Malasi 1:4 - NYANMIƐN NDƐ'N 1998

⁴ Sɛ Edɔmfuɛ'm be se kɛ: ‹B'a bubu e klɔ mun, sanngɛ e ´kplan be uflɛ'n.› I kusu m bɔbɔ min Anannganman bɔ n sie mɛn wunmuan'n, n ´se be kɛ yoo: ‹Be li man be kplan, sanngɛ n liɛ kusu nga n si i'n, yɛlɛ i bubulɛ. Ɔ man be ´flɛ be kɛ Klunwi Klɔ, wie kusu-ɔ, mɛn bɔ i wun ya wie-man Anannganman klun le.

Malasi 1:4 ပူးပေါင်းရင်းမြစ်များ

Zɔb I Nyrɛnnɛn Wunlɛ 12:14

Like ng'ɔ ko bubu i'n, sran fi kwla kplɛn-mɛn i kun, sɛ ɔ to sran kun sin anuan'n, sran fi kwla tike-man.

Zɔb I Nyrɛnnɛn Wunlɛ 34:29

?I kusu, sɛ Nyanmiɛn waan ɔ yo-man like fi'n, wan yɛ ɔ kwla bu i fɔ-ɔ? ?Sɛ i waan ɔ su fia'n, wan yɛ ɔ kwla wun i-ɔ? Ɔ nian nvle wunmuan nin klɔ sran'm be su.

Zɔb I Nyrɛnnɛn Wunlɛ 9:4

Nyanmiɛn i ngwlɛlɛ'n ɔ lɛ-man sin, yɛ ɔ kwla like kwlaa yo. Sran ng'ɔ jaso i wun'n, Ɔ yaci-mɛn i lɛ, ɔ tu i fɔ.

Jue Mun 127:1

Zerizalɛm kɔlɛ'n i su jue. Jue nga ti Salomɔn liɛ. I waan: Sua nga nán Anannganman yɛ ɔ kplan'n, be nga be kplɛn i lɛ'n, be kle be wun yalɛ bɔ ngbɛn. Klɔ nga nán Anannganman yɛ ɔ nian su'n, be nga be nian su'n, be sɛsɛ i ngbɛn .

Jue Mun 137:7

Anannganman, nán ɔ́ wla fi Edɔmfuɛ'm be su. Kɛ nyrɛnnɛn'n ɔ tɔli Zerizalɛm su'n, be yɛ be seli kɛ: «An `kpu klɔ'n su treketreke, an `kpu su lele to i bo ase wlawlɛ'n.»

Jue Mun 33:10

Anannganman saci nvle-nvlefuɛ'm bé sa nga be jaja mun. Be ninnge nga be bu be akunndan sie kɛ be ´yo'n, ɔ bu i bue.

Nyanndra Mun 21:30

Anannganman i like nga i waan ɔ ´yo i sa'n, sran i akunndan o, sran i ngwlɛlɛ o, sran i gugulɛ o, i wie fi kwla jrɛn-mɛn i.

Ezai 10:4

San bisuafuɛ'm be afiɛn kunngunlɛ nin be nga b'a kun be'n be afiɛn tɔlɛ yɛ ɔ nin amun a ka-a. Sanngɛ ɔ nin i sɔ'n ngba'n, Anannganman i ya'n ɔ su jɔ-man, ɔ nin amun ´nyɛn i tititi.

Ezai 11:14

Bé bo ´yo kun, be ´tɔ Filistifuɛ mun bɔ be o wia atɔliɛ lɔ'n bé su. Yɛ be ´fɛn be nga be o wia afiliɛ lɔ'n bé bo ninnge mun. Bé sa ´kan Edɔmfuɛ mun nin Moabfuɛ mun. Yɛ Amɔnfuɛ'm be ´yo be kanga.

Ezai 34:10

Kɔnguɛ o, wia nun o, ɔ su nuan-man. I wɛnsrɛn'n ɔ ´jaso tititi. Mɛn sɔ'n ɔ ´ka lɛ ngbɛn afuɛ'n kwlakwla, sran fi su si-man nun kun mlɔnmlɔn le.

Ezai 34:5

Anannganman'n waan i tokofi'n ɔ'a bo kɛ sran bɔ ɔ'a nɔn nzan'n ɔ'a bo'n sa. Nian, ɔ wa tɔ Edɔm mɛn'n su. Afin Anannganman waan be `nunnun nvle sɔ'n .

Zeremi 31:17

Anannganman'n waan: «Ɔ nyrun atin'n ti wein. Ɔ mma'm be ´sa bé sin be ´ba be lika'n nun ekun.

Zeremi 49:20

Edɔm wun akunndan nga Anannganman ɔ'a fa'n, an `tie. Temanfuɛ'm be wun gugulɛ nga ɔ'a gugu'n, an `tie. Ɔ ti nanwlɛ weiin, be ´fa be kɔ kɛ bua mun sa, ba kun sa su ka-man lɛ. Ɔ ti nanwlɛ weiin, be ´saci be tranwlɛ'n mlɔnmlɔn.

Zeremi 49:7

Edɔm liɛ'n yɛ: Anannganman b'ɔ sie mɛn wunmuan'n waan yoo: «?Teman kpa'n, ngwlɛlɛfuɛ nun-man su lɔ kun? ?Lɔ akunndanfuɛ mun, ngwlɛlɛ yɛ be si-mɛn i kun ti-ɔ?

Zeremi 49:8

Dɛdanfuɛ mun, an `kaci amun ja sin be `wanndi! An `ko tran yɛbuɛ buɛ'm be nun. N su fa nyrɛnnɛn'n n ´yi Ezau i osu'n nunfuɛ'm be su. Be fɔ tulɛ blɛ liɛ'n ɔ'a ju.

Zeremi 5:17

Be ´di amun ninnge'n kwlakwla. Be ´di ɔ fie su lɔ aliɛ mun nan b'a di klɔ wa liɛ mun. Be ´kun amun mma mun, i yasua mun o, i bla mun o, be ´kun be. Be ´kun amun nnɛn mun, i boli mun o, i bua mun o, i nannin mun o, be ´kun be. Be ´saci amun vinyi fie mun nin amun figie fie mun. Amun lɔ klɔ nga be sisi bé wun b'ɔ man an bu i kɛ sa kwla nyan-man amun'n, be ´fa alɛ saci be.

Ngwlɛ Yilɛ 3:37

?Wan yɛ kɛ ɔ uke i nuan'n kpɛkuun nga i waan ɔ `ju'n ɔ'a ka lɛ ɔ'a ju nin-ɔn ? ?Nán Anannganman-an?

Ezekiɛl 11:10

Alɛ wa di amun. N ´di amun jɔlɛ Izraɛl anyialiɛ'n su lɔ, yɛ amun wa si jrɛiin kɛ min yɛ n ti Anannganman nin-ɔn.

Ezekiɛl 25:13

I sɔ'n ti'n, Anannganman Nyanmiɛn wan yoo: N ´yi min kwlalɛ bɔ n kwla'n i nglo yɛ e nin Edɔm e ´nyɛn i. N ´nunnun sran nin nnɛn nga be o mɛn sɔ nun'n. Kɛ ɔ fɛ i Teman klɔ'n su lele b'ɔ ´fa ju Dɛdan klɔ'n su'n, n ´yo man lɛ lika'n ɔ kaci aawlɛ flɛnnɛn. Alɛ ´di i nun sran mun.

Ezekiɛl 25:14

N ´fa Izraɛl b'ɔ ti min nvle'n n ´tu n klunngbɔ'n n gua Edɔm su. Min ya dan bɔ n fali'n, i su yɛ be ´nian be ´fa kle be nyrɛnnɛn nin-ɔn. Yɛ be wa si kɛ kannzu kɛ be wɔ min safle'n, wuun b'a wɔ sran safle.› » Anannganman Nyanmiɛn yɛ ɔ kan sɔ-ɔ.

Ezekiɛl 26:14

N wa yo man a ´kaci kɛ yɛbuɛ treketreke bɔ like fi nun-man su'n sa. A wa yo lala'm be wlɛwlɛ. Be su kplan-man wɔ kun. M bɔbɔ min Anannganman, min yɛ m'an kan-an.»

Ezekiɛl 35:4

N ´saci ɔ klɔ mun. A ´tɔ sa srololo. Yɛ a wa si jrɛiin kɛ min yɛ n ti Anannganman nin-ɔn.

Ezekiɛl 35:9

N ´yo man a ´kaci aawlɛ flɛnnɛn sa tititi. Be su tran-man ɔ klɔ'm be su kun mlɔnmlɔn. Yɛ a wa si jrɛiin kɛ min yɛ n ti Anannganman nin-ɔn.› »

Amɔs 1:11

Anannganman'n wan yoo: «Edɔmfuɛ'm bé sa tɛtɛ nga b'a yo'n sɔnnin. Tokofi o bé sa nun yɛ be fa fuan be niaan Izraɛlfuɛ mun-ɔn. B'a si-man be aunnvuɛ mlɔnmlɔn. Be ya ti tɛ ngboko. Be fali ya ble be sieli be klun mlɔnmlɔnmlɔn. Ɔ man e nin be y'a nyɛn i.

Amɔs 3:15

M ´bubu ayrɛ blɛ sua mun nin aunyɛyɛ blɛ sua mun. Sua nga be fa sui je be wlawlali nun'n, be ´wie bubu. Sua sroesroe sɔ'm be ´tu lɛ!» Anannganman'n yɛ ɔ kan sɔ kle amun-ɔn.

Amɔs 5:11

Amun di be nga be lɛ-man wie'n be lufle. Be ble kan nga be kpɛ'n, kpɛkuun amu'an ko de wie bé sa nun. I sɔ'n ti, sua kpakpa nga an kplannin'n, an su tran-man be nun. Amun anwlɛn su vinyi nga an tali'n, bɔ be su mma fɛfɛ'n, amun su nɔn-man vinyi sɔ'm be su mma'n be nzue wie.

Amɔs 6:11

Amun `nian amun wun kpa. Afin Anannganman i nuan b'ɔ ´uke i sa'n, wuun sua dandan'm be lɛ bubulɛ'n, wuun sua kanngan'm be kusu be o kpacikpacilɛ.

Amɔs 6:2

Amun li an `wɔ Kalne lɔ be `ko nian sa ng'ɔ yoli lɔ'n, nan kɛ an fɛ i lɛ'n, amun `wɔ Amat klɔ dan'n su lɔ, nan an `kpɛn Filistifuɛ'm be klɔ Gat'n su lɔ. Amun wa wun kɛ i sɔ nvle liɛ'n nun'n, klɔ mun kanngan yɛ be ti-ɔ, sanngɛ amun kpa tra-man be.

Abdias 1:1

Edɔm mɛn'n i wun ndɛ nga bɔ Anannganman Nyanmiɛn yili nglo kleli Abdias bɔ i waan ɔ kan'n yɛ ɔ o yɛ: Anannganman sunmannin sran kun kɛ ɔ ko kan ndɛ kle mɛn uflɛ wie mun. Kɛ ɔ ´bo jasin nga Anannganman fa wlɛli i nuan'n e tili, i waan: «Amun `jaso man e nin Edɔm e `ko kun alɛ .»

Abdias 1:10

«Kɛ bɔ yɛ amun fɛnnin amun niaan Zakɔb i anunman'm bé bo ninnge'n, bɔ amun yoli be tɛtɛ'n, i ti amun kusu nyannzuɛn ´kun amun lele san amun ´wie nunnun weiin.

Malasi 1:3

kpɛkuun m'an klo-man Ezau sa wie. A kpɛn i lika'n nun oka'm be su sa'n, ɔ ti nyrɛnnɛn ngbɛn, n fɛli i lika'n m mannin aawlɛ flɛnnɛn'n nun nsoso mun.

Matthieu 12:30

Sran ng'ɔ nin min nun-man nun'n, ɔ ti n kpɔfuɛ, yɛ sran ng'ɔ nin min tian-man like nuan'n, ɔ trutru nun.