Malasi 1:6 - NYANMIƐN NDƐ'N 1998

⁶ Min Anannganman bɔ n sie mɛn wunmuan'n, n se min nyrun jranfuɛ'm be kɛ yoo: «Bakan kwlaa i nyin yi i si, sran ng'ɔ ti afanniɛn'n kusu i nyin yi i min'n. ?Yɛ min li, nán min yɛ n ti amún si, ɔ nin amun min nin-ɔn? ?Yɛ ɔ yo sɛ, bɔ amún nyin yi-man min, bɔ amun sro-man min-ɔn? Amun yo min finfin, kpɛkuun amun usa kɛ: ‹?Finfin sɛ yɛ e yo wɔ-ɔ?›

Malasi 1:6 ပူးပေါင်းရင်းမြစ်များ

Jue Mun 123:2

Kɛ famiɛn kun i sufuɛ'm bé nyin wo be min bian sɔ'n su'n, annzɛ kɛ afanniɛn bla'n i nyin wo i min bla'n su'n, i kunngba nin-ɔn. E kusu é nyin wo Anannganman e Nyanmiɛn'n su lele ɔ si ye aunnvuɛ.

Ezipt Lɔ Tulɛ'n 20:12

Bu ɔ́ si nin ɔ nin be sran, kɛ ɔ ´yo nan ɔ nguan nyanman'n ɔ'a yo tɛnndɛn mɛn nga min Anannganman Nyanmiɛn n fa man wɔ'n i nun'n ti .

Nyanndra Mun 17:6

Anunman'm be ti kɛ oke'm be famiɛn kle sa. Siɛ'm be kusu be ti kɛ ba'm be anyrunnyan like sa .

Nyanndra Mun 30:11

Sran wie o lɛ'n, sannzan yɛ ɔ bo i si-ɔ, i nin i wun ndɛ tɛtɛ'n yɛ ɔ kan-an.

Nyanndra Mun 30:17

Sran nga b'ɔ sri i si'n, bɔ i nyin yi-mɛn i nin'n, kuankuan'm be ´fiti i nyinma'n, kpɛkuun anunman nyin'n i mma'm be ´di i.

Ezai 1:2

Nyanmiɛn su lɔ lika'n, tie! Asiɛ, sie ɔ su kpa! Afin Anannganman su ijɔ. I waan: N tali ba wie mun, b'a nyin, sanngɛ b'a jaso min wun.

Ezai 43:23

Nán min yɛ amun fali amun bua nga b'a kpɛ cro'n yili tɛ nga be yra be nnɛn'n kɔlikɔli'n mannin min-ɔn. Nán min manmanlɛ ti yɛ amun yili amun tɛ sɔ mun-ɔn. I kusuman m'an mian-man amun kɛ amun man min like, m'an su-man amun su kɛ amun man min ansans.

Ezai 45:10

Sran ng'ɔ se i si kɛ: «?Nzu ti yɛ a wuli min'n?» Annzɛ ɔ se i nin kɛ: «Nzu ti yɛ a wuli min'n?» I sɔfuɛ'n i yako!

Ezai 64:7

Ɔ nin sɔ'n ngba'n, Anannganman, a ti é si. E ti kɛ ufa sa, wɔ yɛ a ti ye ufuɛ-ɔ. E kwlaa e ti ɔ́ sa nuan like .

Ezai 64:8

Anannganman, nán fa ya kpe nun, nán man sa tɛ nga e yo be'm be ´ka ɔ klun titi sɔ. Nian, e kwlaa e ti ɔ sran.

Zeremi 23:11

Anannganman'n wan yoo: ‹Min nuan ijɔfuɛ mun nin min nyrun jranfuɛ'm be kwlaa b'a saci. Be yo sa tɛ'n lele be fa wlu mín sua'n nun.

Zeremi 3:4

Kɛ e ´se yɛ'n bɔ a se min kɛ: ‹?Mín si bɔ kɛ ɔ fin min kaan nun yɛ ɔ nin min trali janvuɛ'n,

Zeremi 31:9

Be ´ba'n, wuun be ´sun. E nin be e ´ba'n, wuun n ´kpata be. N ´fa be m ba nzue ba nuan. N ´fa be n sin atin treketreke su, ɔ lɛ-man kɛ bé ja ɔ'a kpla. Afin Izraɛl i si yɛlɛ min. Efraim ti mín wa yasua klikli.»

Zeremi 35:16

Zɔnadab b'ɔ ti Rekabfuɛ'n i anunman'm be fa ndɛ nga be nannan'n kan kleli be'n cɛ! Sanngɛ nvle nga'm be nunfuɛ'm be fa-man min ndɛ'n su.› »

Ezekiɛl 22:26

Be sraka yifuɛ'm be fɔn min mmla mun, yɛ be bu-man lika nga be ti n liɛ klonglo'n be like fi. Be si-man like ng'ɔ ti n liɛ klonglo'n nin ng'ɔ ti-man n liɛ mlɔnmlɔn'm be ngbaciɛ. Be kle-man sran'm be like ng'ɔ ti saun'n nin ng'ɔ ti-man saun'n be ngbaciɛ. Be nyinfu be di-man min wunmiɛn-delɛ-cɛn'n su. Yɛ sran fi nyin yi-man min. Anyinyiɛ ng'ɔ fata kɛ be fa man min'n, be fa man-man min.

Ndɛ Nga Nyanmiɛn I Nuan Ijɔfuɛ Oze Kannin'n 12:8

Kanaanfuɛ'm bé sa nun toe'm be ti-man kpa, akpo bolɛ'n yɛ ɔ ti be junman-an.

Ndɛ Nga Nyanmiɛn I Nuan Ijɔfuɛ Oze Kannin'n 4:6

Min sran'm be su wu, silɛ bɔ be si-man min'n ti be su wu. Ɔ kusu ɔ liɛ'n, a yili min ase. Silɛ nga a si min laa'n, a si-man min sɔ kun. I sɔ'n ti kusu m'an yi wɔ ase, a su yo-man min nyrun jranfuɛ kun. Mmla nga n kleli wɔ bɔ ɔ́ wla fili be su'n ti, min kusu n su kplin-man su kɛ ɔ mma'm be yo min nyrun jranfuɛ.

Ndɛ Nga Nyanmiɛn I Nuan Ijɔfuɛ Oze Kannin'n 5:1

«Nyanmiɛn nyrun jranfuɛ mun, amun `sie amún su be `tie ndɛ nga kpa! Izraɛlfuɛ mun, amun `sie amún su kpa! Famiɛn i awlofuɛ mun, an `sie amún su! Ndɛ nga ti amun liɛ, yɛlɛ kɛ Mizpa lɔ'n, amun kacili kɛ aya sa min sran'm bé bo, amun kacili kɛ tɛ bɔ b'a guɛ i Tabɔr oka'n su'n sa.

Saun Yolɛ 19:3

Man amún nyin yi amún si nin amún nin. Mín wunmiɛn-delɛ-cɛn'n nun'n, nán amun di junman. Min yɛ n ti Anannganman amun Nyanmiɛn nin-ɔn.

Sofoni 3:4

I su Nyanmiɛn nuan ijɔfuɛ mun'n, be kwla lafi-man bé su fa-man like wla-man be sa nun kɛ be `yo, be yo-man like nga be kle be'n. I su Nyanmiɛn nyrun jranfuɛ'm be yo Nyanmiɛn i ninnge'm be finfin. Be fa-man mmla'n su .

Malasi 2:1

Anannganman b'ɔ sie mɛn wunmuan'n wan yoo: Ndɛ nga n kan kle amun bɔ amun ti min nyrun jranfuɛ mun'n yɛ:

Malasi 2:10

?E ngba kwlakwla é si ti-man kun ti-ɔ? ?Nán Anannganman kunngba'n yɛ ɔ jrali ye-ɔ? ?Yɛ wuun ɔ yo sɛ ti yɛ e yo Anannganman nin e nannan'm be aenguɛ nga be trali'n i finfin-ɔn? ?Ɔ yo sɛ ti yɛ e yo e wiengu tɛ-ɔ?

Malasi 2:8

Sanngɛ amun ajulisu Nyanmiɛn nyrun jranfuɛ mun'n amu'an fa-man atin kpa sɔ'n su kun, amu'an kle sran sunman be atin tɛ. Amu'an saci aenguɛ nga e nin Levi e trali'n. M bɔbɔ min Anannganman bɔ n sie mɛn wunmuan'n yɛ n kan kle amun-ɔn.

Malasi 3:5

Anannganman'n b'ɔ sie mɛn wunmuan'n wan yoo: «N su wa ko tran amun afiɛn lɔ nan n ´di amun jɔlɛ. Wunnzue yifuɛ nin be nga be kunndɛ be wiengu'm bé yi mun, ɔ nin bé wun mun'n, n ´kan mín wun ndɛndɛ m ´ba nan n ´fɛ i sɔ ndɛ'n m ´mian bé sa. Be nga be ta ato nda, kpɛkuun i sɔ like'n be yo-mɛn i kun'n, ɔ nin be nga be mianmian bla nga be o angboti nun'n, ɔ nin aika mma mun'n, wie kusu-ɔ be bu aofuɛ'm be lufle'n, ɔ nin be nga be bu-man min like fi bɔ kaan sa'n, n ´kan mín wun m ´ba ndɛndɛ nan n ´fɛ i sɔ ndɛ'n m ´mian bé sa.»

Matthieu 15:4

Afin Nyanmiɛn kannin kɛ: ‹Bu ɔ si nin ɔ nin be sran.› Ɔ kɛnnin i ekun kɛ: ‹Sran ng'ɔ kɛn i si annzɛ i nin ndɛ tɛ'n, be `kun i .›

Matthieu 15:6

I sɔ'n ti amun nzuɛn'n i falɛ'n nun an yi Nyanmiɛn ndɛ'n blo.

Matthieu 19:19

yɛ klo ɔ wiengu kɛ ɔ fa klo ɔ bɔbɔ wun'n sa .»

Matthieu 6:9

I sɔ'n ti'n, amun liɛ'n, an `se kɛ: E si bɔ a o nyanmiɛn su lɔ'n, man sran'm be wun i wlɛ kɛ wɔ ngunmin yɛ a ti Nyanmiɛn nin-ɔn,

Matthieu 7:21

«Nán sran'm be kwlaa bɔ be flɛ min be Min'n be ngba yɛ Nyanmiɛn ´sie be sakpa-a, san sran ng'ɔ yo min Si b'ɔ o nyanmiɛn su lɔ'n i klun sa'n, i yɛ ɔ ´sie be sakpa-a.

Marc 10:19

A si mmla'n b'ɔ se kɛ: Nán kun sran, nán kunndɛ bla annzɛ bian ɔ́ yi annzɛ ɔ́ wun bo, nán wua, nán tɔn sran suɛn, nán di ndrunmun, bu ɔ́ si nin ɔ nin be sran .»

Marc 7:10

Afin Moiz kannin kɛ: ‹Bu ɔ si nin ɔ nin be sran,› yɛ ‹sran ng'ɔ kɛn i si annzɛ i nin i ndɛ tɛ'n man be kun i .›

JÉSUS-CHRIST I DYASIN FE'N BO LUC KLELI'N 10:29

Sanngɛ ɔ klo kɛ be bu i sran kpa, i sɔ'n ti ɔ usali Jésus kɛ: «?Wan yɛ ɔ ti n wiengu nin-ɔn?»

JÉSUS-CHRIST I DYASIN FE'N BO LUC KLELI'N 18:20

A si mmla nga be klɛli i kɛ: ‹Nán kunndɛ bla ɔ́ yi bo, nán kun sran, nán wua, nán tɔn sran suɛn, bu ɔ́ si nin ɔ nin be sran'n .› »

JÉSUS-CHRIST I DYASIN FE'N BO LUC KLELI'N 6:36

An `si aunnvuɛ, kɛ amun Si kusu si aunnvuɛ'n sa.»

JÉSUS-CHRIST I DYASIN FE'N BO LUC KLELI'N 6:46

«?Nguɛ ti yɛ an flɛ min Nannan, Nannan sanngɛ an yo-man like nga n kle amun nin-ɔn?

Efɛzfuɛ Mun 6:2

Be klɛli mmla nun kɛ: «Bu ɔ́ si nin ɔ nin be sran,» mmla bɔ Nyanmiɛn fa mannin sran mun b'ɔ uka su kɛ sɛ be yo-ɔ ɔ ´yo be ye'n, ɔ ti be nun klikli. Ye sɔ'n yɛlɛ kɛ:

Mmla'n 1:31

ɔ nin kɛ ɔ fa yoli amun aawlɛ flɛnnɛn'n nun lɔ'n sa. Amun bɔbɔ amun wunnin kɛ Anannganman amun Nyanmiɛn'n lololi amun kɛ sran fa lolo i wa'n sa, ɔ yoli i sɔ atin nga amun nantili nun lele fa juli lika nga nun wa'n.

Mmla'n 32:6

?Amun waan amun fa amun sa tɛ sɔ'n guɛ i Anannganman su? Amun lɛ-man akunndan. ?Nzu sran yɛ be sinnzin'n cɛnnin sɔ-ɔ? ?Ɔ ti-man amun si? ?Nán i yɛ ɔ jrali amun-ɔn? ?Nɛ́n i yɛ ɔ fali amun fa yoli i nvle nin-ɔn?

Mmla'n 5:16

Bu ɔ́ si nin ɔ́ nin be sran kɛ min Anannganman ɔ Nyanmiɛn'n n kan kleli wɔ'n sa, nan ɔ nguan nyanman'n ɔ'a yo tɛnndɛn nan ɔ wun ɔ'a jɔ wɔ fɔuun mɛn nga min Anannganman ɔ Nyanmiɛn'n fa man wɔ'n i nun'n ti.

1 Piɛr 1:17

An flɛ Nyanmiɛn b'ɔ nian-man sran nyrun yɛ ɔ di jɔlɛ'n, sanngɛ ndɛ sin yɛ ɔ jran di jɔlɛ'n, amun Si. I sɔ'n ti, kɛ an tɛ wo asiɛ'n su wa'n, an `yo sa ng'ɔ kle kɛ amún nyin yi i'n.