Malasi 1:5 - NYANMIƐN NDƐ'N 1998

⁵ Kɛ Izraɛlfuɛ'm be ´wun i'n, be ´se kɛ: Kannzu Anannganman i dan'n fɛ i Izraɛl nvle'n nun wa lele fa ju nvle uflɛ'm be nun lɔ.› »

Malasi 1:5 ပူးပေါင်းရင်းမြစ်များ

2 Be Nyoliɛ 29:8

Ɔ man Anannganman fali ya Zerizalɛmfuɛ mun nin Zidafuɛ'm be wun. Anannganman man be wla boli, be akunndan sanngannin, yɛ ɔ man sran'm be srisrili be. Ndɛ nin ndɛ amun tɛ wun i sɔ.

Ezekiɛl 38:16

A wa kata min nvle Izraɛl'n i su kɛ aosin bɔ ɔ'a kata mɛn'n su'n sa. Gɔg, kɛ ɔ ´cɛ lele'n, n ´fa wɔ a ko tɔ min mɛn'n su kɛ ɔ ´yo nan nvle-nvle'm b'a si min'n ti, yɛ n fa wɔ n kle be kɛ min nzuɛn'n nin klɔ sran liɛ'n ti-man kun.»

Ezekiɛl 38:23

N wa yi min dan bɔ n ti nin min nzuɛn b'ɔ nin klɔ sran liɛ ti-man kun'n be nglo. N ´yi mín wun nglo nvle kpanngban be nyrun, yɛ be wa si jrɛiin kɛ min yɛ n ti Anannganman nin-ɔn.»

Ezekiɛl 39:9

Izraɛlfuɛ'm be ´fin be klɔ'm be nun be ´fite. Be ´trɔ sin kun nuan, yɛ be ´fa wɔ be kpɔfuɛ'm be alɛ ninnge'm be nun: i nyrɛn kanngan mun o, i nyrɛn dandan mun o, i ta waka mun o, i ta mma mun o, i cua mun o, i cua tika mun o, be ´wɔ be nun. I sɔ sin'n ɔ ´tran lɛ lele afuɛ nso.

Mise 5:4

I yɛ ɔ ´fa fɔundi ba-a. Sɛ Asiri sonja'm be wlu e mɛn'n nun'n nan bé ja tia é sua kpakpa'm be nun'n, e ´sunman e sonja kpɛnngbɛn kpanngban kpa kɛ be nin be be ko kun.

Mmla'n 11:7

Sa dandan nga Anannganman yoli'n, amun wunnin be.

Mmla'n 4:3

Like nga Anannganman yoli i Baal-Pɛɔr i ndɛ'n nun'n, amun bɔbɔ amun wunnin i. Ɔ kunnin sran nga be sɔli Baal-Pɛɔr'n mun .

Zozie 24:7

Yɛ be kpan flɛli min kɛ n `uka be, nan m'an fa nyanmiɛn ble m'an sie amun nvlefuɛ'm be nin Eziptfuɛ'm be afiɛn. I sin, n yoli man nzue'n katali Eziptfuɛ'm bé su. Ɔ dili be. Amun bɔbɔ amun si sa nga n fa yoli Eziptfuɛ mun'n. Kɛ ɔ yoli sɔ'n, amun nvle'n cɛli aawlɛ flɛnnɛn nun kpa,

1 Samiɛl 12:16

Amun `tran wa be nian abonuan sa nga Anannganman ɔ wa yo kle amun'n.