ ´de ye e kpɔfuɛ'm bé sa nun, ɔ man srɛ kun-man ye kun. E ´kwla yo i klun sa, e ´su i nanwlɛ su lele fa ju e wie cɛn.

JÉSUS-CHRIST I DYASIN FE'N BO LUC KLELI'N 3:8

An `yo sa kpa b'ɔ kle kɛ amu'an kaci amun nzuɛn'n, kɛ waka kpa su mma kpa'n sa. Nán an bu amun anwlɛn'n nun se kɛ: ‹E nannan yɛlɛ Abraam!› Afin n ´kan kle amun kɛ Nyanmiɛn kwla fa yɛbuɛ nga mun kaci Abraam mma mun.

Jean 8:39

Be seli i kɛ: «E si'n yɛlɛ Abraam.» Jésus seli be kɛ: «Sɛ Abraam wa yɛlɛ amun'n, wuun sa nga Abraam yoli be'n, amun ´yo wie.

Jean 8:41

Like nga amún si yo'n, i wie yɛ an yo-ɔ.» Be seli i kɛ: «Nán tekle ba yɛlɛ ye. E si ti kunngba cɛ, é si sɔ'n yɛlɛ Nyanmiɛn.»

Jean 8:53

?A ti kpa tra e nannan Abraam b'ɔ wuli'n? Nyanmiɛn nuan ijɔfuɛ'm be kusu be wuli. ?Ɔ kpa'n, a bu ɔ wun sɛ?»

Jean 8:56

Kɛ amun nannan Abraam bu kɛ ɔ ´wun mín cɛn'n, ɔ yo i fɛ dan, ɔ wunnin cɛn sɔ'n yɛ i klun jɔli .»

Sa nga bé yôli'n 17:24

Nyanmiɛn b'ɔ yili mɛn'n nin i nun like'n kwlaa'n, b'ɔ ti nglo lɔ nin asiɛ'n be Min'n, ɔ tran-man sua bɔ sran kplan mɛn i'n nun.

Sa nga bé yôli'n 17:25

I b'ɔ man sran'm be kwlaa be nguan'n, b'ɔ man be wunmiɛn'n, b'ɔ man be like'n kwlaa'n, i sa mian-man like fi wun bɔ sɛ sran'm be su i'n be kwla yo mɛn i-ɔ .

Sa nga bé yôli'n 17:26

Sran ng'ɔ yili be'n be kwlaa be osu'n ti kun. Ɔ yili be kɛ be tran asiɛ'n su, ɔ sieli be afuɛ nga be di'n i nuan, yɛ ɔ jali nvle kun nin kun be awɛ.

Sa nga bé yôli'n 7:2

Etiɛni tɛli i su kɛ: «Min niaan nin min si mun, an `tie! I nun nga e nannan Abraam tɛ o Mezopotami lɔ'n, Nyanmiɛn yili i wun kleli i i sin nan ɔ'a ko tran Karan lɔ ,

Sa nga bé yôli'n 7:26

Kɛ i aliɛ cɛnnin'n, ɔ ´fite be su-ɔ, be ngunmin-ngunmin be nun nnyɔn be su di utre, i waan ɔ ´kpata be. Ɔ seli be kɛ: ‹?An ti niaan, nguɛ ti yɛ an di utre-ɔ?›

Rɔmfuɛ Mun 4:1

?Sɛ ɔ ti sɔ'n, e ´kan e nannan Abraam i liɛ'n sɛ? ?Nzu yɛ ɔ nyɛnnin i-ɔ?

Rɔmfuɛ Mun 9:10

Yɛ kusu Rebeka nin e nannan Izaak be wuli nda.

1 Korɛntfuɛ Mun 8:6

sanngɛ e liɛ'n, e Si Nyanmiɛn ti kunngba cɛ. I yɛ ɔ yili like'n kwlaa-a, i ti yɛ e o lɛ-ɔ. Yɛ e Min'n ti kunngba, yɛlɛ Jésus-Krist, i yɛ Nyanmiɛn man ɔ yili like'n kwlaa-a, i dunman nun yɛ man e o lɛ-ɔ .

Efɛzfuɛ Mun 4:25

I sɔ'n ti'n, an `yaci ato bualɛ'n, an `di nanwlɛ kle amun wiengu, afin e kwlaa e ti sran wunmuan .

Efɛzfuɛ Mun 4:6

Nyanmiɛn'n ti kun, yɛ ɔ ti sran'm be kwlaa be si. Ɔ sie be kwlaa, ɔ o be kwlaa be afiɛn yɛ ɔ o be kwlaa bé nun.

1 Tɛsalonikfuɛ Mun 4:6

Sa kunngba nga su'n, nán an bu amun niaan lufle, nán an tiɛ i bɛ su, afin e kan kleli amun, yɛ e wlali amún su nun kpa kɛ sran ng'ɔ yo i sɔ sa'n, e Min'n ´tu i fɔ.

Hébreu 12:9

E si'm be tu e fɔ, yɛ e bu be sran. Sɛ ɔ ti sɔ'n, man e bu e Si nga e wawɛ'n wo i sa nun'n i sran tra be nan y'a nyan nguan.

Zozie 24:3

N yoli man amun nannan Abraam ɔ tuli mɛn sɔ b'ɔ o Efrat i bue kun lɔ'n nun. N fɛli i n wlannin Kanaan mɛn wunmuan nun yɛ m mɛnnin i anunman kpanngban. N fali Izaak m mɛnnin i .