Malasi 1:8 - NYANMIƐN NDƐ'N 1998

⁸ Anannganman b'ɔ sie mɛn wunmuan'n usa kɛ yoo: «?Kɛ amun fa nnɛn nga be nyinma ti siwa, wie kusu-ɔ nga bé ja ti buwa, wie kusu-ɔ nga be kwla-man nanti'n be fa man min'n, ɔ ti kpa? ?Sɛ amun fɛ i sɔ nnɛn be man amun sran ng'ɔ sie amun'n, i klun ´jɔ su? ?Ɔ ´nian amun nyrun?

Malasi 1:8 ပူးပေါင်းရင်းမြစ်များ

Zɔb I Nyrɛnnɛn Wunlɛ 42:8

I sɔ'n ti, amun `fa nannin tola nso nin bua nene nso nan amun ko to min sufuɛ Zɔb lɔ, nan amun `fa nnɛn sɔ mun amun `yi tɛ nga be yrɛ i nnɛn'n kɔlikɔli'n amun `fa kpata amún ti. Yɛ min sufuɛ Zɔb ɔ ´srɛ man amun. N ´tɛ i srɛlɛ'n su, ɔ man sinnzin bɔ amun yoli'n, n su nian-man su n yo-man amun sa. Afin amu'an kan-man mín wun ndɛ kpa kɛ min sufuɛ Zɔb i liɛ'n b'ɔ kannin'n sa.»

Jue Mun 20:3

Kɛ ɔ wo i sua'n nun lɔ'n, man ɔ fin lɔ bla ɔ wa uka wɔ. Man ɔ fin Siɔn lɔ ɔ wa suan ɔ bo.

Zeremi 14:10

Nvle nga nunfuɛ'm be wun ndɛ bɔ Anannganman kan'n yɛ: «Be akunndan'n ti nnyɔn-nnyɔn ngboko. Bé nyin kan-man ase. Anannganman'n klo-mɛn i sɔ'n. I nyin wo bé sa tɛ'm be su. Ɔ ´bu be fɔ bé sa tɛ'n ti.»

Ndɛ Nga Nyanmiɛn I Nuan Ijɔfuɛ Oze Kannin'n 8:13

Nnɛn dilɛ klolɛ ti kɛ be jin min sɔlɛ'n su sa. Sanngɛ i sɔ tɛ nga be ´yi i lɛ'n, ɔ ti min nyrun sɔ saa. Nán kɛ ń wla wa fi bé sa tɛ sɔ nin-ɔn. N ´tu be fɔ. Be wa sa be sin Ezipt lɔ ekun.

Ndɛ Nga Nyanmiɛn I Nuan Ijɔfuɛ Aze Kannin'n 1:1

Kɛ Dariis trannin famiɛn bia su'n, i afuɛ nnyɔn'n i anglo nsiɛn'n i cɛn klikli'n su'n, Anannganman kannin ndɛ kleli Aze b'ɔ ti i nuan ijɔfuɛ'n. I waan ɔ `se Sealtiɛl wa Zorobabɛl b'ɔ sie Zida'n ɔ nin Zozadak wa Zozie b'ɔ ti Nyanmiɛn nyrun jranfuɛ'm bé su kpɛn'n be kɛ:

Malasi 1:10

Anannganman b'ɔ sie mɛn wunmuan'n wan yoo: «Sɛ sran kun ko nyin Nyanmiɛn sua'n i anuan'n ɔ flunman. I liɛ'n amun su trɔ-man sin mín sɔwlɛ'n su ngbɛn kun. Amun wun yo-man min fɛ. Ɔ man kusu like nga amun fa man min'n, n su sɔ-man nun.

Malasi 1:7

Aliɛ ng'ɔ nin min fata-man'n yɛ amun fa ba min sɔwlɛ'n su-ɔ. Sanngɛ kpɛkuun amun usa kɛ: ‹?Fɔnlɛ sɛ yɛ e fɔnnin ɔ wun-ɔn?› I kusu wuun sa nga amun yo'n, ɔ kle kɛ amun bu-man min sɔwlɛ'n i like fi.»

Mmla'n 15:21

Sanngɛ sɛ wie ja ti saciwa'n, annzɛ sɛ i nyin ti siwa'n, annzɛ sɛ lɛ uflɛ wie o i wun'n, nán amun fa yi tɛ man Anannganman amun Nyanmiɛn'n.