Malasi 1:13 - NYANMIƐN NDƐ'N 1998

¹³ Amun se ekun kɛ yoo: ‹I kwlaa nga ti afɛ.› Amun yo min finfin, m bɔbɔ min Anannganman bɔ n sie mɛn wunmuan'n, amun ko wua nnɛn mun, wie kusu-ɔ amun fa nnɛn nga bé ja ti buwa, ɔ nin nnɛn tukpacɛfuɛ mun yɛ amun fa man min-ɔn. ?N sɔ nun-ɔn ɔ yo ye?»

Malasi 1:13 ပူးပေါင်းရင်းမြစ်များ

2 Samiɛl 24:24

David waan: «Nán man ɔ yo sɔ, man n to. Kɛ n yi tɛ bɔ be yrɛ i nnɛn kɔlikɔli'n m man Anannganman min Nyanmiɛn'n bɔ n yi-man nun like fi'n, ɔ nin i sɔ'n fata-man.» David toli asiɛ'n nin nannin mun jɛtɛ ufue ablenun.

Ezai 1:12

?Kɛ amun ba tɛ'm be yilɛ'n, wan yɛ ɔ tu amun kɛ amun `nanti-nanti min awlo nun-ɔn?

Ezai 57:6

Izraɛlfuɛ mun, nzue ba'm be nun yɛbuɛ mlɔnnɔn-mlɔnnɔn'm be yɛ be ti amun like kpa nin-ɔn. Amun like liɛ'n yɛ o lɛ-ɔ. Be yɛ amun gua nzan ase man be-ɔ. Tɛ nga be yra be nnɛn'n kɔlikɔli'n, be yɛ amun yi man be-ɔ. ?Kɛ b'ɔ ti sɔ nin-ɔn, n ´fɔnvɔ mín wun sɛ cɛ yɛ ɔ ´yo ye-ɔ?

Ezai 61:8

Afin min Anannganman n klo sa nga be yo i i nuan su'n. N ciliɛ yɛlɛ awie'n nin sa tɛtɛ'm be yolɛ'n. Like nga amun yo'n, m ´man amun i ti akatua ng'ɔ nin i fata'n. E nin amun e ´tra aenguɛ kun b'ɔ ti anannganman.»

Ezekiɛl 4:14

Yɛ n seli kɛ: «Ee! Anannganman Nyanmiɛn, n nian di-man like fiɛn le. Kɛ ɔ fɛ i min kaan nun lele b'ɔ ´fa ju yɛ'n, n nian di-man nnɛn ng'ɔ wuli i sa su annzɛ nga i wiengu nnɛn wie kunnin i'n le. Like fiɛn'n i wie nian wlu-man mín nuan nun le .»

Ezekiɛl 44:31

Sanngɛ min nyrun jranfuɛ'm be lɛ-man atin kɛ be ´di nnɛn annzɛ anunman nga be wuli be sa su'n annzɛ nga bɔ be wiengu kunnin be'n.»

Ndɛ Nga Nyanmiɛn I Nuan Ijɔfuɛ Oze Kannin'n 13:9

Izraɛlfuɛ mun, amun nunnunlɛ'n ɔ fin min wun bɔ amun jasoli'n. ?Wan yɛ ɔ wa uka amun-ɔn?

Saun Yolɛ 22:8

Nnɛn nga b'ɔ wu i sa su'n, wie kusu-ɔ bɔ blo nnɛn wie yɛ ɔ kunnin i'n, ɔ fata-man kɛ min nyrun jranfuɛ kun di i nnɛn nan ɔ fɛ i wun wla fiɛn nun. Min yɛ n ti Anannganman nin-ɔn.

Saun Yolɛ 6:4

Kɛ ɔ ko yo sɔ'n, ɔ `ko kaci i wun tralɛ mun, kpɛkuun ɔ wa `fɛ i sɔ nzuɛn liɛ'n nanmue'n nun fite, ɔ `fa ɔ min lika uflɛ kun nun.

Amɔs 8:5

An ko se kɛ: «Man anglo le kun'n wie sɔ nan e `nyan e ble'n i atɛ yowlɛ. Man wunmiɛn-delɛ-cɛn'n sin ndɛndɛ nan e `tike e tanngannin'm be su!» An kpɛ suliɛ'm be su, an kpɛ jayɛbuɛ'm be su. An mian toe'm be nun be fa di sran'm be lufle.

Mise 6:3

Ɔ usa be kɛ: «?Min sran mun, nguɛ sa yɛ n yoli amun-ɔn? ?Tɛ onin yɛ n yoli amun-ɔn? An `kan man n ti.

Malasi 1:10

Anannganman b'ɔ sie mɛn wunmuan'n wan yoo: «Sɛ sran kun ko nyin Nyanmiɛn sua'n i anuan'n ɔ flunman. I liɛ'n amun su trɔ-man sin mín sɔwlɛ'n su ngbɛn kun. Amun wun yo-man min fɛ. Ɔ man kusu like nga amun fa man min'n, n su sɔ-man nun.

Malasi 2:12

Sran ng'ɔ yo i sɔ sa'n, nán Anannganman mɛn i atin man ɔ nyan Zakɔb i osu'n nun sran nan ɔ jrɛn i sin, wie kusu-ɔ, nán ɔ ko jrɛn i nuan yi tɛ man Anannganman b'ɔ sie mɛn wunmuan'n.

Malasi 2:13

Amún sa kun ekun bɔ amun yo i siɛn'n, yɛlɛ amun nyinmuɛn'n, amu'an fa gua Nyanmiɛn i sɔwlɛ'n su lele ɔ'a jran su dannguun! Sunlɛ nin kokolɛ yɛ ɔ'a kaci amun junman-an. Like nga bɔ amun fa ba Anannganman i manlɛ b'ɔ sɔ-man nun'n ti.

Matthieu 6:16

«Sɛ amun ´kpɛ srɛ nun kɛ amun nin Nyanmiɛn amun ´koko yalɛ'n, nán an mlan amun nyrun kɛ dunman klofuɛ'm be yo'n sa, be yo bé wun fiɛn be fa kle sran mun kɛ be su kpɛ srɛ nun. Nanwlɛ, mo nga Nyanmiɛn ko yo be'n, yɛ sran'm be yoli be lɛ-ɔ .

Matthieu 6:5

«Kɛ amun nin Nyanmiɛn amun ´koko yalɛ'n, nán an yo kɛ dunman klofuɛ'm bɔ be klo nglo jranlɛ Nyanmiɛn ndɛ suanlɛ nin i srɛlɛ sua'm be nun nin klɔ'n nun anngɔnda'm be su kɛ sran'm be wun be kɛ be nin Nyanmiɛn su ijɔ'n be liɛ'n sa. Nanwlɛ, mo nga Nyanmiɛn ko yo be'n, yɛ sran'm be yoli be lɛ-ɔ.

Mmla'n 15:21

Sanngɛ sɛ wie ja ti saciwa'n, annzɛ sɛ i nyin ti siwa'n, annzɛ sɛ lɛ uflɛ wie o i wun'n, nán amun fa yi tɛ man Anannganman amun Nyanmiɛn'n.

1 Samiɛl 2:29

?Tɛ nga be yi be man min nin like nga be fa cɛ min bɔ n kɛnnin i ndɛ'n, ɔ yo sɛ ti yɛ amun bu be kɛ wla sa nin-ɔn? ?Ɔ yo sɛ ti yɛ a bu ɔ mma'm be sran tra min nin-ɔn? ?Ɔ yo sɛ ti yɛ amun fa nnɛn nga Izraɛlfuɛ'm bɔ be ti min nvlefuɛ'n be man min'n be lika kpakpa mun be di nin-ɔn?