Malasi 1:7 - NYANMIƐN NDƐ'N 1998

⁷ Aliɛ ng'ɔ nin min fata-man'n yɛ amun fa ba min sɔwlɛ'n su-ɔ. Sanngɛ kpɛkuun amun usa kɛ: ‹?Fɔnlɛ sɛ yɛ e fɔnnin ɔ wun-ɔn?› I kusu wuun sa nga amun yo'n, ɔ kle kɛ amun bu-man min sɔwlɛ'n i like fi.»

Malasi 1:7 ပူးပေါင်းရင်းမြစ်များ

Ezekiɛl 41:22

Nyanmiɛn sɔwlɛ bɔ waka yɛ be fa yoli'n sa, i nglo-nglo su'n ɔ ti mɛtri kun nin sin, yɛ i tɛtrɛ nun'n ɔ ti mɛtri kun. Ɔ lɛ cɔnjɔ-cɔnjɔ. I bo nin i bue'm be su ti waka. Sran'n ɔ seli min kɛ: «Tabli nga be fa jin Anannganman i nyrun nin-ɔn.»

Ezekiɛl 44:16

«Be ngunmin yɛ be ´wlu n sua nun-ɔn. Yɛ be yɛ be ´wunnge tabli nga be sieli i kɛ be ´fa su min'n i wun-ɔn. Be wa fa tabli i wun mmla nga n fa mannin be'n i su kpa.

Saun Yolɛ 2:11

Like nga be ´fa man min'n, ɔ fata-man kɛ kpaun ayre tran ba kun sa nun. Like nga be fa man min bɔ be ti yralɛ liɛ'n, kɛ be ´yo'n, nán man be sɛnngɛn i nin kpaun ayre annzɛ awɛma nzue.

Saun Yolɛ 21:6

Ɔ fata-man kɛ min dunman b'ɔ o bé su'n, be yo i finfin. Ɔ man i ti nán be kan fiɛn, man be yo saun be man min, afin be yɛ be yi tɛ'n be man min-ɔn, yɛ be yɛ be fa min aliɛ'n be man min-ɔn. Ɔ man i ti ɔ fata-man kɛ fiɛn kan be.

Saun Yolɛ 21:8

Ɔ fata kɛ Izraɛlfuɛ kun nyin yi min nyrun jranfuɛ mun, afin aliɛ nga bɔ amun waan amun ´fa man min bɔ n ti amun Nyanmiɛn'n, be yɛ be fa man min-ɔn. Nán sran fi i nuan to be. M bɔbɔ min bɔ n ti Anannganman'n, n fali Izraɛl mɛn'n kɛ nán sa tɛ tran nun. M bɔbɔ min kusu fiɛn nun-man mín wun.

Saun Yolɛ 3:11

Man min nyrun jranfuɛ'n kun ɔ yrɛ i min sɔwlɛ'n su. I sɔ aliɛ liɛ'n ti min liɛ, be `yrɛ i be `fa man min.

Malasi 1:12

Sanngɛ amun liɛ'n, min dunman'n i wannzo yɛ amun yo-ɔ. Amun ko se kɛ: ‹Anannganman'n i like diwlɛ'n ti-man nanndoliɛ, sɛ be fa like ng'ɔ ti-man nanndoliɛ'n be sie su'n, ɔ yo-man sa fi.›

Malasi 1:13

Amun se ekun kɛ yoo: ‹I kwlaa nga ti afɛ.› Amun yo min finfin, m bɔbɔ min Anannganman bɔ n sie mɛn wunmuan'n, amun ko wua nnɛn mun, wie kusu-ɔ amun fa nnɛn nga bé ja ti buwa, ɔ nin nnɛn tukpacɛfuɛ mun yɛ amun fa man min-ɔn. ?N sɔ nun-ɔn ɔ yo ye?»

Malasi 1:8

Anannganman b'ɔ sie mɛn wunmuan'n usa kɛ yoo: «?Kɛ amun fa nnɛn nga be nyinma ti siwa, wie kusu-ɔ nga bé ja ti buwa, wie kusu-ɔ nga be kwla-man nanti'n be fa man min'n, ɔ ti kpa? ?Sɛ amun fɛ i sɔ nnɛn be man amun sran ng'ɔ sie amun'n, i klun ´jɔ su? ?Ɔ ´nian amun nyrun?

1 Korɛntfuɛ Mun 10:21

An kwla nɔn-man e Min'n i klowa'n nun nan amun kunngba'n amu'an nɔn mmusu'm be liɛ'n nun. Yɛ amun nin e Min'n kwla wla-man asa nan amun kunngba'n amun nin mmusu mun amu'an wla asa.

Mmla'n 15:21

Sanngɛ sɛ wie ja ti saciwa'n, annzɛ sɛ i nyin ti siwa'n, annzɛ sɛ lɛ uflɛ wie o i wun'n, nán amun fa yi tɛ man Anannganman amun Nyanmiɛn'n.