Malasi 1:14 - NYANMIƐN NDƐ'N 1998

¹⁴ Anannganman b'ɔ sie mɛn wunmuan'n waan: «Gblɛfuɛ nga nnɛn yasua kpa kun wo i nnɛn'm be nun bɔ nnɛn tukpacɛfuɛ nga ɔ'a yo kokloo kain'n yɛ ɔ ti like yɛ ɔ fa man min'n , i yako! Afin n ti famiɛn dan kun, min dunman'n yo sro mɛn wunmuan'n nun!»

Malasi 1:14 ပူးပေါင်းရင်းမြစ်များ

Bo Bolɛ 27:12

Sɛ baba fɛ i sa fua min wun nan ɔ wun kɛ gblɛ yɛ n kpɛ'n, ɔ ´yaci min nguan yralɛ'n, ɔ ´bo min sannzan.»

2 Samiɛl 24:24

David waan: «Nán man ɔ yo sɔ, man n to. Kɛ n yi tɛ bɔ be yrɛ i nnɛn kɔlikɔli'n m man Anannganman min Nyanmiɛn'n bɔ n yi-man nun like fi'n, ɔ nin i sɔ'n fata-man.» David toli asiɛ'n nin nannin mun jɛtɛ ufue ablenun.

Jue Mun 102:16

Man mɛnfuɛ'm be kwlaa be nyin yi Anannganman. Man asiɛ'n su famiɛn'm be wun kɛ i dan'n fa ti ju'n.

Jue Mun 47:2

Nvle nunfuɛ'm be kwlaa, amun `bo ndɛ, amun klun b'ɔ ti jɔwa'n ti'n, amun `bo sro nan amun `manman Nyanmiɛn.

Jue Mun 47:3

Afin Anannganman b'ɔ sie mɛn wunmuan'n ɔ yo sro, i yɛ ɔ ti asiɛ'n su famiɛn dan nin-ɔn.

Jue Mun 47:8

Afin Nyanmiɛn ti asiɛ wunmuan'n su famiɛn. Amun `to jue fɛfɛ kpa kun be bo flɛ i.

Jue Mun 48:2

Anannganman ti dan. Kɛ ɔ o i bɔbɔ i klɔ'n nun nin i oka'n su'n, ɔ nin manmanlɛ fata lele tra su.

Jue Mun 68:35

Amun `kɛn i kpa man be ti i kɛ Nyanmiɛn'n ɔ kwla. I dunman dan'n wo Izraɛl su. I kwlalɛ b'ɔ kwla'n ɔ fu lele ju nyanmiɛn ble'n nun lɔ.

Jue Mun 76:12

Amun `ta Anannganman amun Nyanmiɛn'n i nda kɛ amun ´yo like be mɛn i, yɛ amun `yia nda sɔ'n i nuan. Amun kwlaa nga amun ´wunnge Nyanmiɛn b'ɔ yo sro'n i wun'n, amun `fa ninnge be wa cɛ i.

Jue Mun 95:3

Afin Anannganman ti Nyanmiɛn kun b'ɔ ti kpli. Ɔ ti famiɛn dan ɔ sie ninnge'n kwlaa.

Ezai 57:15

Afin Anannganman b'ɔ o like kwlaa ti su'n, bɔ i lika ng'ɔ tran nun'n lɛ-man bo tuwlɛ'n, bɔ i dunman'n lɛ-man wunsu'n, i wan yoo: «N tran lika nga be o nglo-nglo mmua lɔ'n be nun, yɛ min nzuɛn nin klɔ sran liɛ ti-man kun. Sanngɛ be nga b'a fɛ'n, ɔ nin be nga bé wun a fɔ'n, min nin be e o nun, kɛ ɔ ´yo nan m'an wla be fanngan, nan m'an wla be nga b'a fɛ'n be fanngan wie'n ti .

Zeremi 10:10

Anannganman'n ɔ ti Nyanmiɛn sakpa. Ɔ ti Nyanmiɛn kun b'ɔ lafi-man. I kunngba'n ti famiɛn b'ɔ ti adudua. Kɛ ɔ ko fa ya sa'n, asiɛ wunmuan'n keje. Nvle-nvle'm be nunfuɛ'm be yo i like'n wie fi-ɔ ɔ yo-man ye.

Zeremi 46:18

Famiɛn'n bɔ i dunman yɛlɛ Anannganman b'ɔ sie mɛn wunmuan'n i wan yoo: ‹N kan m b'ɔ n wo lɛ titi'n ti. Kɛ Tabɔr oka'n fa ti oka kun nga'm be afiɛn'n kɛ Karmɛl'n fa jin jenvie'n nun zruun'n, i kunngba'n yɛ amun kpɔfuɛ'n ´fa tra amun su-ɔ.

Zeremi 48:10

Sran ng'ɔ fa nvɛɛ yo Anannganman i junman'n, i yako! Sran ng'ɔ se kɛ yoo: ‹Kɛ n `tra kaka'n nun n `kun be'n ɔ yo min ya'n.› I sɔ sran liɛ'n b'ɔ se sɔ'n i yako!

Zeremi 48:15

Moab ɔ'a nunnun. B'a wɔ lɔ klɔ'm be nun. Be su kankan lɔ gbanflɛn mun be ´kɔ be kunlɛ. Famiɛn'n yɛ ɔ kan sɔ-ɔ. Famiɛn sɔ'n i dunman'n yɛlɛ Anannganman b'ɔ sie mɛn wunmuan'n.

Daniɛl 9:4

N srɛli Anannganman min Nyanmiɛn'n, yɛ n kannin e sa tɛ nga e yoli mun n kleli i, n seli kɛ yoo: ‹Anannganman, Nyanmiɛn b'ɔ ti dan yɛ b'ɔ yo sro'n, sran nga be fa ɔ mmla'm be su'n, aenguɛ nga a nin be tra'n ɔ ka lɛ titi. A nin be nga be klo wɔ'n be o nun titi.

Sofoni 2:11

Anannganman'n su yo-man be blɛblɛ, ɔ ´kuakua asiɛ'n su amuɛn fanunfanun mun. Ɔ man nvle nga be o mmua-mmua kpa'n be ´koto i bo bé mɛn'm be nun sɛsɛsɛ .

Zakari 14:9

Anannganman'n yɛ ɔ ´sie mɛn wunmuan nin-ɔn. I kunngba yɛ ɔ ´yo Nyanmiɛn bɔ sran'm be kwlaa be su i-ɔ. I kunngba yɛ sran'm be kwlaa be ´bo i dunman-an.

Malasi 1:11

Afin kɛ ɔ fɛ wia afiliɛ lɔ lele b'ɔ fa ju wia atɔliɛ'n lɔ'n, sran'm be kwlaa be si kɛ min dunman'n ti dan. Lika'n kwlakwla be yra ansans be man min. Like ng'ɔ nin min fata'n yɛ be fa man min-ɔn. Min dunman'n ti dan mɛn'n kwlaa'n nun. M bɔbɔ min Anannganman bɔ n sie mɛn wunmuan'n yɛ n kan n kle amun-ɔn.

Malasi 1:8

Anannganman b'ɔ sie mɛn wunmuan'n usa kɛ yoo: «?Kɛ amun fa nnɛn nga be nyinma ti siwa, wie kusu-ɔ nga bé ja ti buwa, wie kusu-ɔ nga be kwla-man nanti'n be fa man min'n, ɔ ti kpa? ?Sɛ amun fɛ i sɔ nnɛn be man amun sran ng'ɔ sie amun'n, i klun ´jɔ su? ?Ɔ ´nian amun nyrun?

Malasi 2:1

Anannganman b'ɔ sie mɛn wunmuan'n wan yoo: Ndɛ nga n kan kle amun bɔ amun ti min nyrun jranfuɛ mun'n yɛ:

Malasi 3:9

I sɔ lakalɛ liɛ bɔ amun lakali min'n ti, sa o amun nvle wunmuan'n su .

Matthieu 24:51

Ɔ ´kpɛkpɛ i nun, ɔ ´fɛ i wla dunman klofuɛ'm be nun kan be sun be di be je lɔ'n.»

Matthieu 5:35

Yɛ nán an flɛ asiɛ'n be di, afin ɔ ti Nyanmiɛn i ja takatakawlɛ, nán an flɛ Zerizalɛm asiɛ'n be di, afin Zerizalɛm'n ti Famiɛn Dan'n i klɔ .

Marc 14:8

Ɔ'a yo ng'ɔ kwlɛ i yo'n, ɔ'a dun mmua gua min wun parfɛn, min nziɛ yɛ ɔ'a sie-ɔ.

JÉSUS-CHRIST I DYASIN FE'N BO LUC KLELI'N 12:46

sran sɔ'n i min'n ɔ ´ba cɛn nga i nyin nun-mɛn i balɛ'n su kun'n, ɔ nin dɔ nga ɔ si-man kɛ i su yɛ ɔ ba'n. Ɔ ´kpɛkpɛ i nun, ɔ man awieliɛ kunngba ng'ɔ wie be nga be ti-man sran kpa'n, ɔ ´wie i wie.

2 Korɛntfuɛ Mun 8:12

Afin sɛ sran kun bɔbɔ klun su i waan ɔ ´man Nyanmiɛn like'n, like nga i sa ju su b'ɔ fa mɛn i'n, ɔ sɔ nun, ɔ mian-man sran kɛ ɔ mɛn i like b'ɔ lɛ-mɛn i'n.

Mmla'n 28:58

Sɛ amu'an fa-man mmla bɔ be ti klɛwa fluwa nga nun'n i nun ndɛ mun, sɛ amu'an fa-man be amun sie-man'n, sɛ amun nian-man su b'a nanti-man'n, sɛ amun nyin a yi-man sran nga b'ɔ lɛ nyrun, b'ɔ yo sro'n, b'ɔ i dunman yɛlɛ Anannganman amun Nyanmiɛn'n,

1 Timote 6:15

Kɛ cɛn nga Nyanmiɛn sieli'n ko ju'n, Nyanmiɛn bɔ i kunngba yɛ ɔ ti famiɛn'n, bɔ be bo i dunman fɛ titi'n, b'ɔ sie famiɛn nin be kwlaa nga be sie sran'n, i yɛ ɔ ´yi i nglo sɔ nin-ɔn.

Hébreu 12:29

afin e Nyanmiɛn'n ti kɛ sin sa, ɔ yra .

Sa nglô yile 15:4

?Nannan, wan yɛ ɔ sro-man wɔ-ɔ? ?Wan yɛ ɔ bo-man ɔ dunman-an? Afin ɔ kunngba cɛ yɛ ɔ nzuɛn'n nin klɔ sran liɛ'n ti-man kun-ɔn. Nvle-nvlefuɛ'm be kwlaa be wa koto ɔ bo, afin be kwlaa b'a wun kɛ a di jɔlɛ nanwlɛ nun .»

Sa nglô yile 21:8

Sanngɛ srɛfuɛ mun'n, nin be nga be lafi-man n su'n, nin be nga be yo tete sa'n, nin sran kunfuɛ mun'n, nin bian nin bla kunndɛfuɛ mun'n, nin baefuɛ mun'n, nin amuɛn sɔfuɛ mun'n, nin be kwlaa nga be bua ato'n, be lika liɛ'n yɛlɛ sin dan'n bɔ sufru b'ɔ jue o nun'n. I yɛ ɔ ti wie'n i nnyɔn su nin-ɔn .»