JÉSUS-CHRIST I DYASIN FE'N BO LUC KLELI'N 9:41 - NYANMIƐN NDƐ'N 1998

⁴¹ Yɛ Jésus sɛli kɛ: «?Amun ajulisufuɛ nyin keklefuɛ bɔ an lafi-man sa su'n, min nin amun ´tran lele cɛn onin? ?N ´tra min anwlɛn amún wun lele cɛn onin? Fa ɔ́ wa'n blɛ min.»

Nyanmien nde Ufle

⁴¹ Ye Jésus sé ke: ?Amun adyulisufue nyin kékléfue bo an lafi'a sa su'n, min nin amunh tranh lélé tyen ônin? ?N tra min awlen amun wun lélé tyen ônin? Fo o wa'n ble min.

JÉSUS-CHRIST I DYASIN FE'N BO LUC KLELI'N 9:41 ပူးပေါင်းရင်းမြစ်များ

2 Famiɛn Mun 5:8

Kɛ Elize b'ɔ ti Nyanmiɛn i sran'n tili i kɛ Izraɛl famiɛn'n ɔ'a titi i wun tralɛ'm be nun'n, ɔ sunmannin sran kɛ ɔ ko se i kɛ: «?Ɔ yo sɛ ti yɛ a titili ɔ́ wun tralɛ'm be nun-ɔn? Se i man ɔ bla ń sin. Ɔ wa wun i kɛ Nyanmiɛn i nuan ijɔfuɛ kun wo Izraɛl mɛn'n nun wa sakpa.»

Jue Mun 78:8

I liɛ'n, be su yo-man kɛ be nannan'm, bɔ be yoli nyin kekle dan'n, bɔ be anwlɛn'n yoli nnyɔn-nnyɔn'n, bɔ be akunndan'n ɔ'a tran-man Nyanmiɛn su'n sa.

Ezipt Lɔ Tulɛ'n 10:3

Moiz nin Aarɔn be ko toli Ezipt famiɛn'n nan b'a se i kɛ: «Anannganman b'ɔ ti Ebre'm be Nyanmiɛn'n, ɔ usa wɔ kɛ: ‹?Ɔ wun ase nga ɔ waan a kɛn-mɛn i lɛ'n, a ´yo i sɔ lele ´fa ju cɛn onin? Man min sran'm be atin nan be kɔ su min.

Ezipt Lɔ Tulɛ'n 16:28

Anannganman seli Moiz kɛ: «?Min mmla bɔ amun waan amun fa-man su'n, amun ´yo i sɔ lele cɛn onin?

Zeremi 4:14

«Zerizalɛm, sɛ a klo kɛ a ´fite nun'n, yo wɔ anwlɛn'n saun. ?Cɛn onin ko nan w'a yaci akunndan tɛtɛ bulɛ'n?

Kalɛ 14:11

Anannganman seli Moiz kɛ: «?Finfin nga nvlefuɛ'm be yo min yɛ'n, cɛn onin ko yɛ be ´yaci i yolɛ-ɔ? ?Yɛ atrɛ nga n yi be be nyrun'n cɛn kwlaa bɔ be lafi-man su lɛ'n, cɛn onin ko yɛ be ´lafi min su-ɔ?

Kalɛ 14:27

«?Mín wun ndɛ tɛtɛ nga nvlefuɛ klunwifuɛ nga'm be kan'n, cɛn onin ko yɛ be yaci-ɔ? M'an ti mín wun ndɛ tɛtɛ sɔ'n wie be nuan nun pɛ.

Matthieu 11:28

Amun kwlaa bɔ an sua trɔ bɔ amu'an fɛ'n, an bla min sin, n ´sike amun, yɛ amun ´de wunmiɛn.

Matthieu 12:39

Yɛ ɔ seli be kɛ: «Ajulisufuɛ tɛtɛ bɔ be ti kɛ bla b'ɔ kunndɛ bian i wun bo sa Nyanmiɛn nyrun'n, be klo kɛ be `yi atrɛ kle be. Be su yi-man atrɛ fi kle-man be san Nyanmiɛn nuan ijɔfuɛ Zonas liɛ'n cɛ.

Matthieu 12:45

Ɔ kɔ ko fɛ i wiengu asiɛ usu nso bɔ be tɛ liɛ'n trɛ i liɛ'n, be wa wlu sua sɔ'n nun, be tran nun, yɛ sran sɔ'n i sacilɛ b'ɔ saci siɛn'n, ɔ yo tɛ dan tra laa liɛ'n. Kɛ ajulisufuɛ tɛtɛ nga'm be liɛ'n ɔ wa yo sɔ-ɔ.»

Matthieu 16:4

Ajulisufuɛ tɛtɛ bɔ be ti kɛ bla b'ɔ kunndɛ bian i wun bo sa Nyanmiɛn nyrun'n, be waan be yi atrɛ kle be. Be su yi-man atrɛ fi kle-man be, san Zonas liɛ'n cɛ yɛ be ´yi-ɔ .» I sin ɔ yaci be lɛ ɔli.

Matthieu 17:17

Yɛ Jésus seli kɛ: «?Amun ajulisufuɛ nyin keklefuɛ bɔ an lafi-man sa su'n, min nin amun ´tran lele cɛn onin? ?N ´tra min anwlɛn amún wun lele cɛn onin? An `fɛ i blɛ min.»

Matthieu 23:36

Nanwlɛ, i kwlaa sɔ'n ɔ ti ajulisufuɛ nga'm be ndɛ .»

Matthieu 3:7

Kɛ ɔ wunnin kɛ Farizifuɛ nin Sadisefuɛ kpanngban be ba kɛ ɔ `yo be batɛm'n, ɔ usali be kɛ: «?Ɔnda mma mun, wan yɛ ɔ seli amun kɛ an wanndi Nyanmiɛn i ya b'ɔ wa jao'n i bo-ɔ?

Marc 10:14

Kɛ Jésus wunnin i sɔ'n, ɔ'a yo-mɛn i fɛ, nan ɔ'a se be kɛ: «An `yaci ba kanngan'm be nun man be bla n sin, nán an fuan be, afin be bɔ be yo bé wun kɛ ba kanngan nga mun sa'n, be yɛ Nyanmiɛn sie be-ɔ.

Marc 10:49

Jésus jrannin nan ɔ'a se kɛ: «An `flɛ i man ɔ bla.» Be flɛli anyansifuɛ'n, be seli i kɛ: «Gua ɔ́ wla ase, jao, ɔ su flɛ wɔ.»

Marc 9:19

Yɛ Jésus usali kɛ: «?Amun ajulisufuɛ mun bɔ an lafi-man sa su'n, min nin amun ´tran lele fa ju cɛn onin? ?Yɛ n ´tra min anwlɛn amún wun lele fa ju cɛn onin? An `fɛ i blɛ min.»

JÉSUS-CHRIST I DYASIN FE'N BO LUC KLELI'N 8:25

Yɛ ɔ usali be kɛ: «?Nguɛ ti yɛ an lafi-man Nyanmiɛn su-ɔ?» Srɛ kunnin be, ɔ boli bé nuan, nan b'a usa be wiengu kɛ: «?Bian nga ti i liɛ sɛ b'ɔ man ɔ se aunngban'n nin nzue'n kɛ be jran'n bɔ be jran-an?»

JÉSUS-CHRIST I DYASIN FE'N BO LUC KLELI'N 9:40

N srɛli ɔ sɔnnzɔnfuɛ mun kɛ be tu like sɔ'n, b'a kwla tu-mɛn i.»

JÉSUS-CHRIST I DYASIN FE'N BO LUC KLELI'N 9:42

Kɛ bakan sɔ'n ɔ wa ju Jésus wun lɛ'n, like sɔ'n tɔli i su, ɔ tɛli i ase, ɔ keteli i kafiaa. Jésus ijɔli like b'ɔ saci bakan sɔ'n, ɔ yoli i juejue, nan ɔ'a fɛ i a mɛn i si.

Jean 14:9

Jésus seli i kɛ : «?Filip, lalaa bɔ min nin amun o wa'n, a nian si-man min? Sran ng'ɔ wun min'n, wuun ɔ'a wun e Si'n. ?Ɔ yo sɛ yɛ a se n kɛ n kle amun e Si nin-ɔn?

Jean 20:27

Yɛ ɔ seli Tomas kɛ: «Fa ɔ sama'n bla, nian mín sa'n, fa ɔ sa'n bla wa ekun fa wla n nvɛn nun kpɛngbɛ liɛ'n i osu'n nun, nán yo sran b'ɔ lafi-man sa su, sanngɛ lafi su!»

Sa nga bé yôli'n 13:18

Ɔ trɛli i anwlɛn niannin be lika afuɛ ablanan aawlɛ flɛnnɛn nun lɔ .

Sa nga bé yôli'n 2:40

Piɛr kannin ndɛ fanunfanun kleli be, ɔ yiyili nun weinwein, ɔ tuli be fɔ dan kpa kɛ be `yi bé wun ajulisufuɛ tɛtɛ nga'm be nun.

Rɔmfuɛ Mun 2:4

Nyanmiɛn ti aklunyefuɛ dan kpa, ɔ kpli-man sa wun, ɔ blu sa su. ?Ɔ nin i sɔ'n ngba'n, an bu-man i sɔ b'ɔ ti'n i like fi? ?An si-man kɛ Nyanmiɛn yo sa kpa nan an kaci amun nzuɛn'n?

Mmla'n 32:5

Sɛ b'a saci'n, ɔ fin-mɛn i, ɔ fin be lika. Be ti nvle kun bɔ be ti tɛ lele tra su, gblɛ'n ɔ'a yi be piɛ.

Hébreu 3:19

Ɔ man e wun kɛ b'a kwla ju-man lika sɔ'n nun yɛlɛ kɛ b'a lafi-mɛn i su .

Hébreu 4:11

I sɔ'n ti, man e mian é nyin nan e wlu wunmiɛn delɛ lika sɔ'n nun nan sran fi a yo-man nyin kekle i su nan ɔ'a wlu-man lika sɔ'n nun kɛ be liɛ'n sa-a.

Hébreu 4:2

Afin jasin fɛ nga be kan kleli be nga be trannin aawlɛ flɛnnɛn nun lɔ'n, be kɛnnin i kunngba'n kleli ye kusu, sanngɛ ndɛ nga be tili'n bɔ b'a lafi-man su'n ti'n, b'a yo-man kpa.

Hébreu 7:25

I sɔ'n ti'n, ɔ man be bɔ i ti be mantan Nyanmiɛn'n, be ´kwla nyan bé ti mlɔnmlɔn, afin ɔ o lɛ titi ɔ srɛ Nyanmiɛn kɛ ɔ nian bé su.