JÉSUS-CHRIST I DYASIN FE'N BO LUC KLELI'N 9:5 - NYANMIƐN NDƐ'N 1998

⁵ Yɛ klɔ kwlaa nga be sɔ-man be nun su'n, kɛ be ´tu be bo lɛ'n, be `kpukpu bé ja wun ndutre'n guɛ i klɔ sɔ'n su, man ɔ yo be lalofuɛ.

Nyanmien nde Ufle

⁵ Ye klo kwlaa nga bé so'a bé nun'n, ke béh tuh bé bô klo so'n su'n, bé kpukpu bé dya wun ndutré'n gue klo so'n su, mon o yô bé lalôfue.

JÉSUS-CHRIST I DYASIN FE'N BO LUC KLELI'N 9:5 ပူးပေါင်းရင်းမြစ်များ

Neemi 5:13

Yɛ n kpukpuli min tralɛ dan'n nun-ɔn, nan m'an se kɛ: «Sran nga ɔ'a niɛn-mɛn i ndɛ'n su ɔ'a yo-man'n, man Nyanmiɛn kpukpu i nun kɛ nga sa. Man i bɔbɔ i awlo'n nin i bo ninnge'm be fi i sa. Man Nyanmiɛn kpukpu i nun ɔ jrɛ i sa kli!» Be kwlaa be tɛli su kɛ: «Man ɔ yo sɔ!» Nan b'a manman Anannganman. I sin be niannin be ndɛ sɔ'n su be yoli.

Matthieu 10:18

Be ´fa amun kɔ be bɔ be sie mɛn'n nin famiɛn'm bé ja su min ti nan an kan min ndɛ kle be nin be bɔ be ti-man Zuif'n.

Marc 6:11

Sɛ an ju lika wie nan b'a sike-man amun'n, bɔ be tie-man amun ndɛ'n, kɛ amun ´tu an bo klɔ sɔ'n su'n, an `kpukpu amún ja wun ndutre'n guɛ i lɛ, ɔ ´yo amun lalofuɛ .»

Marc 9:37

«Sran kwlaa ng'ɔ sɔ ba kaan kun kɛ nga sa nun n dunman nun'n, wuun ɔ'a sɔ m bɔbɔ min nun, yɛ sran kwlaa ng'ɔ sɔ min nun'n, nán min yɛ ɔ sɔ min nun-ɔn, sanngɛ sran ng'ɔ sunmannin min'n i nun yɛ ɔ'a sɔ-ɔ.»

JÉSUS-CHRIST I DYASIN FE'N BO LUC KLELI'N 10:16

Sran ng'ɔ fa amun ndɛ'n su'n, wuun min ndɛ'n su yɛ ɔ'a fa-a. Sanngɛ sran ng'ɔ sɔ-man amun nun'n, wuun ɔ'a sɔ-man min nun, yɛ sran ng'ɔ sɔ-man min nun'n, wuun ɔ'a sɔ-man sran ng'ɔ sunmannin min'n, i nun.»

JÉSUS-CHRIST I DYASIN FE'N BO LUC KLELI'N 5:14

Yɛ ɔ wlɛli i su nun kpa kɛ nán ɔ kan sa sɔ'n kle sran fi sanngɛ ɔ `fɛ i wun ko kle Nyanmiɛn nyrun jranfuɛ'n, yɛ ɔ `fɛ i wun aso bolɛ like bɔ Moiz kleli'n fa man man be wun kɛ ɔ'a yo juejue .

JÉSUS-CHRIST I DYASIN FE'N BO LUC KLELI'N 9:4

I waan awlo kwlaa nga be wlu nun'n, be tran lɛ lele san be kɔlɛ a ju.

JÉSUS-CHRIST I DYASIN FE'N BO LUC KLELI'N 9:48

«Sran ng'ɔ sɔ bakan nga nun n dunman nun'n, wuun m bɔbɔ min yɛ ɔ'a sɔ min nun-ɔn, yɛ sran ng'ɔ sɔ min nun'n, wuun sran b'ɔ sunmannin min'n i nun yɛ ɔ'a sɔ-ɔ. Afin sran ng'ɔ ti amun kwlaa amun nun kaan'n, i sɔfuɛ'n yɛ ɔ ti dan-an.»

Sa nga bé yôli'n 13:51

Pɔl nin Barnabas be kpukpuli bé ja wun ndutre'n guɛli be wun, nan b'a ɔ Ikoni.

Sa nga bé yôli'n 18:6

Kɛ Zuif'm be kpalo i ndɛ'n bɔ be ´kpɛ i nzowa'n, ɔ kpukpuli i tralɛ'n nun, ɔ seli be kɛ: «Sɛ an mlin'n, amun bɔbɔ amun ndɛ-ɔ. Min ndɛ nun-man nun! Kɛ ɔ fin ndɛ'n, n ´kɔ be bɔ be ti-man Zuif'n be sin.»