Malasi 1:3 - NYANMIƐN NDƐ'N 1998

³ kpɛkuun m'an klo-man Ezau sa wie. A kpɛn i lika'n nun oka'm be su sa'n, ɔ ti nyrɛnnɛn ngbɛn, n fɛli i lika'n m mannin aawlɛ flɛnnɛn'n nun nsoso mun.

Malasi 1:3 ပူးပေါင်းရင်းမြစ်များ

Bo Bolɛ 25:23

Anannganman seli i kɛ: «Akpasua nnyɔn be o ɔ klun. A wa wu nvle nnyɔn. Kun ´kwla kun, ba kpɛnngbɛn'n ɔ ´su i sinma'n.»

Ezai 35:7

Aunnyan nglɛnglɛ'n ɔ ´kaci nzue fɛtɛ, yɛ mɛn nga nzue we'n wo nun'n, ɔ ´kaci lika kun bɔ nzue ti'm be ´fin nun fite. Lika nga bɔ nsoso'm be la nun'n, ndɛ nin abɛnnya'm be ´fifi lɛ.

Zeremi 49:10

Sanngɛ min liɛ'n, n ´fɛn Ezau bo ninnge'n ngba. I ninnge fiawlɛ mun, n ´yi be kwlaa be nglo. Amun fia min nyrun-ɔn, ɔ su yo-man ye. Amun osu liɛ wunmuan'n, ɔ ´nunnun treketreke. Amun liɛ'n, amun mantanfuɛ bɔ kun su ka-man lɛ nan se kɛ ɔ ´fɔnvɔ amun ´se kɛ:

Zeremi 49:20

Edɔm wun akunndan nga Anannganman ɔ'a fa'n, an `tie. Temanfuɛ'm be wun gugulɛ nga ɔ'a gugu'n, an `tie. Ɔ ti nanwlɛ weiin, be ´fa be kɔ kɛ bua mun sa, ba kun sa su ka-man lɛ. Ɔ ti nanwlɛ weiin, be ´saci be tranwlɛ'n mlɔnmlɔn.

Zeremi 49:33

«Azɔr klɔ'n ɔ ´kaci nsoso'm be tranwlɛ. Ɔ ´saci mlɔnmlɔn, ɔ su sin-mɛn i osu kun. Sran fi su tran-man su kun. Klɔ sran kun sa su tran-man su kun.»

Zeremi 49:7

Edɔm liɛ'n yɛ: Anannganman b'ɔ sie mɛn wunmuan'n waan yoo: «?Teman kpa'n, ngwlɛlɛfuɛ nun-man su lɔ kun? ?Lɔ akunndanfuɛ mun, ngwlɛlɛ yɛ be si-mɛn i kun ti-ɔ?

Zeremi 49:8

Dɛdanfuɛ mun, an `kaci amun ja sin be `wanndi! An `ko tran yɛbuɛ buɛ'm be nun. N su fa nyrɛnnɛn'n n ´yi Ezau i osu'n nunfuɛ'm be su. Be fɔ tulɛ blɛ liɛ'n ɔ'a ju.

Zeremi 51:37

Babilɔni ´kaci yɛbuɛ kwle. Lɔ yɛ nsoso'm be ´la-a. Sran fi su ijɔ-man su kun. Be wun i sa-a, bé nuan'n yɛ ɔ ´bo bé wun-ɔn. Nyrɛnnɛn yɛ ɔ ´yo sa ngbɛn-ɔn.

Zeremi 9:11

Sran ng'ɔ si ngwlɛlɛ'n b'ɔ wun sa sɔ'm be wlɛ'n, man ɔ kan. Sran nga Anannganman'n kannin ndɛ kleli i'n, man ɔ kan sa ti bɔ mɛn'n sacili'n, b'ɔ man ɔ'a tɔ srolo'n, bɔ sran fi sin-man nun'n.

Ngwlɛ Yilɛ 4:22

Siɔnfuɛ mun, amun sa tɛ'n i nuan akatua'n ɔ'a wie yia. Be su tra-man amun lomuɛn kɔ-man mɛn wie nun kun. Edɔmfuɛ mun, amun sa tɛ liɛ'n i nuan akatua i manlɛ blɛ'n yɛ ɔ'a ju-ɔ. Sa tɛtɛ nga amun yoli'n, be ´bo i jɔ .

Ezekiɛl 36:7

I sɔ'n ti, ndɛ nga min Anannganman Nyanmiɛn n kɛn i kpongbogbo'n yɛ. M man n sa su n ta nda. Nanwlɛ, nvle nga be sin yia amun yɛ'm be yɛ nyannzuɛn dan'n ɔ ´kun be-ɔ.

Ezekiɛl 36:9

Afin ɔ cɛ kan'n, amun ´sa amun sin amun mɛn'n nun. N ´yo amun ye. N ´yo man be ´tutu amun asiɛ'n yɛ be ´lua su like.

Abdias 1:10

«Kɛ bɔ yɛ amun fɛnnin amun niaan Zakɔb i anunman'm bé bo ninnge'n, bɔ amun yoli be tɛtɛ'n, i ti amun kusu nyannzuɛn ´kun amun lele san amun ´wie nunnun weiin.

JÉSUS-CHRIST I DYASIN FE'N BO LUC KLELI'N 14:26

«Sran ng'ɔ ba min sin'n, sɛ ɔ'a kpɔ-mɛn i si, i nin, i yi, i mma mun, i niaan mun, yɛ i bɔbɔ i wun'n, ɔ su kwla yo-man n sɔnnzɔnfuɛ.