Malasi 1:9 - NYANMIƐN NDƐ'N 1998

⁹ Amun `sin be wa `srɛ min, be `se min kɛ n `yaci nan n `si amun aunnvuɛ.» Anannganman b'ɔ sie mɛn wunmuan'n usa kɛ yoo: «?Tɛ nga amun nyinfu be yoli min lɛ'n, amun bu i kɛ n ´sie min su amún nuan'n bo? Ɔ siɛ i mlɔnmlɔn.»

Malasi 1:9 ပူးပေါင်းရင်းမြစ်များ

2 Be Nyoliɛ 30:27

I sin'n, Nyanmiɛn nyrun jranfuɛ mun nin Levifuɛ'm be jasoli, nan b'a yra sran'm be nguan. Be Nyanmiɛn bɔ be srɛli'n ɔli lele juli nglo lɔ, ɔ juli Anannganman bɔbɔ tranwlɛ'n nun lɔ. Yɛ ɔ tɛli be su.

Ezipt Lɔ Tulɛ'n 32:11

Moiz sun flɛli Anannganman i Nyanmiɛn'n, ɔ seli i kɛ ɔ yaci ya, i waan: «?Anannganman, ɔ sran bɔ ɔ wunmiɛn nin ɔ tinmin bɔ like fi kwla jrɛn-mɛn i nyrun'n i ti yɛ a fali be bali'n, ɔ yo sɛ ti yɛ man ɔ waan ɔ ya'n jue bé su kɛ sin sa nin-ɔn?

Zeremi 26:19

?I sɔ bɔ Mise kannin'n ti man Ezekias b'ɔ ti famiɛn'n nin Zidafuɛ'm be kunnin i? Ezekias buli Anannganman'n i sran yɛ ɔ kpɛtɛli i, ɔ man kusu sa nga Anannganman'n waan ɔ ´fa yi be su'n ɔ fa flili be. Kpɛkuun e bɔbɔ e ´yo é wun tɛ dan kɛ nga sa.»

Zeremi 27:18

Sɛ be waan be ti Nyanmiɛn nuan ijɔfuɛ nan Anannganman'n ijɔ kle be'n, man be srɛ Anannganman b'ɔ sie mɛn wunmuan'n nan ninnge nga be kɛli i sua nun'n nin Zida famiɛn'n i sua'n nun'n, ɔ nin Zerizalɛm ninnge mun'n, nán be fa be wɔ Babilɔni.

Ngwlɛ Yilɛ 2:19

Jaso kɔnguɛ afiɛn. Kpan dɔ'n kwlakwla su. Sun kle ɔ Min'n. Ɔ mma bɔ awe'n i dunman nun ti be su glɔ gua'n su'n, i ti man ɔ́ sa'n su kle Nyanmiɛn, yɛ `srɛ i.

Zoɛl 2:12

Anannganman wan yoo: «An `sa amun sin bla mín sin. Kɛ ɔ o yɛ'n, i blɛ nian sin-man. Amun `tu amun klun bla, an `ci nglɛmun, an `sun, yɛ an `kpata min.»

Zoɛl 2:17

Man Nyanmiɛn nyrun jranfuɛ'm bɔ be jrɛn i nyrun'n, be sun i sua'n i nyrun gbaun'n nin i sɔwlɛ'n be afiɛn'n nun lɛ. Man be srɛ Nyanmiɛn se kɛ: «Anannganman, ɔ sran mun yɛlɛ ye, si e aunnvuɛ. Ɔ liɛ yɛlɛ ye, nán yo man e wun nyannzuɛn nan nvle kun'm be nunfuɛ'm be srisri e be se kɛ: ‹?Ai, be Nyanmiɛn liɛ kpa'n, ɔ o nin?› »

Amɔs 5:22

Tɛ nga be yrɛ i nnɛn'n kɔlikɔli'n bɔ an ´yi man min'n, ɔ nin nnɛn nga amun kun be be man min ekun'n, b'a flan min. Nannin lowa nga an fa yi bo kun yolɛ i su tɛ'n, min ndɛ nun-man nun.

Jean 9:31

E si kɛ sɛ sa tɛ yofuɛ se Nyanmiɛn kɛ ɔ yo sa'n, ɔ tɛ-man su, sanngɛ sran ng'ɔ bu i sran bɔ i nyin yi'n, i sɔfuɛ'n yɛ ɔ tɛ i su-ɔ.

Rɔmfuɛ Mun 2:11

Afin Nyanmiɛn liɛ'n, ɔ kpa-man sran nun .

1 Piɛr 1:17

An flɛ Nyanmiɛn b'ɔ nian-man sran nyrun yɛ ɔ di jɔlɛ'n, sanngɛ ndɛ sin yɛ ɔ jran di jɔlɛ'n, amun Si. I sɔ'n ti, kɛ an tɛ wo asiɛ'n su wa'n, an `yo sa ng'ɔ kle kɛ amún nyin yi i'n.