Malasi 2:1 - NYANMIƐN NDƐ'N 1998

¹ Anannganman b'ɔ sie mɛn wunmuan'n wan yoo: Ndɛ nga n kan kle amun bɔ amun ti min nyrun jranfuɛ mun'n yɛ:

Malasi 2:1 ပူးပေါင်းရင်းမြစ်များ

Zeremi 13:13

Se be kɛ: ‹Anannganman'n wan yoo: N ´sanngan mɛn nga nunfuɛ'm be nun, i famiɛn nga be ti David famiɛn bia'n su mun o, min nyrun jranfuɛ mun o, min nuan ijɔfuɛ mun o, ɔ nin Zerizalɛmfuɛ'm be kwlaa, n ´sanngan be nun. Be ´yo kɛ nzan ɔ'a ti be sa.

Ngwlɛ Yilɛ 4:13

Sa yalɛ'n b'ɔ juli'n, ɔ fin Nyanmiɛn i nuan ijɔfuɛ'm bé sa tɛtɛ'n nin Nyanmiɛn i nyrun jranfuɛ'm be aeliɛ tɛtɛ'n. Afin sran nga be ti sran kpa mun'n, Nyanmiɛn i sran sɔ'm be trali be klɔ'n nun be kunnin be.

Ndɛ Nga Nyanmiɛn I Nuan Ijɔfuɛ Oze Kannin'n 5:1

«Nyanmiɛn nyrun jranfuɛ mun, amun `sie amún su be `tie ndɛ nga kpa! Izraɛlfuɛ mun, amun `sie amún su kpa! Famiɛn i awlofuɛ mun, an `sie amún su! Ndɛ nga ti amun liɛ, yɛlɛ kɛ Mizpa lɔ'n, amun kacili kɛ aya sa min sran'm bé bo, amun kacili kɛ tɛ bɔ b'a guɛ i Tabɔr oka'n su'n sa.

Malasi 1:14

Anannganman b'ɔ sie mɛn wunmuan'n waan: «Gblɛfuɛ nga nnɛn yasua kpa kun wo i nnɛn'm be nun bɔ nnɛn tukpacɛfuɛ nga ɔ'a yo kokloo kain'n yɛ ɔ ti like yɛ ɔ fa man min'n , i yako! Afin n ti famiɛn dan kun, min dunman'n yo sro mɛn wunmuan'n nun!»

Malasi 1:6

Min Anannganman bɔ n sie mɛn wunmuan'n, n se min nyrun jranfuɛ'm be kɛ yoo: «Bakan kwlaa i nyin yi i si, sran ng'ɔ ti afanniɛn'n kusu i nyin yi i min'n. ?Yɛ min li, nán min yɛ n ti amún si, ɔ nin amun min nin-ɔn? ?Yɛ ɔ yo sɛ, bɔ amún nyin yi-man min, bɔ amun sro-man min-ɔn? Amun yo min finfin, kpɛkuun amun usa kɛ: ‹?Finfin sɛ yɛ e yo wɔ-ɔ?›

Malasi 2:2

«Sɛ amu'an fa-man mín nuan su ndɛ'n, nan amu'an kplin-man amún nyin b'a manman-man min'n, m ´bo amun sannzan. Muae nga n ko man amun'n, n ´fa nyrɛnnɛn n ´kaci i, yɛlɛ kɛ sa fi lo-man amun.